Le Roi a E. de Prie

Reims, 19 février 1575.

Monsieur de Prye, j'ay esté bien ayse d'entendre par vostre lettre du dernier de janvier, que toutes choses sont de vostre costé en bon estât, auquel je m'asseure bien que vous avez faict tout debvoir de les mainctenir, et que vostre vigilence les y a si bien entretenues, et pour ce que je cog'noys estre nécessaire de continuer les garnisons de soldatz qui ont esté cy devant ordonnez es chasteaulx d'Amboyse, Loches et Lodun, j'ay faict renouveller les commissions qui ont esté cy devant depeschees pour leur payement, lesquelles je vous envoyé présentement. Et quant au chasteau du Chastelier (1), ou vous dictes que

(1) Voir p. 129, note 2. Il paraît que peu de temps après le culte

VOUS avez pris ung gentilhomme avecq quatre ou cinq soldatz, il fault que le dict chasteau se garde aux despens du seigneur a qui il appartient, sans que j'entre en la despence de l'entretenement. Au surplus, pour le regard de ce que vous desirez vous en venir a Paris pour y vacquér a quelques aiïaii'es que vous avez, c'est chose que j'auray bien agréable, pourveu que vous cognoissiez que vostre absence de vostre dict gouvernement n'y puisse porter aucun préjudice au bien de mon service ; priant Dieu, monsieur de Prye, qu'il vous aye en sa saincte garde. Kscript a Reins, le xix'^ jour de février 1575.

Gomme je vouUois signer ceste lettre, je me suis advisé de vous dire que je seray bien ayse que vous actendez a partir jusques a ce que vous ayez de mes nouvelles quant je seray arrivé a Paris, qui sera dedans peu de temps.

Henry

Brulart.

Monsieur de Prie, chevallier de mon ordre, mon lieutenant gênerai au gouvernement de Touraine.

(Bibl nat../r. 331G, f" 13.)