PIÈCE A

La comparaison des statuts des tisserands de lange de Paris, tirés du Registre d'Etienne Boileau, avec ceux qui furent accordés à ces mêmes tisserands de lange en U67 par Louis XI, permettra de juger des différences et des rapports des deux époques.

Statuts des tisserands de lange de la ville de Paris.

Loys, par la grâce de Dieu, roy de France, à tous ceux qui ces présentes lectres verront, salut. Keceue avons Tumble supplicacion des tisserans de lange de nostre ville et cité de Paris, contenant que, pour obvier aux fraudes etabuz qui pourroient estre commis ou faict dudict mestier en plusieurs manières, ou préjudice et lésion de la chose publique, et aussi pour reformer ledict mestier de mieulx en mieulx et y mestre ordre et police, furent jadis faicts, ordonnez et establiz certains statutz et ordonnances par les offlciers et gens de justice de la cour du Chastellet de Paris, à la requeste de la communaulté dudict mestier, et de ce leur ont esté faictes et octroyées lectres sous le scel de la prevosté de Paris, desquelles lindict la teneur estre telle.

A tous ceux qui ces présentes lettres verront, Hugues Aubriot, garde de la prevosté de Paris,commissaire et réformateur donné et depputé de par le Roy nostre sire sur le faict de la visitacion et reformacion des mestiers de la ville de Paris, et pour obvier aux fraudes, inconveniens et malices qui ont esté faictes ou temps passé et que Ton faict de jour en jour et pourroit faire ou temps advenir oudict mestier, en la lésion et ou préjudice du commun peuple, et aussi pour reformer icelluy mestier de mieulx en mieulx pour Tutilité de la chose publique, nous avons faict veoir et diligemment examiner par grant deliberacion les registres dudict mestier, par nos amez maistre Guillaume Porel et Nicolas Duchesne, examinateurs de par le Roy nostre sire ou Chastellet de Paris, commissaires depputez de nous en cette partie, en la présence de la plus grant et saine partie desdicts tisserans de Saint-Marcel et de Saint-Germain-des-Prés, et eulx pour ce faire assemblez devant lesdicts commissaires, en la salle dudict Chastellet, par plusieurs et diverses journées, et finalement, de Taccord et assentiment desdicts tixerrans ou de la plus grant et plus saine partie, furent advisez certains poins et articles prouffitables pour le faict et gouvernement dudict mestier et du commun peuple, qui n'estoient point comprins es registres d'icelluy mestier, et aussi furent advisez certains poins et articles contenus et compriens esdicts registres, lesquels n'estoient pas proufûtables ni expédions pour le temps présent pour icelluy

mestier, eu regard à Toperacion estât et gouvernement d'icelluy mestier ; et pour ce furent d'accord que certain nouveau registre fust faict sur icelluy mestier, ouquel fussent comprins les poins nouvellement advisez et ceulx comprins es anciens registres qui estoient trouvez bons et proufQlables à tenir et garder, et que les autres poins qui n*y estoient pas prouffitabies fussent estez eL aboliz : pour lesquelles causes, nous, entendue la relacion a nous faicte en ceste partie par lesdicts commissaires, pour le prouffît dudict commun peuple et dudict mestier, avons faict faire et ordonner certain registre sur ledict mestier, en la forme et manière ci-après contenue et esclaircie.

Premièrement y c'est assavoir que nul ne pourra estre tixerrant de lange à Paris, se il ne acheté le mestier du Koy, et le veut de par le Roy celuy qui la coustume a achetée du Roy, a Tun plus, a Tautre moins, selon ce que bon lui semble.

(2). Item, nul tixerrant de lange ne nul autre ne peut et ne pourra avoir mestier de tixerranderie dedans la banlieue de Paris, se il ne scet faire le mestier de sa main, ou se il n*est fîlz de maistre.

(3). Item, chascun tixerrant de lange à Paris pourra avoir en son hostel trois mestiers, deux larges et ung estroit ; et hors de son hostel il n'en pourra avoir nul, se il ne le veult avoir aussi comme ung estrange le pourroit avoir.

