LETTRE DU MINISTRE CLAUDE DE LA BOISS1ÈRE A THÉODORE DE BÈZE

Salut en nostre Seigneur.

Monsieur, je loue Dieu et vous remercie du bien que par ci-devant il vous a pieu de me faire , tant pour l'advertissement que vous m" avez envoie touchant la modestie requise au service de Dieu, au tems ou nous sommes; comme aussi pour l'adresse qu'il vous a pieu donner au jeune escollier dict Tezac lequel de votre grâce avez mis cheux Monsieur Baduel. Je ferois difficulté de vous prier encores de mesme chose, n'estoit que je sçay, que le désir et plaisir qu'avez a radvancement

de la jeunesse n'amoindrit point en vous, et surpasse beaucoup l'ennui queprennez de y vous employer; pourquoy je prendray Thardiesse de vous présenter encores le présent porteur et son frère, enfans d'une bonne et chrestienne veuve, laquelle ne veult rien épargner pour les bien louger en lieu qu'ils puissent acquérir ensemble sçavoir et bonnes mœurs. Il est vray qu'elle auroit grand désir, s'il ne vous estoit trop ennuyeux (comme je sçay aussi la difficulté qu'il y a que vous puissiez satisfaire a chose de plus grande importance) de les recueillir auprès de vostre personne , par ainsi il vous plaira les avoir pour recommander, et si vos négoces ne peuvent permectre un tel bien, pour eux comme la mere leur souhaite, il vous plaira les dresser en quelque aultre lieu vertueux, comme par vostre bon advis cognoistrés plus expédient, espérant que la mere ne sera ingrate envers ceulx qui en auront besoin. Le Roy a esté en ceste ville et par ce pais, et a veu par expérience partie des frmcts qu'aporte la parolle de Dieu. Car en tout son royaume , il n'a point trouvé une plus grande tranquillité , qui a causé qu'il a amplifné sa façon d'esdict , donnant l'exercice de la Religion ou bien liberté d'iceluy en trois lieux , oultre celuy qui estoit contenu par son edict. Quant est de nostre lieu, nous sommes tousiours enmesme peine que par le passé , mais (comme nous sommes faicts si non pour servir a Dieu, on bien estre retirés à luy), je ne me puis persuader que ce corps d'église, ce corps de notre Seigneur, lequel par si longtemps il a basti et dressé en ce heu, doive estre deschiré et confus par la privation de son service, et quand ainsi seroit nous ne sommes poinct envoyés aux lieux pour seulement conserver ceux là qui sont venus en l'Eglise, car s'il en y a peult estre de meilleurs qui sont encore enveloppés et errants hors l'Eglise a raison desquels nous sommes destinés a nostre vocation, a plus forte raison sommesnous obligés à n'intermettre le service de Dieu aux lieux où nous sommes appellés. Dieu par sa grâce nous y sera secourabie. Je vous prieray aussi, monsieur, qu'il vous plaise nous faire ce bien, si possible est, que nous puissions encores estre pourveux

de deux ou trois pasteurs pour ceste province , comme le frère qui en a charge vous exposera la nécessité que nous en avons, et d'autant qu'il vous pourra reciter plus au long toutes nouvelles de par deçà, faisant fin à la présente , je supplieray Dieu, monsieur, qu'il luy plaise de toujours faire prospérer son œuvre entre vos mains , et vous conserver avec nos bons frères qui sont avec vous pour les siens a sa gloire éternellement.

De Xaintes, ce 17° de septembre 1565.

Vostre très humble et entier frère , Boissière.

Cette lettre se trouve dans len" 118 des manuscrits de la Bibliothèque de Genève , qui a pour titre : Lettres diverses de Bàze.

îV 71.