FRAGMENT DU CHAPITRE DES OEUVRES DE BERNARD PALISSY

ou cet auteur raconte les premiers commencements de la réforme dans quelques parties de la saintonge et l'établissement de l'église de saintes.

Combien que l'Eglise (de Saintes) eut de grans

ennemis, toutesfois elle fleurit en telle sorte en peu d'années, que mesme les ennemis d'icelle , a leur très - grand regret estoyent contraints de dire bien de nos ministres, et singulièrement de Monsieur de la Boissière, parce que sa vie les redarguoit, et rendoit bon tesmoignage de sa doctrine. Or aucuns Prestres commençoient d'assister aux assemblées, a estudier, et prendre conseil de l'Eglise : mais quand quelqu'un de l'Eglise

faisoit quelque faute, ou tort à quelqu'un des adversaires, ils savoyent tres-bien dire, vostre ministre ne vous a pas conseillé de faire ce mal : et ainsi, les ennemis de l'Evangile avoyent la bouche close , et combien qu'ils eussent en haine les ministres , ils n'osoyent mesdire d'eux, à cause de leur bonne vie. En ces jours-là, les prestres et moines furent blasmez du commun : savoir est, des ennemis de la religion, et disoyent ainsi, les ministres font des prières, que nous ne pouvons nier quelles ne soyent bonnes : pourquoy est-ce que vous ne faites le semblable ? Quoy voyant Monsieur le Théologien du chapitre se print à faire les prières, comme les Ministres : aussi firent les moines qu'ils avoyent a gages pour leur prédication : car s'il y avoit un fin frère, mauvais garçon, et subtil argumentateur de moine en tout le pays, il faloit l'avoir en l'Eglise cathédrale. Voila comment en ces jours-là, il y avoit prières en la ville de Xaintes tous les iours d'une part et d'autre. Veux-tu bien cognoistre , comment les ecclésiastiques romains faisoyent lesdites prières par hypocrisie et malice? Regarde un peu, ils n'en font plus a présent, ni n'en faisoyent au paravant la venue des ministres , est-il pas aisé à juger, que ce qu'ils en faisoyent, estoit seulement pour dire, je say faire cela aussi bien comme les autres? Quoy qu'il en soit, l'Eglise profita si bien alors, que les fruits d'icelle demeureront ta jamais : et ceux qui ont espérance de voir l'Eglise abbatue et anichilée seront confus, car puis que Dieu l'a garantie lors qu'ils n'estoyent que trois ou quatre pauvres gens mesprisez, combien plus auiourd'huy aura-t-il soin d'un grand nombre? Je ne doute pas qu'elle ne soit tormentée : cela nous doit estre tout résolu , puisqu'il est escrit ; mais ce ne sera pas selon la mesure et désir de ses ennemis. Plusieurs gens des villages en ces jours-là demandoyent des ministres a leurs curez ou fermiers , ou autrement ils disoient qu'ils n'auroyent point de dismes : cela faschoit plus les prestres, que nulle autre chose 4 et leur estoit fort estrange. En ce temps-là furent faits des actes assez dignes de faire rire et pleurer tout a un coup : car aucuns fermiers ennemis de la reli-

gion, voyans telles nouvelles , s'en alloyent aux ministres, pour les prier de venir exhorter le peuple , d'où ils estoyent fermiers : et ce, à fin d'estre payez des dismes. Quand ils ne pouvoyent finir de ministres, ils demandoyent des anciens. Je ne ris jamais de si bon courage , toutesfois en pleurant, quand j'ouy dire, que le procureur quiestoit greffier criminel, lorsqu'on faisoit les procès de la religion , avoit luy-mesme fait les prières un peu auparavant le saccagement de l'église de la paroisse d'où il estoit fermier : a savoir, si lors qu'il faisoit luy-mesme les prières, il estoit meilleur chrestien, que quand il escrivoit les procès contre ceux de la religion : certes autant bon chrestien estoit-ii lorsqu'il escrivoit les procès comme quand il faisoit les prières , attendu qu'il ne les faisoit que pour avoir les gerbes et fruits des laboureurs. Le fruit de nostre petite église avoit si bien profité , qu'ils avoyent contraint les mescîians d'estre gens de bien. Toutesfois leur hypocrisie a esté depuis amplement manifestée et cogneiie

Voyez : OEavres complètes de Bernard Palissy, édition conforme aux textes originaux imprimés du vivant de l'auteur : avec des Notes et une Notice historique , par Paul-Antoine Cap. — Paris , J.-J. Dubochet et Cle, éditeurs, rue de Seine, 33.

