Lettres sur la Solde de la Garnison
Paris, 22 octobre 1568.
Charles, par la grâce [de Dieu] (1) roy de France, a noz amez [et feaulx] les eileuz sur le [faict de]noz aides et tailles de la [ville] de Loches, salut. Gomme pour maintenir nostre dicte ville et ch[asteau] de Loches soubz nostre obéissance et les garder de toutes surprinses de ceulx tenans party a nous contraire, nous eussions, au commencement des présents troubles renouveliez par aulcuns de noz mal advisez subiectz, faict mectre en lad. ville et chasteau jusques au nombre de cent soldatz, oultre les quarante qui y avoyent esté mys auparavant par commission et ordonnance de nous, soubz la charge du sieur de Menou, chevallier de nostre ordre, par nous a ce commis en l'absence de nostre cousin le marquis de Viilars, cappitaine de lad. ville, comté et chasteau de Loches, lesquelz soldatz n'ont encore esté payez de leur soulde et entretenement depuys ledict temps ; a quoy estant besoing pourvoir, nous vous mandons et enjoignons que, nos advocatz et procureurs audict Loches presentz ou appeliez, vous mectez sus etimposezle plus juste-
(1) Cette pièce est rongée sur les bords.
ment et eg-allement, et a la moindre charge etfoulle de noz subiectzque faire se pourra, tel [que vous] verrez el arbitrez estre p[ius expédient] pour le payement et soulde. [des huict] ving-tz soldatz, ensemble f[onsl nécessaires de la cottisation, département et récépissé d'icelle somme, et aussi pour l"execu[tion] de ces présentes, le tout au feus, et ainsi qu'il est accoustumé faire pour noz tailles, tant sur les manans et habitans de lad. ville et chasteau de Loches, que aultres de lad. ellection ; et la dicte somme faictes lever et cuillir incessamment, et icelle niectre es mains du recepveur de nos dictes tailles, ou aultre personnaige résidant et solvable audict Loches, pour par luy estre convertye et employée au payement et soulde desd. gens de guerre, et en rendre compte et i-elliqua quant il en sera requis par nous et Justice, contraig-nant au payement de ladicte somnje tous ceulx qui apartiendra et pour ce seront a contraindi'e, selon leurs cottilez, par toutes voyes deues et raisonnables comme pour noz propres deniers et alTaires, nonobstant oppositions et appellations quelconques, et sans préjudice d'icelles, pour lesquelles n[e voullons]estre différé de faire v[ostre] pouvoir. Mandons et commandons a tous noz justiciers, officiers [et] subiects, que a vous en ce faisa[nt ilz] obéissent et entendent, prestent [et] donnent conseil, confort, ayde, et prisons si mestier est et requis en sont ; car tel est nostre plaisir.
Donné a Paris, le ving't deuxiesme jour d'octobre mil cinq centz soixante huict, et de nostre règne le huictiesme. Ainsi signé : Par le Roy, de l'Aubespine ; et scellé du grand scel, en simple queue de sire jaulne.
(Loches, N lo.)