(4). Item, chascun Ûlz de maistre tixerrant de lange, tant comme il sera en la garde de son père et de sa mère, c'est assavoir qu'il n'ait point eu ne n'ait femme espousée, pourra avoir deux mestiers larges et ung estroit en la maison de son père, se il veut faire le mestier de sa main, ne il ne sera pas tenu de payer guet ne nulle autre redevance, ne d'acheter le mestier du Roy tant qu'il soit en ce point.

(5). Item, chascun tixerrant de lange à Paris pourra avoir en sa maison ung de ses frères, ung de ses nepveux, et pour chascun d'eulx pourra avoir deux mestiers larges et ung estroit en sa maison, mais que le frère ou le nepveu face le mestier de sa main; et sitost que il le laira à faire, le maistre ne pourra pas tenir les mestiers ; et ne sera tenu le frère ou le nepveu d*acheter le mestier du Roy, de gaitier ne de payer taille, tant qu'il soit en la mainburnie de son frère ou de son oncle.

(6). Item, le maistre tixerrant de lange ne pourra pas avoir par la raison de ses fils masies, de l'un de ses frères ou de l'un de ses nepveux les mestiers dessusdicts hors de sa maison.

(7). Item, nul tixerrant de lange ne pourra avoir les mestiers des susdicts pour nul, se ilz ne sont âes fllz, ses frères ou ses nepveux nez de loyal mariage ; car pour le filz de sa femme, ne pour son frère ou nepveu, ne les pourra il avoir, ne pour nul autre ne le pourra se il n'est son filz ou son frère de par père ou de par mère, ou filz de son frère ou de sa seur de loyal mariage.

(8). Item, chascun tixerrant pourra avoir en sa maison ung apprentiz, et non plus, pour tel pris que il luy plaira, et ne le pourra prendre a moins de quatre ans, sauf que, quand il aura fait trois ans de son service, le maistre pourra prendre ung apprentiz ; et aussi, se son apprentiz se deffuit, ou se marie, ou se meurt, ou va oultre mer, ou autre loyal essoine, ou veult fermer le mestier, en ce cas, le maistre pourra prendre et avoir un autre apprentiz.

(9). Item, les tixerrans de lange auront les rez de leurs laines de la manière

qui s'en suit : premièrement, Ten fera draps en seize cens, desquels le rez de la laine aura sept quartiers et demy de lez. Item, es draps en dix-huit cens, le rez de la laine aura deux aulnes de lez. Item, es drap en vingt cens et en vingt-deux cens^ les rez des laines auront deux aulnes et demy-quartier de lez. Item, es draps de vingt-quatre cens, le rez de la laine aura deux aulnes et ung quartier de lez.

(10). Item, nul ne pourra faire draps neifz ne draps de tresme taincte en laine, en cheyne taincte en HUe, en moins de seize cens.

(11). Item, en laines dessusdictes pourra estre laissié douze rez wiz, que d'une part que d'autre, pour les lisières mectre, et qui plus en laissera de wiz, il payera pour chascun rez douze deniers d'amende ; ja tant n'en y aura de wiz plus que les douze^ sauf et réservé que les draps neifz en pourra faire en moins la value d'une cuisse de leur compte en cas de nécessité ; et aussi, es draps de tresme taincte en laine, en cheyne taincte en fille, l'en pourra mectre une cuisse dehors pour rappareiller l'euvre en cas de nécessité.

(12). Item, et s'aucune euvre est mehaignée et dérouée a la taincture, tellement que elle ne se puisse fournir de celle cuisse, celuy a qui l'euvre sera le fera assavoir aux maistres et jurez, et le maistre et les jurez luy pourront donner congié de en mectre plus dehors ce que bon leur semblera.

(13). Item, es draps de toutes laines, appelez gascheiz, le rez de la laine aura sept quartiers de lez, et se feront en quinze cens en laines rondes a tout le moins.

(14). Item, et qui vouldra faire draps rayez ou eschequetéz, faire le pourra en douze cens desquelz le rez de la laine aura aulne et demye de lez.

(15) Item, Ten fera les cotelles en douze cens et demy, et aura le rez de la laine cinq quartiers et demy de lez.