LETTRE DE CALVIN AU ROI DE NAVARRE

Sire,

D'autant que la reyne est toute résolue de bien payer ses arrérages a Dieu, et recompenser les defaults du temps passé, c'est a nous aussi de nous haster afin de marcher tousiours devant en nostre ordre et degré. Car c'est la meilleure de toutes vos prééminences de vous porter si vertueusement. . . . ... Or il vous plaira nous pardonner, Sire, si nous ne pouvons pas nous dissimuler que jusques icy vous ne vous estes pas acquitté a beaucoup près de ce que Dieu a bon droit requiert de

vous. Ce n'est pas que nous considérions assez, Sire, les obstacles dont vous estes assiégé de tous costés. Mais quand vous penserez que nous sommes procureur de Dieu, vous souffrirez selon vostre pieté que nous ne vous flattions point en maintenant son droict. Il est donc temps de

courir de paour que la nuit ne vienne, et que vous soyez surprins. En gênerai, combien s'en fault-il, Sire, que vous aiez maintenu la querelle de Jesus-Christ selon que votre estât et dignité vous y oblige plus que les personnes privées. Si quelque povre homme et de basse condition fait semblant de consentir a ce que le nom de Dieu soit blasphémé , la religion mise en opprobre , et la paoure Eglise foulée soufes les pieds il fauldra qu'il se condamne de n'avoir point eu la parole de vérité en sa bouche; que cera ce de vous auprès, Sire, en ceste authorité , honneur et haultesse, si, sans vous flatter, vous entrez en compte avec celuy duquel vous tenez tout? Ce seroit aussi lascheté a vous de couvrir par silence l'acte particulier qui a engendré envers grans et petits un si grand scandale. C'est de ceste malheureuse harangue qui a esté faite a Homme de vostre part, Sire, laquelle fait rougir, pleurer et gémir et quasi crever de despit tous bons zélateurs tant de la gloire de Dieu que de la bonne réputation de Vostre Majesté. Il est certain, Sire , que vous ne sauriez trop travailler a vous esvertuer tout au rebours jusqu'à ce qu'une telle faulte soit reparée devant Dieu et devant les hommes. Nous ne parlons point de celuy qui a este employé pour porter la parole, pource qu'il ne se fust pas trouve homme de bien qui eust voulu accepter telle charge. Mais il semble que luy et vos ennemis ayent voulu faire un triomphe du vitupère qui vous a esté faict en imprimant une telle ordure , qui n'estoit desia que par trop divulguée. Nous voyons bien. Sire , comment vous y avez esté induit , mais soit que les perplexités ou vous estiez pour lors vous ayent faict plier oultre vostre vouloir, soit que vous aiez eu esgard a vostre seureté pour obvier aux embusches de vos ennemys ou pour rompre des filets qui vous estoient tendus, soit que vous y aiez esté attiré

par l'espérance de recouvrer a l'advenir ce qui vous appartient, rien de tout cela, sire, ne sera receu devant Dieu pour vous absoudre. Et de faict que seroit-ce s'il vous estoit dict que tout le monde vous seroit donne quand vous faictes honimaige a celuy qui ne peult rien que mal. Vous pardonnerez a la nécessité, sire, laquelle nous contrainct de parler ainsi d'aultant que

nous avons soing de nostre salut Mais combien que les

affaires de ce monde se demainentpar longs circuits : Dieu veult qu'on procède plus franchement a soutenir sa querelle. Tellement que la façon de temporiser que vous ayez suyvye jusques

icy , sire, ne sera jamais trouvée bonne en son bureau

Mesme nous pensons que Dieu pour corriger la tardiveté des grans a faict avancer les petits voire tellement qu'il seroit aujourd'hui difficile de les faire reculer. Or s'il luy a pieu les songner en telle sorte d'aultant plus que les malins s'efforceront d'y résister, tant plus debvez vous estre aiguise , sire , a mectre et applicquer en usaige les instrumens débiles auxquels en la fin apparoit la vertu du Saint-Esprit

