François de Valois a Villârs

Angers, 24 mars 1578.

Mon cousin, estant le sieur de Fontpertuys letourné vers le Roy Monseigneur, ou je l'avois envoyé .pour certains négoces, et entre aultres pour le prier de vous bailler vostre descharg-e nécessaire de la remise que vous ferez en mes mains, ou de celluy qui vous sera nommé de ma part, du chasteau de Loches, il m"a asseuré, comme aussi le Roy mond. Seig"neur le m'a escript, que les expéditions vous en avoient este envoyées; qui est cause que je vous despesche ce porteur exprès pour vous en donner advis, affm aussy que quant celluy que j'envoyeray par de la pour prendre possession dud. chasteau, il ne face le voiaig'e a faulte, mais soit asseur-é d'y entrer, comme telle est la volunté du Roy mondict Seig'neur, joinct que la mienne est conforme que je deppute tel cappitaine qu'il me plaira pour la garde dudict chasteau. Et sur ce, je prie Dieu, mon cousin, vous avoir en sa sainte et digne garde. Escript a Angers, le KKiiu" jours de mars 1578.

Mon cousin (1), ie vous prie n'user de longueur a remettre le chasteau de Loches es mins de celuy que i envoyeray, parce que le Roy m'ayant acordé quelques soldatz que ie faiz lever, il ne seroyt raysonnable quilz tinsent les champs, coume ilz feroyent si usiez de remise a la restitution.

Vostre bon cousin

Françoys.

Mon cousin, monsieur le marquis de Villars, admirai de France.

(Bibl. nat.,/r. 3383, f^46.)

51. — Remise de Loches a François de Valois Loches, 19 et 20 avril, l'^-' mai 1578. .Le sabmedy, dix neufiesme jour d'avril mil cinq cens

(1) Ce P. S. est de la main de Monseigneur.

soixante et dix huict, Jacques de Sainct Jullian, escuier, sieur de Narbonne, maistre d'hostel et lieutenant des gardes de Monseigneur, a baillé a nous, Anthuine Dallonneau, conseiller du Roy et de mond. Seigneur, et lieutenant particulier et assesseur audict Loches, le lieutenant gênerai dud. Loches absent, [aussi absent] Claude de Geriziers, aussi cons"" duRoy et de Monseigneur, et lieutenant criminel audict Loches, une lettre messive de mondict Seigneur, suscripte en ces motz : « A messieurs de la justice, maire et eschevins de ma ville de Loches. »

Et luy avoit mandé les advocat et procureur du Roy et de mond. Seigneur, le juge de la prevoslé dud. Loches, l'enquesteur ; et faict venir en la maison de ville Gilles Robin maire et eschevyn, Guillaume Quantin aussy eschevyn et procureur et recepveur de lad. ville et communité, et les autres eschevyns de lad. ville, plusieurs des principaulx manans et habitans, et mesmemont les vénérables M''* prieur, Gaspart Daresses et Anthoine de Raraudin, chanoynes prebandez en l'église Nostre Dame du chasteau dud. Loches, en présence desquelz a esté faict communication desd. lectres, dont la teneur s'ensuict :

« De par Monseigneur. Chers et bien amez, nous envoyons présentement par devers monsieur l'admirai de Savoye, le sieur de Narbonne, nostre maistre d'hostel et lieutenant de nos gardes, avec charge et pouvoyrde recepvoir dudict sieur admirai, pour nous et en nostre nom, nostre ville et chasteau de Loches, dont il estoyt nagueres gouverneur, de quoynous vous avons bien voullu advertir, et vous mander par la présente de faire bon et loial inventaire de tous noz meubles, ustancilles, munitions de guerre et aultres choses qui se trouveront dedans led, chasteau, et les baillerez en garde audict de Narbonne, qui se chargera d'en rendre bon compte quant il sera ordonné. Partant n'y faicles faulte; car tel est nostre plaisir. Donné a Angers, le quinziesme jour d'avril mil cinq cens soixante dix huict. Signé : François, et au bas : Debones. »

Aussy nous a led. sieur de Narbonne présenté en lad. assemblée une lettre patente et commission de mondict Seigneur, de laquelle la teneur s'ensuict :

