ViLLARS A François de Valois

Pressigny, 14 avril 1580.

Monseigneur, il y a fort long- temps que je suis maistre des eaux et forestz du comté de Loches, sans grand prouffict ny estai, et croy bien que ceulx qui l'ont demandé ne vous ont poinct donné a entendre que j'en fusse pourveu, et depuis le règne de feu le grand roy François, vostre ayeul. Toutesfois, Monseigneur, vous pouvez disposer de cella, et de tout ce qui deppend de moy, comme de vostre très humble et très obéissant serviteur, qui supplie le Créateur vous donner, Monseigneur, en toute prospérité et santé, très heureuse et très longue vie. A Precigny, le xiiij' d'apvril 1580.

Vostre très humble et très obeyssant serviteur