Lettres de Calvin, n° 108 des manuscrits de la Bibliothèque de Genève. Ruchat, vu, p. 390.

LETTRE DE CALVIN A LA REINE DE NAVARRE. Madame,

La compassion que j'ay de vos angoisses me faict sentir en partie combien elles vous sont dures et ameres a porter. Mais quoy qu'il en soit si vous vault-il beaucoup mieulx d'estre triste pour telle cause que de vous anonchaillir a vostre perdition. C'est chose désirable d'estre a repos et a son aise quand Dieu faict ce bien a ses enfans de se pouvoir pleinement

resiouir. Or puisque cela est ung privilège qui ne dure pas tousiours, s'il lui plaist de nous examiner, apprenons de le

suyvre par chemins aspres et difficiles Ainsi combien

que tout le monde renverse si nostre ancre est fixée au ciel combien que nous soiohs agites si arriverons nous a bon

port Je me tiens bien asseure , madame , que Dieu

exaulcera vos gemissemens et les nostres moyennant que Iny offrions le sacrifice d'humilité qu'il requiert. 22 Mars.

Lettres de Calvin, no 108, des manuscrits de la Bibliothèque de Genève. Ruchat , vu, p. 393.

LETTRE DE FRANÇOIS DE MOREL A CALVIN

Non possem explicare gaudium quo tuis literis sum affectus. Nihil cadit irritum de iis quae praecipis atque mones.

Gratissimum mihi fecit noster normandius quod ad vos profectum ex itinere nos salutavit quani humaniter et illustrissima ducissa exceptus fuerit ipsum réfère malo. Est hoc illi cosuetum ut in eos se propemodum efïïindat quos tibi charos esse putat. Caetera gravissimis tehs ab hinc mensem vulnerata est generi tructu fœdumque facinus audit. Nam et fratres

nostros charitate complectitur eorumque calamitatem miseratur et genero propter filiam bene cupit, minoremque culpam esse vellet. In eapugna existit ad extremum regni christi cupido, superatis carnis affectibus. De causa religionis multa feruntur, neque inter se consentanea nisi quod constanter plerique afirmant Navarrenumet Guisum postquamrelicta Lutetia ad aulam cum circiter tribus equitum milibus pervenerunt, edictum peperisse de proscribendis exturbandisque ex universa Gallia Pastoribus evangelicis. Condaeus et rerum maritimarum preefectus cum non contemnenda nobilium manu in opido cui nomen La Ferté

sous Jouarre consedenmt. Quœ consilia ineant, quid fratres Lutetiœ aninii habeant , tara ignoro quaui in ultima agunt Aqnitania.

Ex monte Argi, 4.

Cette lettre se trouve dans le n" 112 des manuscrits de la Bibliothèque de Genève ,

qui a pour titre : Lettres à Calvin.

DERNIER FRAGMENT DU CHAPITRE DES OEUVRES DE BERNARD PALISSY, OU CET AUTEUR RACONTE LES PREMIERS COMMEN- CEMENTS DE LA RÉFORME DANS QUELQUES PARTIES DE LA SAINT ONGE , ET l'ÉTABLISSE3IENT DE L'ÉGLISE DE SAINTES.

