Lettres sur le reliquat du Magasin militaire

Paris, 5 avril 1571.

Charles, par la grâce de Dieu Roy de France, au bailly de Touraine ou sou lieutenant a Loches, officiers de la justice, esleuz et controlleur sur le faict de noz aides et tailles, maire eteschevins, et principaulx habitans de nostre dicte ville de Loches, salut.

Sur le rapport et remonstrance qui a esté faicte en nostre Conseil privé, par les commissaires generaulx des vivres, de noz deniers, camps et armées, que pour la nourriture des gens de guerre de nosd. armées es années mil cinqcentz soixancte huict. soixancte neuf et soixancte dix, il a esté faict levée, amaz et provision de bledz, avoyneset aultres grains et farines de munition en plusieurs villes de nostre royaulme, et mesmes en nostred. ville de Loches, ou il a esté estably ung bon et grand magazin, et que passant nostredictcampet armée en l'année mil cinq centz soixancte neuf par icelle, il auroit, par voz commis et depputez en vostred. magazin, esté vendu et distribué g-rande quantité d'avoynes et pain de munition e['n] deniers comptans et jusques a la somme de dix-neuf cens ou deux mil livres, qui est ou doibt estre es mains de vosd. commis et députez, et que en nostred. ville et chasteau de Loches yaencores quelque quantité de bledz et farines en reste de ceulx qui ont esté levez en vostred. ressort et ellection, et d'aultres qui ont esté apportées d'Auvergne et aultres lieulx. qui commencent fort a dépérir et gaster. A ceste cause, desirans y pourvoir et remédier, nous voulions, vous mandons, commandons et ordonnons très expressément par ces présentes, que, incontinant après la réception d'icelles, faicteFs) vendre au plus offrant et dernier enchérisseur, au plus hault prix que faire ce pourra, tout ce (|ui se trouvera de reste desd. bledz et farines en nostred. ville et chasteau de Loches ; laquelle vente vous ferez publier a son de trompe par tous les carrefours, par ceulx accoutumez a faire criz publicqz en lad. ville, affm que toutes personnes soyent reçues a y mectre enchère. Les deniers provenans d'icelle, ensemble

les deniers qui sont es nictins de vosd. commis et députez, provenuz de la vente desd. avoynes et pain de munition, vous ferez incontinant mectre et consig-ner es mains du recepveur de noz aides et tailles de l'ellection de nostred. ville de Loches, et les recepicez, pour estre aussi tost par luy envoyez et délivrez es mains du recepveur gênerai de noz finances estably a Tours qui sera en charg:e ; etaffin que nous soyons promptement advertiz des deniers qui seront provenuz de la vente desd. bledz et farines et qui auront esté receuz par led. recepveur de noz aides et tailles, vous nous envoyez par nostre cher et bien amé Jacques Deforg'es, porteur des présentes, qui avec vous assistera a lad. vente qui sera faicte desd, bledz et farines, le procesverbal d'icelle, contenant la quantité, quallité, et a quel pris lesd. bledz et farines auront esté vendues, et quels deniers vous aurez faict délivrer aud.recepveurde noz tailles; [et]ou[au[cuns]de vosd. commis et députez vouldroient faire quelque difficulté a la délivrance desd. bledz, farines et deniers, d'aullant qu'ilz en sont charg-ez, en ce' cas nous voulions qu'ilz soyent contrainctz partoutesvoyes raisonnables, mesnies par emprisonnement de leurs personnes, sy besoing' est ; et en rapportant par eulx coppie du procès verbal de lad. vente, signé de vostre g-reffier, et recepicédudit recepveur de noz aides et tailles, ilz en seront tenuz quictes et deschargez des deniers qu'ilz auront délivrées en la despence de leurs comptes a Paris, et tous aultres qu'il appartiendra, auxquelz mandons avoir a le faire sans difficulté. De ce faire et accomplir nous avons donné et donnons plein pourvoyr, auctorilé, commission et commandement supresme, mandons etcommandons a touz noz huissiers et sergens que en ce faisant soit obey, prestent et donnent conseil, confort, aide et prisons, sy mestier est et par vous requis sont. Car tel est nostre plaisir.