(16). Item, et seront les rez de toutes les laines dessusdictes ou le dessus, divisé ou à deulx doigz près sur le plus ou sur le moins; et qui passera, il payera cinq solz parisis d'amende.

(17). Item, et seront tous ces draps et cotelles joui ns de la laine de bonté, de couleur et de façon sur peine de copper le bon du mauvaiz ; et payera celluy a qui le drap sera, cinq solz d'amende pour chascune coppe, se il n'y a une reye parmy d'autre couleur, par quoy on le puisse congnoistre.

(18). Item, nul ne pourra avoir drap espaulé, c'est assavoir, drap duquel la cheyne ne soit aussi bonne ou milieu comme aux lisières, sur peine de vingt solz d'amende, moictié au Doy et moictié aux maistres et jurez dudict mestier, en quelque lieu que le drap soit trouvé, lequel drap espaulé sera apporté en Chastellet par lesdicts maistres et jurez, et la sera coppé en cinq pièces, chascune pièce de cinq aulnes, se tant en y a ou drap ; et ce faict, icelles pièces seront rendues à celuy a qui le drap sera, par payant ladicte amende de vingt solz, et sera tenu celuy a qui le drap sera de faire serement que lesdictes pièces il ne rassemblera en auscune manière, ne les vendra a quelque personne que expressément il ne dye le mehaing du drap ; et se il est trouvé faisant le contraire, il en sera puny a l'ordonnance et volenté du prevost de Paris ou de ses commiz en ce faict.

(19). Item, se auscun tixerrant veult ventre à Paris ou ailleurs autres draps que de Paris, faire le pourra; mais il sera tenu de dire aux marchans de quel pays les draps seront, se les marchans le demandent, sur peine de vingt solz parisis d'amende.

(20). Item, les tixerrans de Paris et autres qui pourront faire draps, pourront mectre en euvre toutes laines bonnes et marchandes et aignelins, excepté bourre et gratuises ; et qui fera le contraire, le drap sera ars et si payera vingt solz d'amende : mais Ten pourra bien faire drap pour son user de pesnes, en prenant, avant toute euvre, congié aux maistres du mestier, et que l'en n'y mecte aucune lisière, affin que Ton les puisse congnoistre et que le peuple n'y soit deceu.

(21). Item, que le fille que Ton vend à Paris soit tout ung aussi bon dedans les eschevaulx comme dehors et aussi bien labouré, sur peine de douze deniers d'amende pour chascune livre ; et que l'on ne mecte point de sain, en fille point, plus de demy-choppine en la douzaine, et en fille tainct et en camelin tainct une choppine en la douzaine au plus, sur peine de douze deniers d'amende pour chascune livre, et que nul ne mecte bourre en fille pour draper ; et se tel fille est trouvé, il sera acquis et ars, c'est assavoir, le fille ou la bourre sera meslée avecques la laine, sy payera douze deniers pour chascune livre ; et semblablement, si l'en trouve laine et bourre meslées ensemble, elles seront acquises au Roy et arses, et si payera celuy a qui ce sera, pour chascune livre, douze deniers.

(22). Item, que nul ne pourra filler ou faire fiUer estains au touret. sur peine de douze deniers pour chascune livre qu'il sera trouvé faisant le contraire.

(23). Item, que d'ores en avant auscun ne mectra ne fera mectre es ville de Paris, a Saint-Marcel, ne es autres faulxbourgs d'icelle ville, ni ailleurs en la banlieue de Paris, noir de chaudière, que Ton appelle a présent moléej fors en la manière et en la forme qui s'ensuit, c'est assavoir, en et sur cheynes de seize a dix-huit cens en laine plate, sur lesquelles sera mise tisture de laine blanche et noire neyve, avec partie de violet, tainct en guesde et en garance, qui ne monte point plus du tiers, qui vouidra, et s ilz n'y veulent point mectre de violet, faire le pourront, et aussi, en et sur cheynes a trois piez, de quinze cens en laine ronde, dont l'en faict pelis draps et groz, appelez gascheiz, sur quoy se mectra tisture de laine blanche et noire neyve, sans aucune couleur.