Lorsqu'ils ont eu liberté de mal faire, ils ont montré extérieurement ce qu'ils tenoyent caché dedans leurs misérables poitrines : ils ont fait des actes si misérables , que j'ay horreur seulement de m'en souvenir , au temps qu'ils s'esleverent pour dissiper, abysnier, perdre et destruire ceux de L'Eglise reformée. Pour obvier à leurs tyrannies horribles et exécrables , je me retiray secrettement en ma maison , pour ne voir les meurtres, reniemens et destroussemens qui se faisoyent es lieux champestres: et estant retiré en ma maison l'espace de deux mois , il m'estoit avis que l'enfer avoit esté desfonsé , et que tous les esprits diaboliques estoyent entrez en la ville de Xaintes; car au heu que j'entendois un peu auparavant pseaumes, cantiques et toutes paroles honnestes d'édification et bon exemple, je irentendois que blasphèmes, bateries, menaces, tumultes, toutes paroles misérables, dissolution, chansons lubriques et détestables, en telle sorte, qu'il me sembloit que toute la vertu et saincteté de la terre estoit estouffée et esteinte : car il sortit certains diabletons du chasteau de Taillebourg , qui faisoyent plus de mal, que non pas ceux qui estoyent diables d'ancienneté. Eux entrons en la ville , accompagnez

certains prestres, ayans l'espée au poing, crioyent : Où sont-ils? Il faut couper gorge tout à main, et faisoyent ainsi des niouvans, sachansbien, qu'il n'y avoit aucune résistance ; car ceux de l'Eglise reformée s'estoyent tous absentez : toutesfois pour faire des mauvais, ils trouvèrent un Parisien en la rue qui avoit bruit d'avoir de l'argent : ils le tuèrent , sans avoir aucune résistance , et en usant de leur mestier accoustumé , le mirent en chemise devant qu'il fust achevé de mourir. Apres cela, ils s'en allèrent de maison en maison , prendre , piller, saccager, gourmander, rire, moquer et gaudir avec toutes dissolutions, et paroles de blasphèmes contre Dieu et les hommes, et ne se contentoyent pas seulement de se moquer des hommes , mais aussi se moquoyent de Dieu; car ils disoient que Agimus avoit gagné Pere éternel. En ce jour-là , il y avoit certains personnages ès prisons, que quand les pages des chanoines passoyent par devant lesdites prisons, ils disoyent en se moquant : Le Seigneur vous assistera, et luy disoyent encore, or dites à présent : Revenge moy , pren la querelle : et plusieurs autres en frapant d'un baston, disoyent : Le Seigneur vous benssie. Je fus grandement espouvanté l'espace de deux mois, voyant que les portefaix et belistreaux estoyent devenus seigneurs aux despens de ceux de l'Eglise reformée : je n'avois tous les jours autre chose que rapports des cas espouvantables , qui de jour en jour s'y commettoyent, et de tout ce que je fus le plus desplaisant en moy-mesme , ce fut de certains petits enfans de la ville, qui se venoyent journellement assembler en une place près du lieu ou j'estois caché (m'exerçant toutesfois à faire quelqu'œuvre de mon art) qui se divisans en deux bandes, et jettans des pierres les uns contre les autres, juroyent et blasphemoyent le plus execrablement que jamais homme ouyt parler : car ils disoyent , par le sang, mort, teste , double teste , triple teste , et des blasphesmes si horribles , que j'ay quasi horreur, de les escrire : or cela dura assez longtemps, sans que les pères ni mères, y missent aucune police, Il me prenoit souvent envie de hazarder ma vie, pour en faire la punition; mais je

disois en mon cœur le Pseaume lxxix , qui se commence : Les gens entrez sont en ton héritage

LETTRE DE CALVIN A LA DUCHESSE DE FERRARE. Madame ,

Je scay comment Dieu vous a fortifiée durant les plus rudes

assaulx Je scay bien qu'une princesse ne

regardant que le monde, auroit honte et prendroit quasi injure qu'on appelât son château un hostel Dieu, mais je ne vous scaurois faire plus grand honneur que de parler ainsy pour eslever et recognoistre l'humanité de laquelle vous avez usé envers les enfans de Dieu qui ont eu leur refuge a vous. J'ay pensé souventes fois, madame, que Dieu vous avoit réservé telles espreuves sur vostre vieillesse pour se paier des arrérages que vous luy debviez a cause de vostre timideté du temps passé, je parle à la façon commune des hommes. Car quand vous en eussiez faict cent fois plus et mille , ce ne seroit pas pour vous acquitter envers luy de ce que vous luy debvez de jour en jour pour les biens infinis qu'il continue à vous faire. Mais j'entends qu'il vous a faict un honneur singulier en vous employant a ung tel debvoir, et vous faisant porter son enseigne pour estre gloriffié en vous Je n'ay présentement satisfait a vostre désir pour vous envoyer un prescheur, mais je ne fauldray de veiller jusques à ce que vous en soyez