« François, filz de France, frère unicque du Roy, duc

d'Anjou, d'Allansson, Berry et Toiiraine, a nostre amé et féal conseiller et maistre d'hostel ordinaire, le s"" de Narbonne, lieutenant de noz gardes, salut. Gomme il ayt pieu au Roy, nostre très honoré Seig-neur et frère, ordonner les ville et chasteau de Loches estre mis es mains de ceulx qui y seront par nous establiz pour y commander avec telles forces que verrons bon estre pour la conservation et seuretté desdictes places, pour lesquelles recepvoir de ceulx qui y sont de présent, soyt besoing- commectre certain personnag'e a nous sur et fiable, et ne pourroit pourcest effect faire meilleure ellection que de vostre personne, pour la preuve et asseurance que nous avons de voz vertuz et fidelitez a nostre service, nous vous avons commis, ordonné et depputé, commectons, ordonnons et depputons par ces présentes sig-nees de nostre main, pour vous transporter es dictes ville et chasteau de Loches, pour iceulx recepvoir de nostre très cher et bien amé cousin l'admirai de Savoye, ensemble toutes les munitions de g'uerre qui sont et ont acoustumé d'estre esd. ville et chasteau, par bon et suffisant inventaire, et le tout mettre en bonne et seure garde, comme verrez et cong'noistrez estre nécessaire pour nostre service, selon l'entière et très parfaicte confiance que nous avons de vous; mandant et enjoingnant très expressément a tous noz justiciers, officiers, maire et eschevins, manans et habitans desd. ville, et aultres qu'il apartiendra, que a vous en ce faisant ilz obéissent et facent obeyr, et entendre delig-emment des choses touchant et concernant vostre dicte charg-e et commission, circonstances etdeppendances d'icelle, prêtant et donnant conseil, confort et ayde, sy mestier est et requis en sont. Donné a Ang-ers, le quatorziesme jour d'avril mil cinq cens soixante et dix huict. Signé : Francoys, et plus bas : Par Monseigneur, Duboys » ; et sellé en simple queue, du grand sel de mondict Seigneur en cire roug'e.

Lequel sieur de Narbonne a requis et sommé toute l'assistance de luy faire response desdictes, le jourdhuy, par lesd. assistans, de la voulunté desd. officiers de la justice, maire et eschevins, et habitans de lad. ville, pour le faict cy dessus concernant sa charge et commission.

Et estant ledict sieur de Narbonne sorty de lad. assem-

424 LOCHES AU XVr SIÈCLE

blee, a esté en icelle délibéré et conclud par tous les assistans, pour tout le corps des officiers de la justice, maire et eschevins, manans et habitans de lad. ville, faulxbourg-s et communité, c|ue nous, lieutenant particulier, lesd. advocat et procureur du Roy et de Monseigneur, Gilles Robin maire, Quantin eschevyn et procureur et recepveur de lad. villeetcom.munitté, Jacques Boissimon, Pierre Pillet, René Guerin, Ursin Touchelles et Sebastien Clavier qui sont tous les eschevyns, nous transporterons par devers mondict sieur de Narbonne, et luy déclarerons que nous, et tous les manans et habitans desd. ville et faulxbourg-s et cominunitté, sommes très humbles et très obeissans serviteurs et subiectz de mondict Seig-neur, et que nous sommes prestz d'obéir, en tant que ce nous touche et de tout nostre pouvoir, a ses mandemens et voulunlé, portez par sad. missive et par sesd. lettres patentes et commission. Et, de faict, nous sommes, les dessus nommez, transportez ledict jour par devers led. sieur de Narbonne, auquel avons faict la déclaration suyvante, suyvant la dicte délibération et conclusion faicte en lad. assemblée, et est ladicte lettre missive demeurée es mains dudict Quantin, procureur et recepveur, avec une coppye sig-nee de nostre greftier desd, lettres patentes et commission.

Et le lendemain, vingiiesme jour dudict moys oudict an soixante dix huict, nous lieutenant particulier susdict sommes, avec led. sieur de Narbonne, lesd. advocat et procureur du Roy et de Monseig-neur, Gilles Robin maire, Jacques Boissimon eschevyn, Guillaume Quantin aussy eschevyn et procureur et recepveur de lad. ville et communitté dud. Loches, et nostre g-reffier, Lois Guerin, Sebastien Clavyer, Pierre Pillet, aussy eschevyns de lad. ville et communitté, transportez au chastel dudict Loches, auquel, en présence de Anthoine Ang-lerays, portemantheau du Roy, lieutenant audict chastel pour monseigneur l'admirai cappitaine dud. chastel, a esté par nous faict inventaire, ce requérant ledict sieur de Narbonne et lesd. advocat et procureur du Roy et de Monseigneur, de ce qui a esté trouvé de meubles, pièces d'artillerye et munitions, oudict chastel, comme s'ensuyt :

Et premièrement, a l'entour du chastel, soubz le portai,

y a douze arquebuzes a crocq, et deux chargouers de grosses pièces.

