Montmorency a du Bouchage

S' Maur des Fossés, 29 avril 1567.

Mon frère, j'ay receu la lettre que vous m'avez escript pour les habitans de Loches, et vous advise que. puisque par la publication de la monstre il est mandé a tous ceulx de la compagnie de monsieur de Montpensier de s'y rendre au premier jour de juing, qu'il ne se peult faire autrement qu'ilz n'y facent la monstre ; mais quand a la garnison, nous avons ad visé, monsieur de Montpensier et moy, de les en descharger pour les incommoditez quy y sont, et d'envoyer ailleurs lad. compagnie, comme pour l'advenir je ne fauldray de donner ordre que lesd. habitans n'en soyent plus fouliez. J'ay esté bien aise au demeurant de scavoir de voz nouvelles icy, pour vous dire des miennes. Je me porte bien, grâces a Dieu, comme faist ma femme vostre seur, et tous ceulx quy vous aystiment en ceste compaynye, et je ne feray fin.

Priant Dieu qu'il vous doint, mon frère, et vous feist tout ce que plus desirez. A S' Aior des fossez, ce xxix'' jour d'avril 1567.

Vostre bien bon frère.

Montmorency.

Mon frère, monsieur le comte du Bouchaige, chevalier de Tordre du Roy.

(Loches, ce n" 11.3.)