pourveue Mais quand vous seriez icy, vous

verriez que je ne vous prie pas sans cause d'avoir patience

De Genève, ce 10 de may 1563.

Lettres de Calvin, Manuscrits de la Bibliothèque de Genève, n° 108. Euchat, vu. p. 400.

FRAGMENTS D'UNE LETTRE ADRESSÉE PAR LA REINE DE NAVARRE AU CARDINAL D' ARMAGNAC , QUI LUI AVAIT ÉCRIT POUR LA SUPPLIER DE REVENIR A LA VRAIE ÉGLISE, ET DE REMETTRE SOUS PEU DE TEMPS LES ÉGLISES DE LESCAR , DE PAU ET AUTRES, EN LEUR PREMIER ÉTAT.

A Belle-Perche, le 18e jour d'aoust 1563.

. . Et quant au premier point sur la réformation que fay commencée à Pau et à Lescar, que j'ay délibéré continuer par la grâce de Dieu en toute la souveraineté de Béarn, je l'ai apprinse parla Bible que je lis plus que les docteurs, aux livres des Rois d'Israël, formant mon patron sur le roi Josias afin qu'il ne me soit reproché comme aux autres Rois d'Israël, que j'aye servi à Dieu, mais que j'ay laissé les hauts lieux.. . . . . .

et n'ay point entreprins de planter nouvelle religion en mes

païs , sinon y restaurer les ruines de l'ancienne Les deux

estats m'ont protesté obeyssance pour la religion Mes

sujects tant ecclésiastiques que nobles et rustiques, sans qu'entre tant j'en aye trouvé de rebelles m'ont offert, en continuant tous les jours, la mesme obeyssance, vray opposition de

rébellion Je ne fay rien par force; il n'y a ny mort, ny

emprisonnement, ny condamnation, qui sont nerfs de la force.

Je sçay quels voisins j'ay Dieu me montre des exemples.

L'un et principal, à mon grand regret, du feu Roy mon mary, duquel discours vous sçavez le commencement, le milieu et la fin qui a descouvert l'œuvre. Où sont ces belles couronnes que vous lui promettiez et qu'il a acquises a combattre contre la vraye religion et sa conscience , comme la confession dernière qu'il en afaite en sa mort en est le seurtesmoignageetlesparoles dites a la Royne, en protestation de faire prescher les ministres partout s'il guerissoit. Voilà le fruict de l'Evangile que la mise-

ricorde trouve eu temps et lieu et rue faites rougir de honte

pour vous, quand vous alléguez tant d' exécrans que vous dites faites par1 ceux de nostre religion. Ostez la poultre de rostre œil pour voir le festu de yostre prochain, nettoyez la terre du sang juste que les rostres ont espandu. témoin ce que vous savez et ce que je scay. Et d'où sont venues les premières séditions , lorsqu'en patience . par le vouloir du Roy et Reyne, les ministres, tant en cour que partout le royaume , preschoyent simplement selon Tedict de janvier, et que le conseil de Monsieur le légat, cardinal de Tournon, et vous brassiez, ce qui a apparu depuis, vous aidans pour tromperie de la bonté du feu Roy, mon mary. Je ne veux pour cela approuver ce que soubs l'ombre de la vraye religion s'est fait en plusieurs lieux, au grand regret des ministres dïcelle et des gens de bien : et suis celle qui crie vengeance contre ceux-là, comme ayant pollué la vraye religion de laquelle peste avec la grâce de Dieu,Béarn sera aussi bien sauvé

Je cognois bien que vous ne les avez hantez (les ministres) ouïs ny cognus, car ils ne preschent rien que l'obéissance des princes, la patience et l'humilité.

