AMBASSADE DES TARTARES

Entre les autres, li manda que il estoit prez de H aidier à conquerre la Terre-Sainte, et de délivrer Jherusalem de la main aus Sarrazins.

134. Li roys reçut moût debonnairement ses messaiges, et li renvoia les siens, qui demeurèrent dous ans avant que il revenissent à li. Et par les messaiges, envoia li roys au roy des Tartarins une tente faite en la guise d'une chapelle, qui moût cousta; car elle fu toute faite de bone escarlate linne. Et li roys, pour veoir se il les pourroit atraire à notre créance, fist entaillier en ladite chapelle, par ymaiges, l'Anonciacion Nostre-Dame et touz les autres poins de la foy *. Et ces choses lour envoia-il par dous frères preescheours qui savoient le sarrazinnois, pour aus moustrer et enseignier comment il dévoient croire.

135. II revindrent au roi li dui frcre, en ce point que li frère au roy revindrent en France ; et trouvèrent le roy qui estoit partis d'Acre, là où siii frère l'avoient lessié, et estoit venus à Cesaire - là où il la fermoit ; ne n'avoit ne paiz ne trêves aus Sarrazins. Comment li messaige le roy de France furent receu, vous dirai-je aussi comme il meismes le contèrent au roy ^; et en ce que il raporterent au roy, pourrez oïr moût de merveilles, lesquex je ne vueil pas conter, pour ce que il me couvenroit derompre ma matière que j'ai commencie, qui est teix.