XXVIII. EMBARQUEMENT DES CROISÉS, AU MOIS D'AOUT

125. Au mois d'aoust, entrâmes en nos neis à la Roche de Marseille *. A celle journée que nous entrames en nos neis, fist l'on ouvrir la porte de la nef, et mist l'on touz nos chevaus ens que nous deviens mener outre mer ; et puis reclost l'on la porte et l'enboucha l'on bien, aussi comme [quant ^] l'on naye un tonnel, pour ce que, quant la neis est en la grant mer, toute la porte est en l'yaue.

126. Quant li cheval furent ens, nostre maistres notonniers escria à ses notonniers, qui estoient ou bec de la nef, et lour dist: « Est arée vostre besoigne? » Et il respondirent : « Oil, sire ; vieingnent avant li « clerc et li provere. » Maintenant que il furent venu, il lour escria : « Chantez, de par Dieu! » Et il s'escrierent tuit à une voix : «Veni creator Spiritus. » Et il escria à ses notonniers : « Faites voile, de par « Dieu ! » Et il si firent.

127. Et en brief tens li venz se feri ou voile, et nous ot tolu la veue de la terre, que nous ne veismes que ciel et yaue; et chascun jour nous esloigna li venz des pais où nous aviens estei nei. Et ces choses vous moustré-je que cil est bien fol hardis, qui se ose mettre en tel péril atout autrui chatel ou en

i. Éminence récemment détruite 1 2. Je supplée quant «uivani :|ui dominait le vieux port. I l'observation de M. Paris.