(24). Item, que auscun ne mecte laine taincte en ladicte molée, avecques autre laine : et quiconque fera le contraire des choses dessusdictes, il payera pour ung drap de vingt aulnes trente solz d'amende, et sera Tune des lisières du drap ostée, et pour l'autre drap de doulze aulnes prest, il payera quinze solz d'amende, et semblablement en sera ostée l'une des lisières; et pour chascune livre de laine meslée qui sera taincte en molée, douze deniers, et du plus plus, et du moins moins, à la value.

(25). Item, quiconque sera tixerrantà Paris, il pourra taindre en sa maison de toutes couleurs, fors que de guesde, mais de guesde ne pourra il taindre fors en deux maisons ; car la Roy ne Blanche, que Dieu absoille, octroya que le maistre des tixerrans puist avoir deux hostels, esquelz l'en puist ouvrer du mestier de tainture et de tixerranderie franchement, sans estre tenu de nulle redevance faire aux tainturiers, et quicueulx tixerrans poussent avoir des ouvriers et des varletz tainturiers, sans nulle alliance et sans nulle haine, et aussi que les autres tixerrans peussent avoir des varletz et ouvriers aux tainturiers^ pour taindre les autres couleurs devantdictes.

(26). Item, quant le tixerrant tainturier de guesde mourra, le prevost de Paris, par le conseil des maistres et jurez des tixerrans, mectra ung autre tixerrant en son lieu, qui aura les mesme pouvoir de taindre de guesde que Tautre avoit et oudit mestier de tixerranderie ne pourra Ton taindre de guesde fors que en deux hostels, et mesmes leur octroya ladicte Royne, comme dessus est dict.

(27). Item, nuls tixerrans ne nuls tainturiers ne nulz foulons ne pourront mectre feurs en nulz mestiers par nulle alliance ; par laquelle ceulx qui auront a faire de leur mestier ne puissent avoir de leur mestier pour si petit pris, comme ilz pourront, et que ceulx mesmes qui de ces mestiers dessusdicts seront, ne puissent de leur mestier faire à bon marchié comme ilz vouldront ; et se auscuns des maistres dessusdicts faisoient en leurs mestiers aucune alliance, le maistre et les jurez le feront savoir au presvot de Paris, qui deffera leur alliance, et en prendra amende, selon ce que bon luy semblera que bon soit.

(28). Item, nul tixerrant ne doit point de tonlieu du draf) qu'il vend à détail.

(29). Item, chascun tixerrant doit de chascun drap entier que il vend es balles, six deniers de tonlieu, et autant en doit Tacheteur, se il ne Tacbecte pour son user.

(30). Item, cbascun tixerrant doit de chascun drap entier que il vend en ses sepmaines, se il vend en son hostel et il demeure en la terre du Roy, deux deniers du drap de tonlieu, et autant en doit Facheteur, se ce n'est pour son user, horsmiselasepmaine de l'evesque, en laquelle chascun tixerrant, en quelque lieu que il vende, en son hostel, es balles ou ailleurs, doit, de chascun drap de tonlieu, six deniers, et autant luy en doit cil qui achecte, s'il ne Tacheté pour son user: ce tonlieu devantdict n'est tenu le vendeur de recevoir ne demander a Tachecteur, se il ne luy plaist, ne le sien mesmes ne doit-il pas payer se on ne le luy demande, ny amende n'y a-il point de le celer.

(31). Item, en autre terre qu'en ladicte terre du roy, doivent les tixerrans leur tonlieu, en une terre plus, et en Tautre moins, selon ce qu'ilz y ont accoustumé, des draps que ilz vendent en leurs hostels en leur sepmaine.

(32). Item, nul ne doit pour drap qu'il vend, en quelque lieu que il vende en son hostel, es halles ou ailleurs, que les tonlieux dessus devisez, de quelque couleur ou en quelque lieu que les draps soyent vendus ou achectés.

(33). Item, chascun tixerrant doit, de chascun six terceux de filles que il achecte ou marchié de Paris ou ailleurs, en la terre du Roy, ung denier de tonlieu, et se il vent, il en doit autant; çt se il achecte en autruy terre, il doit le tonlieu selon les coustumes des terres.

