Exactions de la compagnie de Gossê
Loches, 18 novembre 1573.
(Délibération du 18 novembre 1573, tievant J. Bareti... Et ledict jour en lad. assemblée, ledict M® Denis Boisseau a remonstré que aulcuns des gensdarmes qui estoient cydevant en garnison en ceste ville, de la compagnye de monseigneur le mareschal de Gossay, estoient allez, les jours de lundy et hier, en l'une de ses mestairies près les Helas (1), avoient vescu a discrétion et rompu ung coffre, et qu'ilz estoient encores sur led. champs, vivans a discrétion. Laurens Allabré, sergent de Gormery, a pareillement remonstré que ce jourd'hiiy, passant par Azay sur Yndre, luy a esté dict que aulcuns desd. gens d"armes avoient faict brusler Tune des mains de la chambrière du curé ou vicaire dudictlieu et vescu a discrétion, et que ceulx qui estoient a Gormery faisoient le semblable. Aussi ont esté faictes plusieurs aultres plainctes par lesd. assistans. Au moyen de quoy, nous avons mandé le cappitaine Manerbe, mareschal des logis de la dicte compaignye, et le fourrier, lesquelz a l'instant se sont comparuz ; auxquelz nous avons remonstré ce que dessus, et que par les ordonnances du Roy estoit défendu aux hommes d'armes, archers et aultres gens de guerre, de vivre a discrétion, et mesmes que par l'establissement de la garnison faict en ceste ville, estoit porté et expressément enjoinct ausdictz hommes d'armes et archers de vivre de gré à gré, enjoignant audict mareschal de pourveoir a ce que dessus et y donner ordre, aultrement que nous en ferons remonstrance vendredy prochain, a monsieur de Prye, lieutenant pour le Roy en ce pays et duché de Touraine, au lieu de Tours, auquel il nous a mandez pour oyr les plainctes et doléances du peuple de
(1) Sur la commune de Chambourg, près Loches.
ce dict pays, suivant les patentes du Roy. Lequel Manerbe nous a faict response pour les dessusdictz qu'il ne scavoit que y faire, et que les dic!z hommes d'armes et archers qu'il avoit mis en garnison en cested. ville, avoyent laissé la garnison sans son sceu, et s'en estoient allez tenir les champs; mais que si on luy voulloit bailler le prevost des mareschaulx de ceste ville, il l'accompagnera pour parler a eulx et faire informer des malversations desd. hommes d'armes et archers tenans les champs, et qu'il en advertiroit monseig"neur le mareschal de Cossay, gouverneur de ce pays, leur cappilaine. A l'instant s'est comparu Pierre Ribot, lieutenant du prevost des mareschaulx en ceste ville de Loches, botté et esperonné, qui nous a dict avoir assemblé sa compagnye pour aller informer, et qu'il estoit prest d'y aller; auquel nous avons enjoinct aller avec led. Manerbe es lieulx ou lesd gens d'armes sont de présent, et informer deuement des larcins, pilleryes et exactions quilz ont faictes et font sur le pauvre peuple, vivans a discrétion et sans payer aulcune chose, et qu'il en rapporteroit son procès verbal et information.
Lecture a esté faicte des lettres missives de monseig'neur de Piye, en datte du seiziesme de ce présent moys, adroissantes aux officiers du Roy, maire, eschevins, manans et habitansde cested. ville, par lesquelles il mande ausdicts... d'eulx assembler pour eslire et envoyer gens en la ville de Tours, demain, pour là trouver led. seigneur et luy faire les remonstrances, plainctes et doléances, si aulcunes ilz ont a faire pour ce pays et ressort de Loches, afin de les faire entendre a la Majesté, suyvant lesquelles les dessus dictz assemblés nous ont nommé, et Pierre Pillet maire de la dicte ville, avec pouvoir spécial de faire lesd. remonstrances et doléances pour ceste ville et les habitans dud. ressort et eslection, et pour droisser lesdictes plainctes et doléances et icelles signer; et aestéadvisé a tous ceulx de lad. ville qui vouldront bailler mémoires pour les dictes plainctes et doléances, faire le pourront et y seront j'eceuz (1)...
(Loches, F 77.)
(1) Une députation était partie de Loclies, le 8 novembre, pour
