Sentence contre le capitaine Montalan

Poitiers, 28 novembre 1579.

Veu par la court des Grands Jours séant a Poictiers le procès criminel, faict par coustumace par le prevost des mareschaulx de Touraine ou son lieutenant a Tours, a la requeste du procureur gênerai du Roy, a rencontre d'un nommé le cappitayne Montallant, lieutenant du chasteau de Loches, pour raison des cas, crimes et delitz mentionnez aud. procès ; conclusions du procureur g-eneral du Roy ; et tout considéré.

Il sera dict que lesd. deffaulx ont esté bien et deuement obtenuz contre led. cappitayne Montallant. Au moyen et par vertu d'iceulx, lad. Court a adjugé et adjuge aud. demandeur tel proffict, c'est assavoir qu'elle a deboutté et deboutte ledict Montallant de toutes exceptions et défenses qu'il eust peu dire, proposer et alléguer contre les demandes et conclusions dudict procureur gênerai, et l'a declairé et declaire attainctz et convaincu d'avoir faict les rebellions a justice, avec juremens, blaphemes, menaces et crymes mentionnez aud. procès ; pour réparation desquelz lad. Court l'a condemné et condemne a estre décapité sur ung eschaffault, qui sera mis et dressé au grand marché de la ville de Tours, et sa teste attachée sur ung posteau qui y sera dressé, son corps porté aux fourches patibullaires du-

dict lieu, sy prins et appréhendé peult estre, sinon par figure et effig'ie ; a declairé et déclare tous et chascun les biens dudict de Montallant acquis et confisquez a qui il appartiendra, sur lesquelz et sur les autres non susjectz a confiscation sera préalablement prins la somme de cinq cens escuz d'amende, que lad. Court a adjug-é et adjuge au Roy.

Prononcé a la barre de lad. court des Grands Jours, le xxviij® novembre m. v'lxxix.

Db Harlay. Delavau.

(Arch. nat., X2a 141. f° 190.)