Lettres rétablissant cinq archers DE LA Prévôté
Vincennes, mai 1574.
Charles, etc., a nostre amé et féal conseiller le gênerai de nos finances en la charge et g'enerallité de Langue do [il], establye a Tours, salut. Nous avons cy devant, pour la seuretté et conservation de nostre ville et chasteau de Loches, et empescher que ceulx de la nouvelle opinion qui ont pris les armes contre nostre service et aucthorité ne s'en puissent prevalloir, voullu et ordonné que cinq des archers qu'avoit le lieutenant de noz amez et feaulx cousins les mareschaulx de France, estably audict Loches, feussent mis dedans le chasteau dicelluy lieu pour, le garder, et que a ceste fin retranchement fust faict audict lieutenant dudict nombre d'archers, ou a tous le raoings, que les deniers provenans d'icelluy retranchement, feussent convertiz et employez a la solde et entretenemeiit de morte paies ou porturez (1) nécessaires pour la dicte garde, ainsi qu'il est porté par nos lectres patentes du xj décembre dernier passé, que nous en fismes addresser a nostre amé et féal cousin, le sieur marquis de Villars, admirai de France ; estimant, en ce faisant, asseurer ledict chasteau, et par mesme moyen souUaiger nos subiectz justiciables dudict lieu de Loches. Mais, il nous a esté depuis remonstré en nostre Conseil privé, qu'il est du tout impossible audict lieutenant de faire le service qu'il est tenu faire en son office, avec cinq archers qui luy restent seullement après ledict retranchement faict de pareil nombre ; attendu la grande estandue du pais, ressort, eslection et magazin dudict Loches, et estandue de la jurisdiction d'icelluy lieutenant ; et par ce moyen, ne peult reprimer,
réclamer l'éloignement de la compagnie de Cossé. Elle rencontra le maréchal près de Thouars.
(1) Les « morte-paies » étaient des vétérans, ciiargés de la garde d'un château. Le nom de « porturez », qui n'est pas de la langue usuelle, désigne probablement les gardiens des portes.
comme il souloit, les volleries et pilleries qui se font chascun jour, dont nos dicts subiects recoipvent beaucoup plus de porte et incommodité quilz ne font de souUaigement du dict retranchement ; et ainsi qu'il nous a esté tesmoigné et asseuré par le dict sieur de Prye, chevallier de nostre ordre et nostre lieutenant g-eneral au gouvernement de nostre pays de Touraine, et le recongnoissent et confessent les officiers et habitans du dict pays ; au moyen de quoy, le dict lieutenant de nos dicts cousins les mareschaux de France, establiz audict Loches, nous a très humblement faict supplier et requérir remettre ses dicts archers au nombre quils estoient auparavant ledict retranchement, et luy octroyer noz lectres pour ce nécessaires. Pour ces causes et autres a ce nous mouvans, desirans aussi pourveoir a ce que nosdicts subiects du ressort de l'eslection du dict Loches, soient soulagés et délivrez de toutes foulles et oppression, et leur faire administrer prompte justice, de l'advis de nostredict Conseil, nous avons dict et declairé, disons et declairons par ces dictes présentes, voulions et nous plaist, que ledict lieutenant de nosdicts cousins les mareschaulx de France, ait et repreigne avec luy le mesmes nombre de dix archers, et quilz soient paiez et stipendiez de la mesme nature de deniers, levez et ainsi qu'ilz estoient auparavant ledict retranchement, que le dict lieutenant fera ce quil doibt et est tenu pour nostre service et le deub de sa charge, suivant noz ordonnances, en son dict territoire, ressort et jurisdiction ; en quoy faisant, nous avons revocqué, cassé et annullé, revocquons, cassons et annulions par ces dictes présentes, nos dictes lectres du xj décembre dernier passé, faictes pour le dict retranchement, lesquelles, nous ne voulions sortir a aulcun effect, ains en tant que besoing est ou seroit, avons remis et restably, remectons et restablissons ledict nombre de di^ archers audict lieutenant, et les choses pour ce regard au mesme estât qu'elles estoient auparavant icelluy retranchement, ayant advisé de mectre dans nostre dict chasteau de Loches, pour la garded'icelluy, le nombre de dix soldats au lieu desdits cinq archers retranchez. Si voulions et vous mandons que de noz présents déclaration, vouiloir et intention vous faictes ledict lieutenant, tant pour le présent que
pour l'advenir, joyr et user plaintraent et paisiblement, cessans et faisans cesser tous troubles et empeschemens au contraire, et en ce faisant, faictes paier les deniers levez pour la solde et entretenement d'icelluy lieutenant, son g-reffier et dix archers, par le recepveur de noz tailles audict lieu de Loches, en la manière accoustumee, sans qu'ilz soient employez a autre eiïect. Et en rapportant par ledict recepveur la coppie deuement collationnee de ces présentes, pour une foys seullement, avec les roolles des monstres qui en seront expédiez comme dict est, et quictances des parties prenantes, ladicte somme sera passée et allouée es comptes dudict recepveur par noz amés et feaulx les g^ens de noz comptes, ausquelz nous mandons ainsi le faire sans difficulté, ce nonobstant nos lectres du xj décembre dernier passé, oppositions ou appellations quelzconques. lettres impetrees ou a impetrer, restrinctions, mandemens et deffences a ce contraires, pour lesquelles ne voulions estre différé et ausquelles nous avons dérogé et dérogeons par ces dictes présentes. Donné au bois de Vincennes, le.. .. jour de may 1574,
(Bibl. nat.,/>-. 5285, f 222, v.)