.... Quand vous dites que nous laissons l'ancienne doctrine pour suivre les apostats, prenez-vous par le nez, vous qui avez renoncé et rejette le saint laict , dont la feu Reyne ma mère vous avoit nourry, avant que les honneurs de Rome vous

eussent oppillé les vaines de 1" entendement Je diray

comme saint Paul, je n'ay point honte de l'Evangile

Quant aux docteurs, j'y croi en tant qu'ils suivront la Saincte ^scriture, comme aussi fai-je aux livres de Calvin, Bèze et les autres , tous réglez au niveau de la parole de Dieu

Je ne scay où vous avez appris , qu'il y a tant de sectes entre les ministres : mais je l'ay bien apperceu de vous austres à Poissy La France est sous le pape et est à s*en repentir Je ne recognois en Béarn que Dieu, auquel je dois

rendre compte delà charge qu'il m'a baillée de son peuple.

De par celle qui ne sçait comme se nommer, ne pouvant estre amye, et doutant de la parenté, jusqu'au temps de la repentance et pénitence, qui vous sera cousine et amye ,

Jeanne.

Extrait de l'Histoire de Foy, etc., par Olhagaray, p. 544, 545, 546 , 547, 548 , 549,550 et 554.

ÎSk - " /ïSV .67. '2£Î^S

LETTRE DE CALVIN A LA DUCHESSE DE FERRARE. Madame ,

J ay entendu parvostre dernière lettre que quand vous aviez mandé a Messire Francisco qu'il serait bon que j'exhortasse a charité ceux qui font profession d'estre chrestiens , cela se rapportoit a quelques ministres lesquels vous avez trouvé peu charitables a vostre jugement. Cependant je puis recueillir que c'est au regard de feu M. le duc de Guise, en tant qu'ils ont été trop aspres a le condamner. Or Madame, devant qu'entrer plus avant en matière , je vous prie, au nom de Dieu, de bien penser aussi que de vostre costé il est requis de tenir mesure. . . . C'est que sus ce que je vous avois allégué que David nous instruit par son exemple de haïr les ennemys de Dieu, vous respondez que c'estoit pour ce tems-la duquel soubs la loy de rigueur il estoit permis de haïr les ennemys. Or, madame, ceste glose seroit

pour renverser toute l'Escripture Mais en disant qu'il a eu

en haine mortelle les reprouvés, il n'y a doubte qu'il ne se glorifie d'un zele droict et pur et bien reiglé : auquel il y a trois choses requises, c'est que nous n'ayons point esgard a nous ny a nostre particulier: et puis que nous ayons prudence et discrétion pour ne point juger a la volée : finalement que nous tenions bonne mesure sans oultre passer les bornes de nostre vocation. Ce que vous verrez plus a plain, Madame, en plusieurs passages de mes Commentaires sur les Psaulmes , quand il vous plaira prendre la peine d'y regarder. Tant y a que le Saint-Esprit nous

a donné David pour patron, affin que nous en suivions son exemple en cest endroict. Et de faict il nous est dict qu'en cest ardeur il a este figure de nostre Seigneur Jesus-Christ. Or si nous prétendons de surmonter en doulceur et humanité celuy qui est la fontaine de pitié et miséricorde , malheur sur nous. Et pour couper broche a toutes disputes, contentons-nous que saint Paul applique a tous les fidèles ce passage que le zele de

la maison de Dieu les doit engloutir 3Iesme Saint- Jehan,

duquel vous n'avez retenu que le mot de charité, monstre bien crue nous ne debvons pas soubs ombre de l'amour des hommes nous refroidir quant au debvoir que nous avons a l'honneiu de Dieu et la conservation de son Eglise. C'est quand il nous défend mesme de saluer ceux qui nous destournent en tant qu'en eux

