Ordre pour la garde de la Ville
Loches, 18 et 30 juillet 1568.
Du dimanche dix huictiesme jour de juillet 1568, j)ar davant nous Jehan de Geriziers, lieutenant criminel, et Anthoine Dallonneau, lieutenant particulier a Loches de monsieur le bailly de Touraine, il a esté conclud et advisé en la présente assemblée par l'advis des y assistans, que le dict sieur de la Menardiere, lieutenant de monseig-neur le marquis de Villars pour la garde des ville et chasteau de Loches, présentera ses quarente hommes bien armés, mesmement de morrions en teste, bons et raisonnables, et harquebuziers en corcelet, et ce demain matin, pour le plus tard, que la garnison estrang'ere estant de présent en ceste ville doibt partir et s'en aller de lad. ville, ainsi que ont rapporté lesd sieur de la Menardiere, maire, procureur et receveur de lad. ville, et suyvant les lettres de monseigneur de la Ghastre, lieutenant g-eneral pour le roy en Touraine en l'absence de monseig'neur le Prince daulphin, du XVI* de ce présent moys; et que monsieur d'Auberroche, lieutenant du prevost des mareschaulx en Tou-
(1) Comme on le remarquera encore plus loin (pièce n" 32), les transcriptions de pièces du xvi" siècle, faites par Dom Housseau, ne reproduisent pas toujours exacleinent les particularilfis du texte et offrent parfois des fautes évidentes de lecture.
352 LOCHES AU XVI'' SlftCLE
raine(l).ou Anthoine Engierays, dict Gliicot, chevaulcheur et tenant la poste en Picquois, forsbourg" deceste ville, auroit les clefs des barrières dudict fortsbourg-; et que led. Pillet, antien maire, aura et prendra la charge de fermer ou faire fermer la porte du forzbourg de Quintefol, et qu'il sera enjoinct aux habitans dudict forzbourg de Quintefol de luy obéir, et sera pareillement enjoinct aux habitans dud. forsbourg de Picquois d'obéir ausdiclz d'Auberroche et Chicot chevaulcheur ; et que lesd. habitans, tant de la ville que desdictz forsbourgs, assisteront avecques les soldatz dud. sieur de la Menardiere a chascune porte, deux desdictz forsbourgs et ung- de lad. ville par chascun jour, et quant a la nuict se fera par lesdiclz soldatz et ceulx de lad. ville la ronde, et du tout en sera faict rolle sans exemption de personne; et que ceulx de la prétendue nouvelle relligion reformée présenteront homme convenable et de la relig-ion catholicque pour lad. garde, aultrement et a faulte de ce faire, y en sera a leurs despens conmiis par lesdictz maire, Pillet, d'Auberroche et Chicot chevaulcheur, respectivement chascun en leur quartier et charge ; et quant aux pauvres vefves qui n'auroyent puissance de fornir ung homme, en sera mis plusieurs ensemble par Tadvis des dessusdictz, pour, selon leurs facultez, fornir d'hommes; et quant au surplus, a esté advisé et conclud que chascun s'enquerra secrètement si ceulx de lad. prétendue nouvelle relligion s'elevent poinct en armes, affin d'y donner promptement ordre et en faire faire information, pour, ce faict, procedder contre eulx ainsi que de raison ; et demeureront les clefs de lad. ville et de la barrière desCordelliers es mains dudict maire, et en son absence es mains dudict procureur et recepveur de lad. ville ; et que ceulx de lad. nouvelle religion ne seront laissez sortir de lad. ville avec armes, sinon avec l'espee et la dague, et si,entrans par eulx en lad. ville, ils avoientdes armes, elles leur seront oustees ; et leur est aussi défendu de porter armes, estans es villes et faulxbourgs de Loches et Beaulieu, sinon qu'ilz allassent aux champs ou qu'ilz en vinssent...
(1) Voir fr. 16223, f» 5.
PIÈGES JLTST1FICA.TIVES 353
Et du vendredy trentiesme jour dudict moys oudict an, en l'assemblée faicte cedict jour, ou ont assisté la pluspart des dessusd... et Philipe Destables, escuyer, s"" de Monchenu, en l'absence dud. s"" delaMenardiere qui est malade, a esté receue la conclusion et l'ordonnance de l'asseml^lee faicte led. jour de dimanche xviij^ dudict moys oud.an , et a esté ordonné par l'advis des dessud., qu'elle sera observée et exécutée selon sa forme et teneur, et que les defaillans des habitans de ceste ville et foi-sbourgs a faire les g-ardes chascun en son tour et ordre du roi le qui en sera taict, seront condamnez en six solz six deniers d'amende, dont le tiers appartiendra au receveur de ville, ou son exécuteur, qui baille l'assignation par vertu dudict roole, qui sera signé dudict maire et de l'ung desdictz eschevins, et les deux aultres tiers, partie de lad. peine de six sols six deniers ts, sera receue par le maire, et par luy baillées et distribuées a celluy ou ceulx qui seront commis a ladicte garde au lieu des absentz, en sallaires...
(Loches, F 6i.)
