LETTRE DE LA MOTTE A CALVIN

Dies nunc abierunt sexdecim, ex quo Neracum perveni, ubi ea reperi quae partibus infinitis meam expectationem superarunt,

Conciones publiée et palam : psalmi omnibus viis : libri propa-

lam, nihilorainus omnino quam apud nos : Thcodoros

incredibilem adventu suo expectationem concitavit

Vale pater optimus et saluta amicos nostros Du Mas

d'Agenoy.

Ce 27 juillet.

Tibi ex animo dedkus benevolus Plancius (Nom. novo) de la Motte.

à Monsieur Monsieur d'EsPEViLE , là où il sera.

Cette lettre, de laquelle nous ne donnons qu'un fragment, se trouve dans le n* 109 des manuscrits de la Bibliothèque de Genève : manuscrits latins , lettres adressées à Calvin,

LETTRE DE CALVIN AU DUC DE LONGUEVILLE. Monseigneur ,

Mesme quand l'opportunité s'adoimeroit de vous

inciter plus souvent, je croy que ma diligence ne vous fascheroit point. Et vous expérimentez assez le besoin que vous en avez au milieu de tant de destoursbiers que Satan vous dresse , auxquels il est difficile de résister. ... Or, monseigneur, vous avez un grand avantage en ce que madame vostre mere ne désire rien plus que de vous voir cheminer rondement en la

crainte de Dieu, etc. Parquoy il vous est

nécessaire de vous revestir d'une telle magnanimité, qu'il n'y ait ne faveur, ne haine des hommes qui vous destourne de glorifier celuy qui mérite bien d'estre préféré a toute créa-

tures mortelles et caduques Je vous prie, monseigneur,

de vous exercer songneusement a lire et ouïr la Parole de

Dieu Je vous prie aussi , Monseigneur, de vous garder

des allecliemens et délices de ce monde , dont il est impossible que vous ne soyez environné

Ce 22 d'aoust 1559.

Lettres de Calvin , n° 408 des manuscrits de la Bibliothèque de Genève. Ruclmt , vu, p. 376.

LETTRE ADRESSÉE A CATHERINE DE MÉDICIS PAR UN GENTILHOMME QUI S'ÉTAIT CACHÉ SOUS LE NOM DE V1LLEMANDON.

Je commenceray, Madame , par vous dire que régnant le feu Roy, lors Dauphin, revenu de Piedmont, où il s'oublia tant, que de commettre un ord et sale adultère, par le conseil et conduicte de certains mignons, meschans et infidèles serviteurs, et par lesquels d'abondant la misérable et grande Senechale, Diane de Poictiers, public et commun réceptacle de tant d'hommes paillards et effrenez qui sont morts, et qui encores vivent, luy fut introduicte comme une bague dont il apprendroit beaucoup de vertu : et depuis que les nouvelles furent venues , que la bastarde estoit née du susdict adultère , vous fustes mise sur les rengs, Madame, par les susdicts moqueurs et la dicte vieille meretrice : qui vous despescherent et déclarèrent entre eux incapable de telle grandeur et honneur, que d'estre femme dun Daulphin de France, pource que n'auriez jamais enfans, puis que mettiez tant à en porter, veu qu'il ne tenoit à vostre seigneur et mari. Il me souvient que au lieu et chastoau de Roussillon sur le Rosne, ils en tindrent un grand parlement, dont la cognoissance en vint à la feu Roine de Navarre, qui vous aimoit singulièrement, laquelle me dit

Vous n'estiez aussi ignorante, Madame, de telle

méchanceté contre vous machinée; ains en aviez une plaie fort sanglante au cœur, et cherchiez par larmes et prières le Seigneur, parce qu'en aviez affaire : et en ce temps-là vous le recognoissiez , honorant la saincte Bible , qui estoit en vos coffres, ou sur vostre table, en laquelle regardiez et lisiez quelquefois : Et vos femmes et serviteurs avoyent ceste heu reuse commodité d'y lire , et n'y avoit que la nourrice qui ne vous aimoit gueres, non plus qu'elle faisoit Dieu, qui en enra-

geoit Dieu ne vous respondit pas incontinent : mais vous

laissa plusieurs ans languissante chercher, requérir, demander, qu'il s'esveillast à vostre aide

L'Eternel, vostre protecteur, va préparer et ouvrir le moyen par lequel il vouloit que toute la bénédiction du Roy et de vous print naissance, et sortit en perfection et évidence. Car ce Pere plein de miséricorde meit au cœur du feu Roy François d'avoir fort agréables les trente Psalmes de David, avec l'Oraison Dominicale, la Salutation Angélique et le Symbole des Apostres, que feu Clément Marot avoit translatez et traduicts , et dédiez à sa grandeur et Majesté : laquelle commanda audict Marot présenter le tout à l'Empereur Charles-lc-Quint , qui reçut benignement la dicte translation, la prisa, et par paroles, et par présent de deux cens doublons qu'il donna audict Marot, luy donnant aussi courage d'achever de traduire le reste des dicts Psalmes , et le priant de luy envoyer le plus tost qu'il pourroit Confitemini Domino, quoniam bonus, d'autant qu'il l'aimoit. Quoy voyans et entendans les musiciens de ces deux Princes, voir tous ceux de nostre France, meirent à qui mieux mieux lesdicts Psalmes en musique , et chacun les chantoit. Mais si personne les aima et embrassa estroictement , et ordinairement les chantoit et faisoit chanter, c'estoit le feu Roy Henri, de manière que les bons en benissoyent Dieu, et ses mignons et sa meretriceles aimoyent oufeignoyent ordinairement les aimer , tant qu'ils disoyent, Monsieur, cestuy-ci ne sera-t-il pas mien? Vous me donnerez cestuy-la, s'il vous piais-t : et ce

bon Prince alors estoit à son gré empesché à leur en donner à sa fantaisie. Toutesfois il retint pour luy, dont il vous peut bien et doit souvenir, Madame , cestuy,

Bienheureux est quiconques

Sert à Dieu volontiers , etc. (Psaume cxxvm.)

