Prépar.\tifs pour l'entrée dp: François de Valois

Loches, 29 septembre 1577.

Ce jourdhuy, en l'assemblée tenue a la requeste du procureur du Roy et de Monseig'neur, et du procureur des raanans et habitans de la ville et communitté de Loches, pour ce que les dictz habitans doibvent faire a la venue de mondict Seigneur, qui sera demain comme l'on espère, a esté advisé, en la présence et par l'advis de monsieur le portemanteau (1), lieutenant de mondict seig-neur l'admirai au chastel dudict Loches, presant le maire eteschevins, et aultres habitans dudict Loches cy après nommez, et au deffault des aultres habitans appeliez a ceste fin par Solené Fleury, clerc de la ville, ce qui s'ensuit :

Que les officiers du Roy et de mondict Seigneur, et bon nombre d'advocatz, procureurs et aultres g-ens de justice, le maire, eschevins, avec bon nombre de bourgeois et marchans tant de la ville que des faulxbourg's, se trouvent en bon ordre et équipage au carrefour de ceste ville de Loches, au premier son du tabourin ou trompette, pour de la aller trouver mondict Seigneur au lieu ou il sera advisé.

Qu'il y aura cent liarquebusiers et halebardiers pour le moings, prins et choisiz desdictz manans et habitans, dont y en aura cinquante a la première porte, de la Potterie (2), et aultres cinquante au portail des Gbrdelliers, lesquelz

(1) Chicot.

(2) La Poterie, près de la porte Poitevine. D'après les dispositions prises, on voit que le duc François, qui arrivait du Poitou, devait entrer dans la ville par la Poterie, et en sortir par le portail des Cordeliers pour continuer sa route vers Paris.

harquebusiers et halebardiers se metleront en bon equipaige pour faire honneur audict Seigneur, lesquels arquebusiers chargeront seullement leurs arquebuses de bourre ou pappier.

Seront mises les arquebuses a crocq de la vilie, des portaulx et tours d'icelle, es lieux et endroictz les plus propres, et les grandes pièces au petit fort Sainct Ours dudict Loches, es lieux et endroictz les plus convenables ; lesquelles g-rosses pièces et arquebouses a crocq seront chargées sans baulles.

Que les harquebousiers qui seront a la porte de la dicte Potterie tireront tous ensemble, sy faire se peult, incontinent que mondict Seigneur sera entré dans ladicte Potterie; elles aultres arquebousiers, qui seront audict portail des Cordelliers et ceulx qui auront la charge de tirer les grosses pièces et arquebouzes a crocq, tireront sy tost que mondict Seigneur aura passé l'église des Cordelliers.

Et pour ce faire, ledict sieur portemanteau a accordé qu'il soict prins audict chastel de Loches le nombre de dix livres de pouldre et trente livres pour les pièces qu'il conviendra audict lieutenant du chasteau pour faire tirer pour la bienvenue du dict Seigneur, le tout revenant a quarente livres.

Et que lesdictz maire et eschevins présenteront la collation du pain, vin, fruicts, pièces de four et aultres honnestetez qui se pourront recevoyr. dont le procureur de ville fera les fraiz; lesquelz fraiz luy seront arrestez par le maire et ung ou deux des eschevins, et en ce faisant lesdictz fraiz luy seront ellouez en ses comptes... (1).

Donné à Loches, par nous Nicollas Sauvaige, licencié es loix, juge ordinaire de la prevosté royal dudict Loches, pour l'absence de monsieur le bailly de Touraine et de messieurs les lieutenans g-eneral, criminel et particullier audict lieu, le dimanche vingt neufiesme jour de septembre. Fan mil cinq cens soixante et dix sept.

(Loches, F loo.)

(1) Suivent les noms des assistants, qui sont au nombre de vingttrois.

pièces justificatives 421