MONTPENSIER A NeMOURS

Beaulieu, 5 août [1569].

Monsieur, n'ayant depuys il y a fort longtemps en ce bien d'entendre de vos nouvelles, je ne veulx pour cella laisser de me ramentevoire par se mot de lettre en la souvenance de vos bonnes grâces, pour le désir que i'ay d'y eslre tousiours continué, comme celluy qui pour chouse du monde ne vouldroit s'en voir eslong-né ; voullant bien aussi par mesme moyen vous dire, monsieur, que nous avons ce iourdhuy eu advertissement comme les anemys, qui sont depuys il y huict ou dix iours devant Poictiers, ont commancé a en battre queulques deffenses du cousté du chasteau, et sont délibérez de continuer. Touteffois, encores qu'il[s] y facent bresche, l'on a pas opinion qu'il y puisse entrer, estant la ville plaine de tant de gens de bien comme il y en a, entre lesquels est monsieur de Guyse. Depuis ledict siège le cappitaine Onou.x y est entré aveques sis cens harquebuziers. Le Roy et la Royne doivent estre demain ou dimanche Amboyse, ou nous les allons trouver, en intention d'y prendre queulque bonne resolution. le supplie Nostre Seugneur qu'elle puisse estre tyeulle que l'événement en soyt cause de nous mettre bien toust a la fin de ses misérables troubles, et après m'estre recommandé bien humblement a vostre bonne grâce, vous donner, monsieur, en santé bonne et longue vye. Du camp de Beaulieu pré Loches, ce V iour d'oust (1577) (1).

Monsieur, ie vous puis asseurer que vous estes bien fort en la bonne grâce de Monsieur, frère du Roy, et vous supplie croire que auprès de luy et partout ou ie seray iamays, ie vous feray tousiours office de ce que vous est

Voustre plus humble et obéissant cousin.

LoYS DE Bourbon.

A monsieur, monsieur le duc de Nemours.

(Bibl. nat ,//-. 3338,1" 95.)

(1) L'année a été ajoutée par une autre main. Elle est manifestement erronée.