(34). Item, et se autres que tixerrans, soyent hommes ou femmes, vendent fille ou achectent, ilz doivent dix-huit deniers oboles, et de moins néant ; et combien que le fille couste plus de trois à neuf livres pesant, ne doit-il que obole, car les neuf livres ne doivent que obole : et se il poise neuf livres, et il y ait dix-neuf denrées de fille oultre, se doit-il ung denier; et se il poise neuf livres et il n'y avoit que dix-huit denrées de fille oultre, se ne doit-il que obole, et ainsi du plus plus et du moins moins, de neuf livres en neuf livres.

(35) Item, de toutes les amendes dessusdictes le Roy aura moictié, et les jurez et maistres dudict mestier l'autre moictié, pour leur peine.

(36). Item, ou mestier dessusdict aura ung maistre et deux jurez qui y seront instituez par le prevost ou son lieutenant.

(37). Item, les varletz tixerrans doivent laissiereuvre de tistre, sitost que le premier cop de vespres sera sonné, en quelque paroisse qu'ilz euvrent ; mais ilz doivent player et noer leurs œuvres puisqu'ils auront laissié le listre.

(38). Item, es registres anciens dudict mestier estoit contenue une clause de ce que les tixerrans dévoient anciennement pour leurs estaulx des halles, contenant cette forme :

Quiconque sera tixerrant à Paris, se il a estai es halles pour vendre ses draps, il devra chascun an pour chascun estai cinq solz de hallage à payer au Roy, a la mi karesme deux solz six deniers, et à la saint-Remy onze solz six deniers, et chascun .samedy obole de coustume, pour chascun estai, et six solz de la huche à payer a la foire Saint-Ladre, ains que foire soit faillie, et par ces six solz seront quictes de Tobole dessusdicte, et du tonlieu de leurs draps que ilz vendront ou que ilz achecteront durant la foire. Et est assavoir que chascun de leurs estaulx ne doit tenir que cinq quartiers de long, ne plus ne doivent-ilz de hallage ne de huches ne de mailles, jà tant de personnes n'y aura a ung estai ; duquel registre Ton n'usoit point à présent ne avoit usé de long-temps, mais y avoit eu certaine composicion et ordonnance faicte sur le faict de leurs hflJles, de laquelle ilz usoient à présent, contenue et esclaircie plus à plain en certaines lectres royaulx que nous veismes et qui avoient été passées par nosseigneurs de la Chambre des comptes, desquelles la teneur s'en suit :

Charles, par la grâce de Dieu, Roy de France, à tous ceulx qui ces lectres verront, salut. Savoir faisons que sur ce que nostre receveur de Paris avoit faict gaigier les tixerrans de la ville de Paris, pour cause de certaine halle assise es halles de Paris, en laquelle ilz ontaccoustumé de mectre et vendre leurs draps, affin que par icelle ilz meissent en estât soufûsant, disant que tenuz y estoient iceulx tixerrans et que d'icelle y estoient propriétaires, et que jà pieçà elle avoit esté acensée à ceulx de leur mestier parmy trentequatre livres onze solz parisis qu'ilz en payèrent et estoient tenus de payer chascun an à nous ou à nostredict receveur pour nous, lesdicts tixerrans disans au contraire que tenuz n'estoient de faire auscunes réparations ou soustenemens, mais que estions tenuz de les soustenir et recouvrir parmy ladicte somme que lesdicts tixerrans payèrent chascun an, et que eulx ne leurs devanciers n'y avoient mis aucunes reparacions, mais avoient esté recouvertes et soustenues par nous ou nostredict receveur ou receveurs touteffoiz que le cas se offroyt, et que les cas si estoient offers par plusieurs fois, et par ce avoient esté sans cause gaigiez et leurs draps prins, pour laquelle chose ilz s'estoient trais devers nous et avoient obtenu certaines lectres adressans a noz amez et féaulx les gens de noz comptes à Paris, par lesquelles, avec la narracion de ces faicts et autres, estoit mandé à nosdicts gens et receveur que eulx les teinssent paisiblement et que iceulx ti.xerrans ne feussent contrains à faire ou faire faire reparacions autrement ne par autre voye que ilz avoient faict ou temps passé ; et ledict receveur eust proposé contre lesdictes lectres, pardevant nosdicts gens des comptes, que nous n'estions tenuz en rien esdictes reparacions, tant parce qu'il disoit que nous n'estions que censiers de ladicte halle et lesdicts tixerrans propriétaires, et par conse-