Feit lui-même le chant à ce Psalme, lequel chant estoit fort bon et plaisant , et bien propre aux paroles. Le chantoit et faisoit chanter si souvent, qif il monstroit évidemment qu'il estoit point et stimulé d'estre benict, ainsi que David le descrit audict Psalme , et de vous voir la vérité de la figure de la vigne. Cela fut au sortir de sa maladie à Angoulesme. La Roine ma maistresse (qui pour lors estoit avec le Roy François, son frère), le priant d'embrasser en pitié et clémence les citadins de Là Rochelle , en lieu de les massacrer, m'envoya vers vous pour sçavoir de sa maladie : laquelle trouvay ja tant diminuée, qu'il se mettoit à chanter lesdicts Psalmes, avec lues, violes, espinettes , fleustes , les voix de ses chantres parmi, et y prenoit grande délectation, me commendoit approcher; parce qu'il cognoissoit que j'aymois la musique, et jouois un peu de lue et de la guiterne : et me fit donner le chant et les parties que je portay à la Roine ma maistresse, avec la convalescence de vostre bonne santé. Je n'oublieray aussi le vostre que demandiez estre souvent chanté: c'estoit,

Fers i 'Eternel des oppressez le père

Je m'en iray , luy monstrant fimpropere

Que l'on me faict , luy feray ma prière

A haultevoix, qu'il ne jette en arrière

Mes piteux cris, car en lui seul f espère (Psaume cxli.)

Quand madicte Roine de Navarre vit ces deux Psalmes, et entendit comment ils estoient frequentement chantez, mesmes de Monseigneur le Daulphin, elle demoura toute admirative, puis me dit : Je ne sçay où Madame la Daulphine a pris ce Psalme, Vers l'Eternel, il n'est des traduicts de Marot. Mais

ii n'est possible qu'elle en eust sceu trouver un autre où son affliction soit mieux despeinte, et par lequel elle puisse plus clairement monstrer ce qu'elle sent, et demander à Dieu en estre allégée, comme vrayement elle sera. Car puis qu'il a plu a Dieu mettre ce don en leurs cœurs, voici le temps , voici les jours sont prochains, que les yeux du Roy seront contens , les désirs de monsieur le Dauphin, saoulez et rassasiez, les pensées des ennemis de Madame la Daulphine renversez; mon espérance aussi et la foy de mes prières prendront fin. Il ne passera gueres plus d'un an que la Visitation miséricordieuse du Seigneur n'apparoisse et gaigeray qu'elle aura un fils pour plus grande

joie et satisfaction De treze à quatorze

mois en là, vous enfantastes nostre Roy François, qui vit

aujourd'huy Mais ainsi qua ce bon Dieu vous

rendroit plus féconde , ainsi allait le feu roy négligeant et oubliant tel bienfaict : dont advint que Dieu irrité permit que ce povre prince, enyvré de la menstrue de ceste vieille paillarde Diane, donna par elle entrée en sa maison a un jeune serpent (le cardinal de Lorraine) qui secrettement leichoit le sein d'elle dont il se feict oracle, et elle organe de luy, qui commença à blasmer les susdits psalmes de David, lesquels enseignent à laisser tous péchez, fortifient la chasteté, et correborent la vertu ; et va faire feste des vers lascifs d'Horace qui échauffent les pensées et la chair à toutes sortes de lubricitez et pailliardises, et met en avant toutes chansons folles et en faisoyent forger de leurs infâmes amours par ces beaux poètes du diable pour non seulement entretenir leur vie impure et impudique , ainsi pour les engoufrer et absorber en l'abysme de toute iniquité et desordre, voire de toute impiété . Car lui voyant que ladite grande Seneschalle avoir à l'imitation de vous une Bible en françois : avec un grand signe de croix , un coup de sa main sur sa poictrine, et parole souspirante d'un hypocrite, la luy va despriser et damner, lui renions trant qu'il n'y falloit pas lire, pour les périls et dangers qu'il y a , mesmes qu'il nappartenoit aux femmes telle lecture ; niais qu'en lieu

d'une messe, elle en ouist deux , et se contentast ces paternostres et de ses heures, où il y avoit tant de belles dévotions belles images. Et par ainsi ceste povre vieille pécheresse persuada tout son dire au feu roy, et vous y contraignoyent, Madame, jusques à vous oster vostre confesseur Bouteiller, qui pour lors vous preschoit et administroit purement la vérité Evangelique, et au heu dudict Bouteiller, vous bailla par force son docteur Henuyer, sorboniste , pour suborner vostre conscience : et depuis le bailla au feu Roy pour gouverner la sienne, sçavoir qu'elle disoit et y imprimer ce qu'il vouloit. Brief il vous destroussa tous deux de ces saincts meubles qui ne périssent point, mais entretiennent en incorruption celuy qui les possède et toute sa maison : les vous cacha, et vous rendit tous deux captifs de vaines superstitions, soubs la corde de la vieille, que premièrement pour mieux cacher son roole il avoit aveuglée.

26 Août 1559.

Cette lettre se trouve dans le Recueil des choses mémorables faites et passées pour le faict de la Religion et état de ce royaume depuis la mort du Roy Henri II, tom. I, p. 501 , 502, 503 , 504 , 505 ; 506 , édition de 1565, m-12.