E. DE Prie a la Ville
Montpoupon, 1" octobre 1567.
Messieurs, je vous envoyé une lettre que mons. de Mon-
PIÈCKS JUSTIFICATIVES 343
Ireul (ij vous escript, qu'il m'a envoyée ceste nuict, par laquelle vous verrez comme il me prie de m'aller mettre dans le chasteau de Loches avec la compagnie de mons. le marquis de Viliarset le plus de mes voisins el amys que je [)ourray mener ; ce que je me délibère fere. A ceste occasion, j'envoye ce porteur devers vous pour regarder de ferc les logis des gentilzhommes que je meneray, et le mien, et vous prie aussy de faire provision de foing-, paille et avoyne, car il fauldra qu'ilz mènent des chevaulx. Pour l'espérance (|U6 j'ay de vous voyr bien tost, je ne vous (eray plus longues lettres, sinon que je me recommanderay bien fort a voz bonnes grâces, et prie Dieu, messieurs, vous donner en santé, bonne vie et longue. De Montpepon, ce premier jour d'octobre 1567.
Vostre entièrement bon amy.
E DE Prie.
Messieurs les officiers de la justice, eschevins et habitans de la ville de Loches, a Loches.
(annexe)
Messieurs vous avez entendu les assemblées qui se font contre l'obéissance du Roy, qui est cause que j'ay escript a mons. de Prie pour s'en aller incontinent en vostre ville et chasteau, et y assembler la compagnie de mons. le marquis de Villars. et la pourvoyr a tout ce qu'il verra estre requis pour le service du Roy et conservation de lad. ville et chasteau en son obéissance ; auquel vous ne fauldrez d'obbeyr en tout ce qu'il vous commandera pour cest effect. A quoy m'asseurant ne vouldrez faillyr, ne vous feray ceste plus longue que pour prier le Créateur, messieurs, vous tenir en sa sainte garde. A Tours, ce dernier jour de septembre 1567.
Vostre bien bon amy.
.1. DU MOxNTERUD.
(1) Le sieur de Monterud, lieiilcnant général de Touraiiie (cf. p. 63, note 3), était souvent appelé sieur de .Montreuil.
A Messieurs les officiers de justice, eschevins et habilans de la ville de Loches, a Loches.
LA Ville a E. de Prie
Loches, !"■■ octobre 1567.
Monseigneur, nous avons receue la lettre qu'il vous a pieu de nous escripre, avec celle de mons. de Montreul, et sommes très joyeulxde ce qu'il vous plaist nous visiter et secourir en ce temps de nécessité, et espérons vous recepvoir de très bon cœur et vous obéir en ce qu'il vous plaira nous commander pour le service du Roy et le vostre ; et attendant vostre venue, nous saluons voz bonnes grâces de noz très humbles recommandacions, et supplions le Créateur, monsieur, vous donner en santé, bonne et longue vie. De Loches, le premier jour d'octobre 1567.
Vos très humbles serviteurs, les officiers du Roy sur le faict de la justice, mayre, eschevins et habilans de la ville de Loches.
A Monseigneur, mons. dePrye, chevalier de l'ordre du Roy. (Loches, délib. 1564-1567) (1).