quent n'estions tenuz de y rien mectre, mais les dévoient faire lesdicts tixerrans, et ainsi, que se nous y avions faict faire aucunes reparacions, de tant avions nous esté deceuz et les devions recouvrer sur eulx : finalement, après plusieurs altercations, a esté ordonné par nosdicts gens, que lesdicts tixerrans seront quictes d'ores en avant desdicts trente-quatre livres onze solz jusques à dix-neuf ans prouchains advenir, par payant à nous ou à nostredict receveur pour nous vingt-quatre livres parisis tant seulement chascun an, et parmy ce lesdicts tixerrans seront tenus de refaire ou faire refaire et soustenir en bon estât ce que ilz tiennent de ladicte halle durant le temps de Tannée, a leurs propres coustz et despens, et d'icelle feront et faire pourront comme de leur propre chose : et a ce faire seront contrains tous ceulx qui seront à contraindre par raison. Laquelle ordonnance ainsi faicte par nosdicts gens, ayans ferme et agréable, icelle louons, agréons, approuvons, et de nostre auctorité royal et plain povoir confermons. Si donnons en mandement a nostredict receveur qui est à présent et sera pour le temps advenir, et à tous nos autres justiciers et subjects ausquels il appartient et peut appartenir, que ilz laissent et seuffrent joyr et user lesdicts tixerrans de ladicte ordonnance, et ne les contraingnent en rien contre la teneur dMcelle. En tesmoing de laquelle chose nous avons faict mectre nostre scel à ces présentes. Donné à Paris le XX« jour du mois de may, Tan de grâce mil GCCC soixante et sept, et de nostre règne le quart.

Lequel registre ainsi faict et ordonné, comme dict est, et tous les poins et articles contenus en icelluy, nous avons eu et avons agréables comme bien et deuement faicts, et voulons et commandons que ilz soyent tenus et gardez d*ores en avant en la ville de Paris, à Saint-Marcel, à Saint-Germain-des- Près et ailleurs ou il appartendra, sansenfraindre, sur les peines dedans contenues par nostre sentence, ordonnance, et par droict. En tesmoing de ce, nous avons faict mectre à ces lectres le scel de la prevosté de Paris. Ce fut faict et publié le jeudy xxiiij« jour d'aoust. Tan de grâce mil GCCC soixante et treize. Ainsi signé : J. Phelippon.

En nous humblement requérant qu'il nous plaise lesdicts slatutz et ordonnances approuver et avoir agréables, et sur ce leur impartir nostre grâce. Pourquoy nous, ces choses considérées, lesdicts statutz et ordonnances en la forme et manière qu'elles sont ci-dessus transcriptes, de nostre grâce especial, avons confermées, ratiffiées et approuvées, et par la teneur de ces présentes, confermons, louons, ratifiions, approuvons et avons agréables, et voulons qu'elles soyent entretenues, gardées et observées, et que lesdicts supplians et leurs successeurs oudict mestierenjoyssent et usent ainsi qu'ils en ont par cy-devant joy et usé justement et raisonnablement.

Et en oultre, dient lesdicts supplians qu'ilz ont ancienne confrarie, belle et solempnelle, laquelle est» en voye d'estre adnullée et abolie, par ce que ceulx dudict mestier n'y veulent auscun bien faire. Or ceste cause, pour Tentretenement de la confrarie des susdicte et augmentacion dudict mestier, de nostre plus ample grâce, par Tadviz et delibéracion de noz commissaires par nous ordonnez à Paris, pour ce assemblez en la chambre du conseil, avons ordonné, statué et declairé, ordonnons, statuons et declairons par la teneur de ces présentes, que d'ores en avant auscun ne sera passé maistre du dict mestier

de tixerrant de drap, que premièrement il n'ait faict son chef-d*euvre et payé quatre livres parisis a ladicte confrarie.