sera de la pure doctrine Vous n'avez pas esté seule a sentir

beaucoup d'angoisses et amertumes en ces horribles troubles qui sont advenus. Yray est que le mal vous pouvoitpicquer plus asprement voyant la couronne de laquelle vous estes issue en telle confusion. Si est ce que vostre tristesse a esté commune a tous enfans de Dieu. Et combien que nous ayons peu dire tous, malheur sur celui par lequel ce scandalle est advenu : toutefois il y a eu matière de gémir et pleurer, attendu qu'une bonne cause a esté fort mai menée. Or si le mal faschoit à toutes gens de bien , M. de Guise, qui avoit allumé le feu, ne pouvoit pas estre espargné. Et de moy, combien que j'aye tousiours prié Dieu de lui faire mercy, si est ce que j'ay souvent désiré que Dieu mit la main sur luy pour en délivrer son Eglise, s'il ne le vouloit convertir. Tant y a que je puis protester qu'il n'a tenu qu'a moy que devant la guerre gens de faict et d'exécution ne se soyent efforcés de l'exterminer du monde, lesquels ont esté retenus par ma seule exhortation. Cependant, de le damner c'est aller trop avant sinon qu on eut certaine inarque et infaillible de sa réprobation : en quoy il se fault bien garder de présomption et témérité. Car il n'y a qu'un juge devant le siège duquel nous aurons tous a rendre compte. — Le second point me semble encore plus exhorbitant de mettre le roy de Navarre en paradis et M. de

APPENDICE. iOl

Guise en enfer. Car si on faict comparaison de l'un a l'autre : le premier a esté apostat; le second a tousiours esté ennemy ouvert de la vérité de l'Evangile. Je requerrois donc en cest endroict plus grande modération et sobriété. Cependant j'ay a vous prier, Madame, de ne vous pas trop aigrir sur ce mot de ne point prier pour un homme, sans avoir bien distingué de la

forme et qualité dont il est question Sur quoy, Madame ,

je vous feray un récit de la reyne de Navarre . bien pertinemment. Quand le Roy son mary se fut révolté , le ministre qu'elle avoit, cessa de faire mention de luy aux prières publiques. Elle faschée luy remonstra que mesme pour le regard des subjects il ne s'en debvoit point déporter. Luy s'excusant declaira, que ce qu'il s'en taisoit du tout estoit pour couvrir le deshonneur et honte du Roy son mary : d'aultant qu'il ne pouvoit prier Dieu pour luy en vérité qu'en requerrant qu'il le convertit, ce qui estoit descouvrir sa cheute. S'il demandoit que Dieu le maintint en prospérité , ce seroit se mocquer profanant l'oraison. Elle ayant ouy ceste responce demeura quoye Jusqu'à ce qu'elle en eut demandé conseil a d'aultres. Et les trouvant d'accord acquiesça tout doulcement. Madame, comme je sçay que ceste bonne princesse vouldroit apprendre de vous selon que l'usage le porte et vos vertus le méritent : aussi je vous prie n'avoir point honte de vous conformer a elle en cest endroict. Son mary luy estoit plus prochain que vostre gendre ne vous a esté. Neantmoins elle a vaincu son affection, affin de n'estre point cause que le nom de Dieu fut profane. Ce qui seroit quand nos prières seront feinctes ou bien répugnantes au repos de l'Eglise. Et pour conclurre ce propos par charité : jugez, Madame, je vous prie, si c'est raison qu'a l'appétit d'un seul homme nous ne tenions compte de cent mille : que la charité soit tellement restraincte a celuy qui a tasche de mettre tout en confusion que les enfants de Dieu soient mis en arrière. Or le remède est de haïr le mal sans nous attacher aux personnes; mais laisser

chacun devant son juge Et la responce aussi et refus de

M. Coulonge sent plus son ambition et vanité mondaine que la

modestie d'un homme de nostre estât, dont je suis bien marry Ainsi haine et chrestienté sont choses incompatibles. J'entens haine contre les personnes.

1er Avril 1564.

Lettres de Calvin. Manuscrits de la Bibliothèque de Genève. Ruchat, vu, p. 408