Doimé a Paris, le cinquiesme jour d'apvril, l'an de grâce mil cinq centz soixante unze, et de nostre règne le unziesme. Ainsi signé : Charles, et au dessoubz, Par le Roy en son conseil, Carré ; et sellées du grand sceau de cire jaulne.

(Loches, DD.)

31 — Mémoire sur le Magasin militaire

Loches, 10 avril 1572.

Mémoire pour servir aux habitans de Loches envers le Roy, Monseigneur le duc d'Anjou son frère et lient g^^ , nosseig-neurs de leur Conseil et aultres qu'il appartiendra (1).

Sera pour les paouvres habitans de Loches remonstré en toute humiliité que, pendent les premiers, secondz et derniers troubles, ilz se sont touiours, a très grandz fraiz tant de la ville et communitté dud. Loches que des particulliers habitans d'icelluy, mainctenuz et comportez en l'obéissance et service fidelle de Sa Maiesté: et d'aultantque lad. communité est l'une des plus paouvres que d'aulcune aultre ville royalle de ce royaulme, n'y ayant en la dicte communitté sinon six ou sept ving'tz livres tournois de revenu anuel(2), elle est toujours [de plus] en plus, et comme les nécessitez de la g-[uerre] sont continues et aug-mentees, demouree ende[btee et] accablée, tant envers les procureurs et recepveurs d'icelle communitté (3) que envers plusieurs aultres, [ausquelz] il y a convenu empruncter argent, et envers lesquelz elle est redebvable, sans moyen r|u'elle aye de s'en pouvoir rellever, sy ce n'est par la bonté et liberalle miséricorde de Sa Ma'^ et de Monseig-neur le duc d'Anjou son frère et lieutenant ^-eneral, ausqueulx elle a

(1) Quelques parties de celle pièce sonl rongées.

(2) En réalilé, le revenu annuel élail bien moins faible. Dans un étal dressé en décembre 1572 d'après l'ordre du roi, la ville déclarait que ses biens patrimoniaux rapportaient 10 livres; que le droit d'appélissement était affermé 480 livres et que celui de péage était affermé 10 livres. Elle avouait donc un revenu de Sno livres, sans parler du droit perçu par elle sur la vente du sel. (Loches, G 3.)

(3) (' ... les grandes sommes de deniers qui sont deues a aulcuns qui ont cy davant faicl bi.d. charge de procureur et recepvciir, qui se montent a plus de deux mil livres, sans plusieurs aultres grosses sommes de deniers, desquelles lad. ville est endebtee envers plusieurs parliculiers, qui reviennent a pareille somme de deux mil livres ou plus. » (Etat de décembre 1572.) — Les emprunts faits à des habitants avaient commencé dès la première guerrede religion.

recours, et les supplie très humblement avec noz seigneurs de leur Conseil, voulloir avoir pitié et miséricorde de sa paouvretté et a ceste [fin] entendre leurs moyens, qui les . ont reduictz a telle misère et qui encores de présent les y réduisent et accablent du tout, au lieu de l'en rellever.

Les moyens sont : dont, premièrement, que aud. Loches, pendent lesd. premiers, secondz et derniers troubles, y a tousjours eu g'ouverneurs et lieutenans pour Sa Maiesté tous divers, assavoir aus premiers troubles le sieur de Ghanceaulx. aux secondz le sieur de Meré, et aux tiers et derniers le sieur de Menou, qui ont tous commandé a lad. ville et au pais et l'ont mainctenu en l'obéissance du Roy, mais a très grandz fraiz et despense insupportables de lad. ville et communitté, comme aussi ne les pouvoient iiz aul- Irement faire.