Item, que chascun apprentiz payera huit solz parisis pour entrée oudict mestier, et pour yssue, huit solz parisis ; le tout a appliquer au prouffîtet entreteneraent de la confrarie dessusdicte.

Et pour ce qu'ils nous ont faict remonstrer que, par lesdictes anciennes ordonnances et statutz lesdicts supplians ont plaine visitacion sur les laines qu'ils mectent en euvre, et peuent avoir et tenir ung chascun d'eulx en particulier en leurs hostels et domiciles, varletz, chambrières, apprentiz et apprentisses pour par eulx, leurs femmes et enfans, apprendre, enseigner et monstrer le faict de carder, pigner, et arronner, et tout ce qui appartient au mestier de la draperie^ et ainsi en ont joy et usé par tel et si longtemps qu1l n'est mémoire du contraire, sans ce que auscuns, soyent cardeurs, pigneurs ne arçonneurs, ne autres de quelque mestier que ce soit, y ayent eu quelque visitacion ne que veoir ou que congnoistre, mais que, ce néantmoins, aucuns cardeurs, pigneurs et arçonneurs, soubzumbrede ce qu1lz ont nouvellement faict leur mestier juré et obtenu denous certains statutz et ordonnances, ce qui jamais n'avoit esté veu ne faict par cy-devant, s'efforcent, ou leurs jurez nouvellement créez, avoir visitacion sur lesdicts supplians, a cause du mestier de pigneur, cardeur et arçonneur, et par ce moyen corrumpre et abolir leursdicts anciens statutz et ordonnances, dont se pourroient engendrer entre eulx divisions, desbatz et procès ; nous, voulons à chascun son droict estre gardé, et les statutz et ordonnances desdicls supplians estre entretenus et gardez sans enfraindre, aussi obvier ausdicts desbatz et questions, avons déclaré et declairons que lesdicts cardeurs, pigneurs et arçonneurs, n'auront quelque visitacion et ne prendront les droicts de leur confrarie, dont mencion est faicte en leurs lectres, fors seulement sur ceulx qui ouvreront et besongneront desdicts trois mestiers, en tenant leurs ouvrouers a part et en leurs hostels et domiciles seulement, et non pas sur lesdicts supplians ne en leurs hostels et domiciles, ne sur ceulx qui sont compris sous leur bannière, maiâ seront et demourront iceulx supplians en leurs libertez, franchises et statutz, et en joyront ainsi qu'ils ont par cy-devant faict et accoustumé de faire d'ancienneté.

Lesquels poins et articles cy-dessus escriptz voulons estre joins et incorporez avec lesdicts statutz et ordonnances anciennes, et enre^'istrez es livres et registres de nostre Chastellet de Paris, et estre tenuz et gardez et entretenuz et observez oudict mestier, par statut et ordonnance, pepetuellement et a tousjours, sans enfraindre. Si donnons en mandement par cesdictes présentes, au prevost de Paris et a tous noz autres justiciers ou à leurs lieuxtenans, pi'esens et advenir, et à chascun d'eulx si comme a luy appartendra, que de nostre présente grâce, ratifficacion, confîrmacion, ordonnance, statut et declaracion, ensemble de tout le contenu en ces présentes, ils facent, souffrent et laissent lesdicts supplians et leursdicts successeurs oudict mestier, joyr et user plainement et paisiblement, sans souffrir auscun empeschement leur estre faict, mis ou donné au contraire ; car ainsi nous plaist-il estre faict. En tesmoing de ce, nous avons faict mectre nostre scel a ces présentes. Donné à Chartres le XXllb jour de juing, l'an de grâce mil GCCG soixante-sept, et de nostre règne le sixiesme. Ainsy signé sur le reply : Par le roy, l'evesque d'Evreux, le sire de Loheac, présens. De Villechartre.

Et au dos estoit escript ce qui s'ensuit : Leues et publiées en jugement, en Taudiloire civil du Chaslellet de Paris, en Ja présence des advocals et procureur du Boy nostre sire audict Chaslellet ; et ce faict, enregistrées es livres d'icelluy Chastellet, le jeudy treiziesme jour d'aoust, Tan mil CCCC soixante et sept. Ainsi signé : Lb Cornu.

(Ordonnances^ t. XVI, p. 599.)