Ou petit rang-, tendant du logis de Monseigneur aux jardins, a esté trouvé une pièce coullevryne avec ses roues ferrées, avec les trais, fustz et plateformes, ladicte coullevryne estant marquée en chiffres 1567 d'une part, et de raultrecosté2280 ; portant en harmoisies deux couUonnes, lyees dung lay d'amour et couronnées, et de quelques fleurs de liz et de lettres de C, et ayant de longueur de canon environ de dix piedz,et d'ouverture en gueuUe d'ung' doué ou environ.

Sur la petite tour près la chappelle Sainct Ours, y a une petite pièce de flancon de fer a boiste, ayant cinq pieclz de long sans [la] cullasse, et a laquelle cuUasse y a deux boucles de fer.

A la place de davant le donjon, a esté trouvé une aultre pièce d'artillerye, equipjiee et montée sur fustz et roues ferrées; a son atirail, fors qu'elle n'a de platteforme de boys, et est marquée 1568 d'une part, et d'aultre costé 2270, marquée comme l'aultre plus grande pièce susdicte, et de mesmes armoisies, et ayant de longueur environ de dix piedz; et a ied. Anglerays déclaré que lesd. esses et fustz de la platteforme de lad. pièce ont esté par luy faict mettre en une petite estable et escurye ; icelles près laquelle de faict ont esté présentement monstroz par luy, et par nous tous veues lesd. esses et fustz.

Ou donjon, en une chambre ou salle basse, a esté trouvé ung moulin a bled, equippé et garny de ce qui luy fault.

Ung gros pillon de fer, pezant trois cens ou environ.

Plus, dix chevallelz d'arquebuzes a crocq.

En une chambre haulte dudict donjon, appelle la Salle, a esté trouvé sept grandes arbalestcs ; trois vielles hallebardes ; une picque ; douze centienes pour charger grosses et petites pièces ; trois cens seize bouletz de fer, comprand ung qui est rompu, servant a coullevrynes.

A esté par ledict Anglerays, et Quantin procureur et recepveur de lad. ville et communitté, faict ouverture de la chambre estant la plus près de la Salle du donjon, en laquelle ont este trouvez: neuf quaquesde pouldres, enfoncées des deux quars; et quantité de picqs, pailles besses,

426 LOCFiES AU XVI^ SIÈCLE

tranches, hoUes, et houlletz d'harquebuzes a crocq, portez par l'inventaire qui en a esté cy davant faict par lesd. esieuz sur le faict des aydes et thailles en l'élection de Loches; desquelles inventairiees par led. portemanteau, led. Quantin a dict avoir este prins quarente livres employées a tirer les pièces lors de que mondict Seigneur passa par ceste ville, comme ledict Quantin a faict presantement aparoir par assemblée de ville du ving-t neufiesme Jour de septembre dernierpassé, etcertifficationdud. Angleraysduditjour ; et a déclaré ledictBoissimon,rung- des eschevins, que lesd. neuf quaques de pouidre feut, ou temps des troubles et lors que M" Jehan de Menou, chevallier de l'ordre du Roy, sieur dud. lieu de Menou, commendoit en ceste chastel pour l'absence de monsieur l'admirai, prises du mag-azin du Roy de Tours, et amenées pour munition en ce chastel, dont icelluy Boissimon et M' Jehan Boutin, huissier et clerc de lad. ville et communilté, s'en chargèrent aud. magazin et trésorier de salpaistres, pour les rendre et mettre audict chaste), comme de faict il les y firent amener et mettre.

Et, de faict, a este refermé la dicte chambre, dedans laquelle sont demeurées lesd. munitions, et sont trouvées quatre ciels, demeurées es mains dud. Quantin; et quant a aultre clef, est demeurée es mains dud. Anglerays. Et quant a toutes les aultres choses susd. cy-dessus inventairiees, sont demeurées es lieux comme elles estoient auparavant ledict inventaire; et a ledict Anglerays déclaré que audict chastel n'y [a] aucuns meubles de maison et ustancilles apartenans au Roy et a Monseigneur dont il aye congnoissance, et que, quand il entra audict chastel, qu'il n'en [a] trouvé aulcuns.