Secondo, les g-arnisons de gendarmerye de cheval, et infanterye de gens de pied, qui ont séjourné aud. Loches pour la tuition et defïense de tout le pays par plusieurs et diverses foys.

Tertio, le séjour qui a esté faict aud. pais, de tout le camp de la personne de mond. seigneur le duc d'Anjou, par le temps de six ou sept sepmaines.

Quarto^ les aultres grandz et infinies passées et repassees, et seiours de gendarmerye de cheval et de pied.

Quinto, le magazin de vivres estably aud. Loches esd. derniers troubles, avec les fraiz et despenses insupportables que en ont souffert et encores souffrent lesd. habitans et communitté de Loches, pour exécuter les mandemensdu Roy, de mond. seigneur son frère et lieutenant gênerai, et de messieurs les commissaires generaulx des vivres, mesmement pour les voictures et charroys [de] pain de munition dudict Loches j[usques] au camp a Dissay près Poictiers a..., aCliastellerault,alaHayeenTouraine, [aSaincte] More, Lisle Bouchard, Ghinon et ailleurs, et [pour] avoir aussi parla dicte communitté de Loches f[orny] vesseaulx,thonneaulx et sacs, dedans lesquelz estoit mené led. pain, qui ont esté perduz et n'ont esté ramenez audict Loches, en manière que les seulz fraiz desd. voictures et charrois, tonneaulx et sacs, montent a la somme de deux mil neuf cens vingt livres, six deniers tz, par veriffication qui en esté faicte sur Testât

d'iceulz frais par les officiers du Roy de la justice ordinaire, Esleuz sur le faict des [aydesj et tailles, maire et eschevins dud. Loches, et sans y comprendre aullres fraiz quelzconques. sinon ceulx qui ont esté faictz pour la dicte occasion des envois et voictures dudict pain. Sur laquelle somme de deux mil neuf cens vingt livres, six deniers tz, a esté seulement receu en tout la somme de quatre vingtz une livre, seize solz, six deniers tz, savoir est vingt huict livres, six solz, six deniers d'une part, trente solz d'autre, et cinquante deux livres d'aultre.

Sexto, pour la confection des fours faictz au couvent des Cordelliers par commandement de mesd. sieurs les commissaires generaulx, pour la confection desquelz fours a esté payé par lad. communilté la somme de six vingtz livres, douze [sols],., deniers tz.

Et novissirne, sont audict Loches venuz messieurs les commissaires, députez par le Roy pour la recherche des levées extraordinaires, qui n'ont voulu entendre ausd. fraiz, mises et deppenses, combien qu'ilz l'eussent peu et deu faire, suyvant ce (jui enavoit esté ordonné par Sa Ma^é sur la requestea elle présentée le., jour de., mil cinq centz soixante et unze et dernier passé, par lesd. habitans de Loches; mais ont lesd. commissaires tellement surchargé et mis bas lesd. habitans et communitté, tant en gênerai que particuUier, que leur est impossible y obeyr, sinon qu'ilz veuUent abandonner lad. ville et leurs biens, comme lesd. commissaires et leur recepveur en contreignent plusieurs de ce faire, pour les grandes, insupportables et extrêmes rigeurs dont ilzont usé et usent contre lesd. habitans et communitté dud. Loches sans légitime occasion; et lesd. susdites rigeurs sont et proceddent en ce qui s'ensuit :

Premièrement, qu'ilz ont voulu et veullent contraindre lesd. habitans et communitté a rendre compte de bled et farine et coucher en recepte treize boisseaulx de farines et blés pour douze boisseaulx de bled receu, se fondans sur la rigeur de la coustume du pais de Touraine, laquelle est plus tost comminatoire, estans les meusniers coustumiers de malverser, que faicte pour estre en ce regard observée; et est telle qu'il n'y a sy diligent père de famille.

