Méré a la Ville de Tours

Loches, 30 janvier 1568.

Messieurs, Il y a deux moys et plus que monsieur de Monterud a faict une ordonnance aux commissaires des pouldres de Tours de me faire délivrer la quantité de six centz livres de pouldre, pour employer a la garde de ce chasteau de Loches, suivant laquelle j'ay par plusieurs foys envoyé aud. Tours gens et cliarroys pour admener lesd. pouldres, pensant que mon dict s' de Monterud y seroyt obey, et principalement en ce qui concerne notoirement le service de Sa Maiesté et conservation de ses places. Toutesfois, on nous y a tant usé de remises, toutes fondées sur l'empeschement que vous, messieurs, y donnez, que a la fin, après avoyr receu cinquante francs pour la fasson desd. six centz livres de pouldres, ils en ont délivré deux centz

(1) Dans la séance du 14 novembre, la cour de Parlement, fit une oliservation sur » deux clauses, lesquelles a leur advis ne doyvent passer : la première, en ce qu'elle porte le tiltre d'amiral de France et de Brelaigne : leur semble qu'il seroit bon n'user de ce mot et tiltre d'amiral de l:lrelaigne et qu'il suffisoit du tiltre d'amyral de France en gênerai, comprenant soubz iceluy la Bretaigne. sans aul- Irement la nommer par les lettres, attendu la reunyon du duché de Bretaigne a la couronne. L'aultre clause est qu'il est mandé seullement lire et publier les lettres, et non recevoir le serment du marquis de Villars; en quoy fault reformer les dictes lettres, car est nécessaire, puisque les appellations de luy et son lieutenant ressortissent en cesle court, qu'il preste le serment en icelle. selon et ainsy que tous ses prédécesseurs ont faict... » (Xia 1628, f'>2, v) - Sur leç privilèges de la charge d'amiral exercée par Villars, voir une déclaration royale du 10 janvier 1574 (Xia 8631, f° 67).

livres, ou quelque peu plus, en deux cacques, qui ne furent si tost hors du mag'azin,que deux commissaires, se disantz députez par vous, ne y formassent adveu et de puissance ne les enlevassent, tellement que tant de voyag-es faiclz a faulte, avecques les cinquante francs payez pour la faczon, equipollent a peu près a la valeur desd. pouldres. Et d'autant que je désire conserver en l'obéissance de Sa Maiesté cesle place, ou il luy a pieu me donner commandement, ce que je ne puys faire sans telles munitions, j'ay advisé envoyer ce porteur exprès par devers vous, pour entendre par luy, a son retour, ce qui vous meut de m'empescher lesd. pouldres, affin que par ce moyen il n'y manque rien de mon debvoir ; m'asseurant au surplus que, tant pour la loyalle obéissance que vous debvez au Roy et ses magistratz, que aussy la cong-noissance que vous avez de combien la perte d'une telle place importeroyt, non seulement a ce pays voisin, mays au Roy et mesmes a vous, vous ne vouldrez emporter le reproche qu'elle soyt advenue par vostre moyen. A ceste cause, messieurs, je vous prye tant comme je puys pour le service de lad. Maiesté, non seulement de n'empescher lad. délivrance desd. pouldres, mays y presteitoute la faveur que pourrez, a ce que pour peu de chose il n'advienne un inconvénient irréparable, et sur le tout me mander vostre volunté, pour en advertir le Roy ou adviser par moy aultres moyens plus expediens pour le debvoyr de ma charge ; et en cas pareil, s'il y a en ma puissance chose dont vous ayez affaire, vous en pourrez disposer et me trouverez prest a y obeyr, d'aussy bon cueur que je présente mes plus affectionnées recommandations a toutes voz bonnes grâces, et prie Dieu, messieurs, vous donner heureux acomplissement de voz bons désirs. Au chasteau de Loches, le XXX* jour de janvier 1568.

'Vostre bien bon serviteur et parfaict amy.

De Meré.

Messieurs les maire et eschevins delà ville de Tours.

(Arch. de Tours, EE 6, n° 36.)