Suyvant lequel inventaire faict par lesd. esieuz, se trouve y avoir cent trente trois hottes, cent quatre vingtz trois tranches, quatre vingtz douze pailles, cent cinquante six picques, dont y en a partie de cassé et démanché.

Ce faict, ledict sieur de Narbonne a, par vertuz de son pouvoir, et commission qu'il a de mond. Seigneur cy dessus transcripte, sommé ledict Anglerays de luy mettre es mains pour mondict Seigneur, led. chastel et ville de Loches, les clefs dud. chastel, et les choses cy dessus

inventairiees. A quoy led. Anglerays a dict qu'il esl 1res humble et obéissant serviteur de Monseigneur, auquel il veult et entend obeyr, et se condesent a lad. sommation, pourveu qu'on luy baille descharge suffisante de mond. Seigneur et de monsieur l'admirai, lequel sieur admirai l'avoit mis et ordonné son lieutenant aud. chastel, etsoubz lequel il s'en estoictcharg-é. Ledict sieur de Narbonneadict que son pouvoir et commission est assez suffisant avec ce presant nostre procès verbal. Ledict sieur Angierays a dict qu'il ne se contente pas de telle descharge, et qu'il en veult avoir une aultre, plus ample, de mondict Seigneur et de mondict sieur l'admirai. Dont audict sieur de Narbonne avons octroyé acte de ce que dessus contenu par nostre proces-verbal, en présence des dessudicts cy après. Ainsi signé : de Sainct Jullian, Chicot et Dallonneau.

Et ledict jour, en présence des dessusd., et ce reciuis ledit sieur de Narbonne, a esté veu ce qui est de munitions et pièces en ladicte ville, apartenans a la dicte ville et communitté, c'est assavoir : vingt quatre harquebuzes a crocq, dont y en a une cassée en son canon. Dix fauconneaux, dont y en a ung- rompu en son canon. Une quaque de pouldre, et quelque peu de pouldre en une aultre quaque. Six vingtz dix neuf boulletz ou balles de fauconneaux. Sept picques. Deux hallebardes. Plus, cinquante quatre boulletz a fauconneaux, quarante bailles ou plombées d'arquebuzes a crocq. Lesquelles munitions de lad. ville sont en icelle ville et en la g'arde dudict Guillaume Quantin, procureur et recepveur d'icelle.

Et le premier jour de may, oudict an mil cinq cens soixante et dix huict, led. Anglerays, dict cippitaine Chicot, a, en nostre presance, délaissé aud. sieur de Narbonne pour Monseig'neur led. chastel, et luy en a led. Chicot baillé et délivré les clefs, et est icelluy Chicot sorty avec ses soldatz d'icelluy chastel ; et de la garde duquel chastel et des munitions et choses cy-dessus inventariees quant a celles qui sont oudict chastel, led. sieur de Narbonne s'est chargé.

Et le dict jour, le dict sieur de Narbonne a baillé et délaissé a monsieur cappitaine Duiboys, cy présent et en

nostre présence, lesd. clefs et garde dud chaslel de Loches, avec les munitions et ctioses cy dessus inventariees quant a celles qui sont oud. chaste!, duquel chastel et desd. clefs, munitions et choses susd., et de la garde d'icelle, led. sieur cappitaine de Durboys, lieutenant audict chastel de monseig'neur de la Chastre, cappitaine et g-ouverneur, soubz mond. Seig'neur frère du Roy, dud. chastel et villes de Loches et Beaulieu (1), s'est charg-é et a prins la charge et garde, et en a deschargé et descharg-e ledict sieur de Narbonne, et auquel sieur cappitaine de Durboys ledict Guillaume Quantin, procureur et recepveur de lad. ville et communitté de Loches, cy presant, a baillé et délivré les aultres trois clefz qu'il avoit de la chambre dud. chastel, en laquelle sont lesd. pouldres et munitions, dont et desquelles clefz et munitions led. sieur cappitaine de Durbois s'en est chargé, et en a deschargé led. Quantin pour lad. ville et communitté de Loches. Le tout faict davant nous, Anthoine Dallonneau, lieutenant particullier susdict, presan[ce]s [djesdicts advocat et procureur du Roy et de Monseigneur, dudict Gilles Robin maire, dudict Quantin procureur et recepveur de la ville et communitté, de nostre greffier et aultres, les jour et an que dessus. Ainsy signé : de Durboys et Dallonneau, Debunon, P. Penissault, G. Robin, et G. Quantin.

(Loches, cote &.)