36l» LOCHES AU XVl^ SIÈCLE

ne femme sy avarisieuse ou bonne mesnaig'ere, qui l'aye peu [ou puis]se faire observer ne rendre parles [meusniers] la farine a ceste raison. Qui est le p[remier et| plus grand g-rieffaict par lesd. commissaires [ausdictsj habitanset communitté de Loches, lesquelz n'ay [ansj en temps de paix observé ne veu observer te[lle] rig-eur contre les meusniers, ne l'ont observée, et ne s'observe en sy mauvais et tel temps de guerre et tant turbulent. Et quant ilz eussent voulu faire, ne l'eussent peu, tant pour n'avoir onques telle rigeur de coustume esté observée, que pour la petull[ance] et celleritlé en quoy ilz estoient contrainctz et reduictz [par les] commissaires ge[]er;tulx des vivres estanslors aud. Loches, et par les commis, precipitans au possible ; et laquelle ordonnance des dictz commissaires de rendre treize pour douze, tourne a grand nombre et conséquence fort parnicieuse ausd. habitans et communitté, ayant esgard a la grande quantité de bledz mis et recuilliz aud. magazin de Loches, la communité dud lieu n'a vaillans a peu près dud. douziesme, et ne le sauroyt porter ; de manière que ce luy est un giief insupportable.

Dont et duquel resuite le second grief, encore plus insupportable. C'est assavoir que lesd. commissaires, ayans par ce moyen rendu lesd. habitans particulliers et communitté grandement receignataires et redebvables de farines, huic malo magno pessime addiderunt qu'ilz n'ont seuUement vouUu rendre lesd. habitans particulliers et communitté de Loches redebvables desd. farines, qui n'eussent peu estre appressiees que a quarente ou cinquante solz le septier, mesure de Loches ; mais pour les faire revenir a pris trop plus excessif, en ont par leurs charges, additions et apostilles aux estatz et comptes, faict convertissement en pain de munition, qu'ilz presuposent estre tout deu provenir de la plus chère année mil v^ soixante neuf, combien que le tout, ou la plus grande part, procedde de la bonne année mil v^ soixante huict; etsoubz ce prétexte eulzmesmes apprécient led.pain a cinq deniers pièce, et en rendent lad. communitté reliquataire en deniers a ceste raison, revenans a bien grosses sommes de deniers tant contre lad. communitté que contre quasi tous les particulliers d'icelle commis a la recepte et garde des bledz,

farines et pains de munition dad. mag^azin de Ijoches Lesquelz et les principaulx habitans d'icelie ville, pour fuir les contrainctes du recepveur, desd. commissaires et des serg-ens, ont esté et sont contrainctz s'enfuyr et absenter de leurs maisons et de lad. ville, n'ayans en aulcune chose faict faulte au service du Roy, ne malversé en Tadministracion desd. bledz, farines, pains d icelle munition, que lesdicts commissaires font, par le moyen dud. convertissement et apreciation, revenir a la somme de soixante et dix solz pour le pain de chascun septier de farine, contre tout droict et raison.

