Commission pour la Roche-Bertauld

Paris, 3 décembre 1572,

Charles, par la grâce de Dieu roy de France, a nostre cher et bien amé le sieur de la Roche Breteau et du Gaymenier (1), salut. Desirans pourveoir a la seuretté et conservation de nostre chasteau de Loches, pour la conséquence et importance dont il est, nous avons choisy, commis et deputté, choisissons, commectons et depputons par ces presantes pour, en l'absence, maladye ou empeschement du sieur de la Menardiere, commander en nostre dict chasteau de Loches et pourveoir a la garde et seuretté d'icelluy, ainsy que ung- bon cappitaine doibt et est tenu faire pour le bien de nostre service, repoz et asseurance de noz subjectz, selon la fiance que nous en avons en vous, vous mandant et ordonnant a ceste fin lever ou faire lever douze soldatz, gens de guerre a pied francoys, pour leur garnison en nostre dict chasteau, ausquelz vous ferez faire

(1) Voir p. 119, note 1.

bon g"uet, et commanderez et ordonnerez ce qu'ilz auront a faire pour la seureté d'icelluy ; chascun desquelz aura, de solde, paie et entretenement, la somme de sept livres tz par chascun moys, qui leur sera paie, suyvant les monstres qui en seront faictes, sur les deniers qui seront a ceste fin imposez, assis, mys et levés, sans aulcuns fraiz ny plus g^rande somme que ce a quoy se monstera ledict entretenement, sur tous les manans et liabitans de nostre ville et faalxbourgs de Loches, de quelque estât, quallité ou condition qu'ilz soient, sans nul excepter, le plus justement et esgallement, et a la moindre fouUedu peuple que faire ce pourra, le fort portant le foible (1), et ce par noz chers et bien amez les elleuz sur le faict de nos aydes et tailles en l'ellection dudict Loches, noz officiers appeliez, que a ce faire avons commis et depputez, commectons et depputtons par ces dictes presantes, et ausqueulz elleuz nous mandons et ordonnons ainsy le faire, et de contraindre tous ceuJx desdictz manans et habitans do lad. ville et faulxbourgs qui y auront esté cottisez a en paier chascun leurs cottes et portions, par les voyes de contrainctes requises et accoustumees en tel cas, nonobstant oppositions ou appellations quelz conques, et les quelles, attendu qu'il est question du bien de nostre service et conservation des ditz habitans, ne voulions eslre différé. Les deniers de laquelle levée seront mis es mains de quelque bon, notable et solvable bourg-eois, qui en rendra bon compte par devant lesdictz elleuz, nos dictz officiers appeliez ; n'entendant touteffois l'entretenement et paiement desdictz douze soldatz et levée desdictz deniers de leurd. solde, avoir lieu et estre continué plus long-uement que jusques au premier jour de janvier prochainement venant ; après lequel temps l'effect de nostre dicte commission cessera. De ce faire vous avons et ausdictz elleuz donné et donnons plain pouvoir, jjuissance, auctorité, commission et mandement especial, mandons et commandons a tous noz justiciers, officiers et subjectz que a vous et a eulx en ce faisant soit obey. Donné a Paris, le troisième jour de septembre, l'an de grâce mil cinq cens soixante douze, et de nostre règne le douziesme.

(1) Voir une délib. du 8 décembre 1572 {Loches, F. 75).

396 LOCHES AU XVr SIKCLE

Ainsi signé : Par le Roy, Pinart, et sellé du grand scel de cire jaulne en simple queue.

iLoches. 0 2.)