MORT DE GAL'TIER D'AUTRÈCHE

bataille, avec li touz armés. Je li requis qu'il vousist que je et ma gent alissiens jusques hors de l'ost, pour ce que li Sarrazin ne se ferissent en nos héberges. Quant mes sires Jehans de Biaumont oy ma requeste, il m'escria moût fort, et me commanda, de par le roi, que je ne me partisse de ma héberge jusques à temps queli roys le me commanderoit.

173. Les preudomes chevaliers qui estoient avec le roy vous ai-je ramenteu, pour ce que il en y avoit avec li huit, tous bons chevaliers, qui avoient eu pris d'armes de çà mer et de là; et tiex chevaliers soloil l'on appeler bons chevaliers. Li non de cens qui estoient chevalier entour le roy sont tel : mes sires Geoffroys de Sargines, mes sires Maliis de Marley, mes sires Phelippes de Nenteul, mes sires Ymbers de Biaujeu, connestables de France, qui n'esloit pas là, ainçois estoit au dehors de Tost, entre li et le maistre des arbalestriers, atout le plus des serjans à armes le roy, à garder nostre ost, que li Turc n'i feissent doumaige.

174. Or avint que mes sires Gauchiers d'Autreche se fist armer en son paveillon de touz poins, et quant il lu montez sus son cheval, l'escu au col, le hyaume en la teste, il fist lever les pans de son paveillon, et feri des espérons pour aler aus Turs; et au partir que il fist de son paveillon touz seux, toute sa mesnie escria à haute voiz : « Chasteillon ! » Or avint ainsi que avant que il venist aus Turs, il chai, et ses chcvaus li vola parmi le cors; et s'en ala li chevaus, cou-

vers de ses armes, à nos ennemis, pour ce que le plus des Sarrazins estoient montei sur jumens; et pour ce trait li chevaus aus Sarrazins.

175. Et nous contèrent cil qui le virent que quatre Turc vindrent par le signour Gaucliier, qui se gisoit par terre; et au passer que il fesoient par devant li, li donnoient grans cos de lour maces là où il gisoit. Là le rescourentli connestables de France et plusour des sergens le roy avec li, qui le ramenèrent par les brasjusques à son paveillon. Quant il vint là, il ne pot parler; plusour des cynirgiens et des pliisiciens de l'ost nièrent à li; et pour ce que il lour sembloit que il n'i avoit point de péril de mort, il le firent seignier des dons bras.

176. Le soir, tout tart, me dist mes sires Aubers de Narcy que nous l'alissiens veoir, pour ce que nous ne l'avieiis encore veu, et estoit hom de grant non et de grant valour. Nous entrâmes en son paveillon, et ses chainberluns nous vint à l'encontre pour ce que nous alissiens bêlement, et pour ce que nous ne esveillissiens^ son maistre. Nous le trouvâmes gisant sus couverlours de menu vair, et nous traimes tout souef vers li, et le tiou^ames mort. Quant on le dist au roy, il respondi que il n'en vourroit mie avoir tiex mil, puis que il ne vousissent ouvrer de son commandement, aussi comme il avoit fait.

1. Le plus est un sujot neutre. l et esveilUssiens, voyez une noie an 'i Sur les iinpiiilails alissiens j | 413.