Le troisième grief, aussi grand [et insupportable], est que dud. mag-azin fut par command[ementexpresj de messieurs Tessiers et Deciste, commissaires generaulx des vivres, estans lors aud. Loches, baillé, [forni et] délivré grande quantité de farines a Gilles [Thibauld] et Pierre Audri, bouUangers du camp du Roy, comme [apert] par les recepicez d'iceulx bouUangers, montans au nombre de vingt huict ou vingt neuf muydz, vaillans plus de deux cens septiers, dont lesd. habitans et comnmnitté de Loches et ofliciers dud. lieu, qui n'ont onques congneu lesd. bouUangers, ne les ont receuz a tel service et ne scavent s'ilz sont solvables, n'ont eu commandement sur eulx et ne [les ont] soubz leur pouvoir ou jurisdiction, n'en s[ont] ne doivent estre responsables; et touteffois par Testât ou compte ausd. commissaires rendu par lesd. habitans, lesd. sieurs commissaires chargent lesd. habitans de tout le pain de munition qui est provenu ou deu provenir de toutes lesd. farines baillées et délivrées ausd. boullangers du camp du Roy, qui en ont rendu ou deu rendre compte aux commissaires generaulx des vivres, leurs maistres, par les commandemens desquelz commissaires generaulx, lesd. boullangers du camp ont baillé et délivré leur pain aux maistres et cappitaines ou conducteurs des quessons, et aux commis desd. commissaires generaulx, sans en avoir par lesd. boullangers du camp baillé aux habitans de Loches ne mis en magazin dud, lieu aulcuns pains, synon quelque petite quantité qu'ilz y laissèrent, l'ayant de reste, lorsqu'ilz s'en allèrent avec le camp se departens dud. Loches ; et de laquelle quantité resté aud. magazin

lesd. habitans en ont voullonlairement rendu compte ; mais du surplus ont dict etsoustenu n'en estre comptables, et que c'est ausd. boullangers du camp et ausd. commissaires generaulx des vivres a en compter, ensemblement en adviser par lesd. commissaires g-eneraulx a en faire recepte par iesd. boullangers, ainsi qu'ilz verront estre alîaire par raison ; et neantmoings ont Iesd. sieurs commissaires sur la recherche des levées extraordinaires, chargé lesd. habitans et communitté de Loches de tout le pain entièrement que lesd. boullangers du camp debvoient avoir faict dudict grand nombre de farines a eulx deliArees du magazin de Loches, comme dict est, et encores non a pris de farines, mais au pris du pain et a lad. raison de cinq deniers pièce, revenans a grande somme de deniers, que lesd. habitans de Loches n'y ayans malversé ne sont tenuz et ne scauroient payer.

A esté faict en oultre ung aultre et quatriesme grief évident ausd. habitans particulliers et communitté, en ce que lesd. habitans ayant esté chargez par lesd. commissaires generaulx [des vivres] de grande quantité de pain dont gr[ande partye] s'est depery, pourry, gastéetmoizy,et [aultre] aestéjectéen l'eau et abandonné [comme] ap[pert par] visite et procès verbaulx de ce faict par les officiers du Roy sur le faict de la justice [et les] maire et eschevins dudict Loches, lesd. sieurs commissaires de la recherche des levées extraordinaires, en proceddant a l'audition des estats et comptes dud. magazin de Loches, ont chargé les comptables du pais dud. pain gasté, pourry, jecté et abandonné, a pris d'argent comme s'il eust esté bon et vénal,

Encores ont lesd. commissaires faict aultre etcinquiesme grief oullrageux ausd. habitans et communitté, en ce qu'ilz n'ont voulu croyre les essays faicts aud Loches, soit pendant la guère et camp y estans, ou en aultre temps, pour les roUes, affin de congnoistre et scavoir en vérité combien de pains ont deu provenir et estre renduz de chascun septierdè bled ou de farine ; mais, de leur propre mouvement et authorité, ont ordonné estre rendu et ont chargé lad. communitté de rendre neuf vingtz pains de munition, du poix de douze unczes, bien cuyt et rassis, pour chascun septier de farine, qui est vingt deux pains et demy dud. poix pour chas-

cun boisseau, mezure de Loches, a laquelle y a huict boisseaulx pour septier et douze septiers pour muy, combien que, par essay faict a ceste fin pendent la guerre, s'estoit veu que de chascun boisseau de farine debvoit seuUement procedder dix huit pains dud. poix, et que le bouliang'er y auroit perte s'il en rendoit vingt pour boisseau, qui seroyt seullement huict vingtz pour septier. et dont la vérité peut seuUement estre congneue par nouvel essay, sans charger une sy paouvre ville et commiinitté d'une sy grande consequance de neuf pour huict, ou pour moings que huict.

