Charles IX a Villars

La Rochelle, 30 août 1568.

Mon cousin, d'aultanl que je suis adverly que les principaulx chefs de la relligion prétendue reflormee de mon royaume se sont eslevez en armes descouvertes et s'assemblent en grandes trouppes contre mes edictz, que je ne puis penser estre a aultre fin que très mauvaise, attendu l'asseurance que je leuray donnée par mon dernier esdict de pacifrication,et les commandemenspar moy tant defoys faictz et réitérez pour l'entretenement et observation d'icelluy ; par quoy vouUant pourveoir a me rendre le plus fort pour résister a tous les mauvais desseings qu'ilz pourroient avoir et me faire rendre l'obéissance qui m'est deue, j'ai advisé faire convocquer et assembler mes forces, avec partie desquelles je prétends me trouver en ma personne en ma ville d'Estampes en le x* de ce moys, vous ayant choisy et esleu pour m'asister et vous tenir près de moy.

A ceste cause, je vous prie, mon cousin, de vous y trouver dansled. temps, etadvertir les hommes d'armes et archers de vostre compaignie qu'ilz ayent a se rendre aud. lieu d'Estampes led. x" septembre, avec leurs armes et chevaulx, pour y faire et exploicter ce qui leur sera commandé pour mon service. A quoy m'asseurant que vous ny eulx ne vouidrez faire faulte, je prieray Dieu, mon cousin, vous avoir en sa sainte et digne garde. Escript a la Rochelle, ce xxx\jour d'aoust 1568.

Charles

Laubespine.

Mon cousin, le marquis de Viilars.

(Bibl nat., /r. 3224, f 3.)