XXIV. SAINT LOUIS TOMDE SfALADE ET SE CROISE EN

100. Après ces choses desus dites avint, ainsi comme diex vout, que une grans maladie prist le roy à Paris, dont il fu à tel meschief, si comme on le disnit, que l'une des dames qui le gardoit li vouloit traire le drap sur le visaige, et disoit qu'il estoit mors. Kt une autre dame, qui estoit à l'autre part dou lit, ne li souffri mie; ainçois disoit qu'il avoit encore lame ou cors.

107. Et comme il oyt le descort de ces dous dames, Nostre Sires ouvra en li et li eiivoia santei tantost; car il estoit esmuyz et ne pcuoit parler. Et si tost qu'il fu en estât pour parler, il requist que on li donnast la croiz, et si fist-on. Lors la royne sa mère oy dire que la parole li estoit revenue, et elle en fist si grant joie comme elle pot plus. Et quant elle sot que il lu croisiez, ainsi comme il meismes le contoit. elle mena aussi grant duel comme se elle le veist mort.

108. Après ce que il fu croisiez, se croisierent Robers li cuens d'Artois, Auphons cuens de Poitiers, Charles cuens d'Anjou, qui puis fu roys de Cezile, tuit troi frères le roy; et se croisa Hugues dus de Bourgoingne, Guillaumes cuens de Flandres, frères le comte Guion de Flandres, nouvellement mort*,li bons