Ont aussi lesd. commissaires faict aultre et sixiesmc g-rief ausd. habitans et communitté, de ce qu'ilz ont rayé a Baptiste Guerin, l'un des habitans qui avoit esté commis a la recepte des deniers, ordonnez estre levez sur l'ellection dud. Loches pour le payement et solde de la compaig-nie et g"ens de pied levez et mis en g-arnison aud. Loches, la somme de trois cens livres, dix solz tz ; laquelle estant ja levée, avoyt, par l'advis de plusieurs des officiers du Roy et principaulx habitans de lad. ville, esté par led. Guerin payé ausd soldatz pour le demy mois, lorsqu'ilz furent licentiez par mandement du Roy après l'eedict de la pacifficacion ; ayans lesd. officiers et habitans donné led. advis pour deux raisons grandement considérables : l'une que les gens de pied sont par les ordonnances du Roy payez pour servir et que le mois estoit ja commencé, et l'aultre, affin qu'ilz se retirassent en doulceur tant de lad. paouvre petite ville que du plat pais, ainsi n'y avoit moyen de leur résister, sy pour ung- malcontentement [pour la] paye a eulx deue et dont les deniers estoient ja levez, ilz s'en fussent allez mal [contens] et animez comme ilz estoient, et se vent[oient] faire beaucoup de choses si on ne les pay[oit,] disans aussi que tout le mois leur estoit deu parcequ'il estoit commancé ; et toutelfois a esté par lesd. commissaires rayé lad. partie a Guerin recepveur, avec ordonnance a luy donnée de pouvoir recepvoir lad. somme de troys cens livres, dix solz, sur lesd. officiers et habitans qui ont donné seulement led. advis, et n'en ont onques veu ung seul denier, synon quand ilz en ont portés leurs coctilez a la levée desd. deniers, faicte sur eulx comme sur tout le reste de lad. ellection de Loches.

Plus ont lesd. commissaires rayé et n'ont vouUu allouer ce qui a esté en pain, vin et viande, forny et baillé aux deux compaig-nies de monsieur le comte de Martinangues, lesquelles, auparavant que le camp arrivast aud. Loches, furent envoyez par Monseigneur, frère et lieutenant gênerai du Roy, pour y tenir garnison en attendent led. camp ; et ausqueliescompaignies furent, par l'estatqui en fut faict et baillé ausd. habitans par le sieur de Menou, lors gouverneur ou lieutenant pour le Roy aud. Loches, baillez et délivrez lesd. vivres en pain, vin et viendes, comme apert par led. estât dud. sieur de Menou, de luy soubz signé, par les quictances signées de deux notaires royaulx ; qui est le septiesme grief faict ausd. habitans et communitté de Loches par lesd. sieurs commissaires, oultre beaucoup d'aultres qui ne sont de sy grande conséquence que les dessusdictz.

A toutes lesquelles choses lesd. paouvres habitans et communitté supplient la Maiesté du Roy, et Monseigneur, et noz seigneurs de leur Conseil, avoir esgard et pitié, et en ce faysant leur remettre et quicter lesd. recherches desd. commissaires, et ordonner que toutes exécutions, mandemens et contrainctes seseront, et de par les commissaires pour arrester lesd. fraiz et despens desd. supplians, et pour, la taxe et liquidation faicte, leur estre pourveu de voz begnines grâces, ainsi que verrez estre a faire.

Le jeudy, dixiesme jour d'avril, mil cinq cens soixante et douze, nous Pierre Pillet [maire] de lad. ville et communité de Loches, et Jean de la Rebertiere, greffier d'icelle ville et communité, avons signé les presens mémoires de nos propres maings, suyvant l'assemblée tenue par devant monsieur le lieutenant gênerai audict Loches, ce dict jour.

P. PiLLET, a présent maire.

De la Rebertiere, greffier de la ville et communité de Loches.

(Loches, E E 6.)