XXXVI. FAITE DE SAINT LOUIS; DÉSORDRES DES CROISÉS

166. Autant puet dire Nostre Sires de nous comme il dist des fiz Israël, là ou il dist : Et pro nichilo habuerunt terram desiderabilem. Et que dist-il après? Il dist que il oublièrent Dieu, qui sauvez les avoit. Et comment nous l'oubliâmes vous dirai-je-ci après.

167. Je vous penrai premicreî'ment au roy, qui manda querre ses barons, les ders et les laiz, et lour requist que il li aidassent à conseillier comment l'on departiroit ce que l'on avoit gaaingnié en la ville. Li patriarches fu li premiers qui parla, et dist ainsi : a Sire, il me semble que il iert bon que « vous retenez les formens et les orges et les ris, et « tout ce de quoy on puet vivre, pour la ville garnir; «r et face l'on crier en l'ost que tuit li autre mueble

1. Jean ili Brienne, roi de Jérusalem, prit Damielte en 1219.

tOaTS DU ROI ET DES CROISÉS. 7i

c fussent aportei en l'oslel au légat, sur peinne de < de escommeniement. » A ce conseil s'acorderent luit li autre baron. Or avint ainsi que tuit li mueble que l'on apporta à l'ostel le légat ne montèrent que à sis mille livres.

168. Quant ce fu fait, li roys et 11 baron mandèrent querre mon signour Jehan de Waleri le preudome, et li distrent ainsi : « Sire de Waleri, dist li roys, « nous avons acordey que li legas vous baillera les « sis milles livres, à départir là où vous cuiderés que « il soit miex. — Sire, fit li preudom, vous me faites « grant honour, la vostre merci! mais ceste honour « et ceste offre que vous me faites, ne penrai-je pas, « se Dieu plaît; car je desferoie les bonnes cous- « tûmes de la Sainte-Terre, qui sont teix : car quant « l'on prent les cités des ennemis, des biens que l'on » treuve dedans, li roys en doit avoir le tiers, et li pet lerin en doivent avoir les dous pars. »

lt)9. « Et ceste coustume tint bien li roys Jehans f quant il prist Damiete; et ainsi comme li ancien « dient, li roy de Jérusalem qui furent devant le roy « Jelian, tindrent bien ceste coustume. Et se il vous « plait que vous me vueilliez baillier les dous pars des t fourmens et des orges, des ris et des autres vivres, € je me entremetterai volentiers pour départir aus t pèlerins. » Li roys n'ot pas consoil dou faire, et ainsi demoura la besoigne; dont mainte gent se tindrent mal apaié de ce que li roys dei'fit les bonnes coustumes anciennes.

?2 HISTOIRE DE SAINT LOOtS. '

170. Les gens le roy, qui deussent debonnairement les gens retenir, lour loerent les estaus pour vendre lour danrées aussi chier, si comme l'on disoit, comme il porent; et pour ce la renommée couru en estranges terres : dont maint marcheant lessierent à venir en l'ost. Li baron, qui deussent garder le lour pour bien emploier en lieu et en tens, se pristrent à donner les grans mangiers et les outrageuses viandes.

171. Li communs peuples se pristaus foies femmes; dont il avint que li roys donna congié à tout plein de ses gens, quant nous revenimes de prison. Et je li demandai pour quoi il avoit ce fait; et il me dist que il avoit trouvei de certein que au giet d'une pierre menue, entour son paveiilon, tenoient cil lour bordiaus à cui il avoit donnei congié, et ou temps dou plus grant meschief que li os eust onques estei.

XXXVII. LES SARRASINS ATTAQUENT LE CAMP; MORT DE GAUTIER d'AUTRÈCHE.

172. Or revenons à nostre matière et disons ainsi, que un pou après ce que nous eussiens pris Damiete, vindrent devant l'ost toute la chevalerie au soudanc, et assistrent nostre ost par devers la terre. Li roys et • toule la chevalerie s'armèrent. Je, touz armez, alai , parler au roy, et le trouvai tout armei séant sus une forme, et des preudomes chevaliers qui estoient de sa