Anoblissement de Chicot
Paris, mars 1584.
Henry, par la grâce de Dieu roy de France et de Polo-
(1) Cette pièce a été publiée par M. de Panisse (Les comtes de Tende, p. 173], avec la référence erronée, de /;•. 2282.
.i32 LOCHES AU XVie SIÈCLE
gne, a tous presens et advenir, salut. Noz prédécesseurs Rovs, de très louable mémoire, ont lousiours honoré les personnes de vie louable, qui par efTect ont tesmoigné par actes signalez leur vertu, soit par la profession des armes ou autrement, au bien et commodité du publicq, et pour ceste occasion les ont décorez et illustrez des privilleg-es et prérogatives condig'nes a leur merittes et vertuz, afin de leur donner meilleure volonté et occasion de continuer et persévérer a servir d'exemple aulx autres, pour les immiter et ensuivre en espérance de parvenir en telles dig-nitez, honneurs et prérogatives, et mesmement au degré et quallité de noblesse pour eulx et leurs enfens. Scavoir faisons que nous, ayans mis en considération les bons, fidelles et recommandables services que nostre cher et bien amé Anthoine Anglarez, natif de Villeneufve d'Agenoys, nous a cy devant faictz et faict chacun jour avec grand soing, vigillence, et au bon et fidelle debvoir qu'il a faict paroistre en la garde de nostre chasteau de Loches, dont il a esté capitaine et gouverneur longue espace de temps, l'ayant conservé en nostre obéissance contre les enlreprinses de ceulx qui avoient prins les armes contre nostre auctorité, outre plusieurs actes signalez qu'il a faictz durant les troubles, tant en noz armées que autres occasions ou il a esté employé, dont il s'est dignement et fidellement acquitté. Pour ces causes, et autres bonnes et justes considérations a ce nous mouvans, et mesmes estant adverty des moyens et facultez qu'il a pour entretenir Testât de noblesse, désirant l'extoller et eslever avec sa postérité et lignée en honneurs et preeminances condignes de ses services et mérites, et user en luy de nostre specialle liberallité, icelluy Anglarez, ensemble ses enfans, postérité et lignée masles et femelles, naiz et a naistre, descendans de luy en bon et loial mariage, avons, de nostre grâce specialle, pleine puissance et auctorité royal, anobly et annoblissons par ces présentes, voulans quilz puissent et leur soit loisible accepter, prendre et recevoir Testât et ordre de chevallier quand bon leur semblera, et que en tous leurs faictz et actes ilz soient doresnavant tenuz, censez et reputez pour nobles, tant en jugement que dehors; aussy qu'ilz jouissent et usent de tous hon-
neurs, privilleg'es, franchises, prérogatives et preeminances dont jouissent et ont accoustumé jouir les autres nobles de nostre dit Royaume, et qu'ilz puissent acquérir toutes sortes de fiefz et terres nobles, de quelque quallité et condition qu'elles soient, et ceulx qu'il a ja acquis et qui luy pourront, ensemble a sa postérité, eschoir et advenir, soit par droict successif, acquest, mariage, donnation faicte entre vifz, ou autrement, tenir et possedei", et d'iceulx, ensemble sadicte postérité, jouir et user pleinement et paisiblement, tout comme sy d'ancienneté ilz estoient naiz et extraictz de noble lignée, sans qu'ilz soient ne puissent estre contrainctz d'en vuider leurs mains en quelque manière que ce soit, ni que pour ce ilz soient tenuz payer a nous, ny noz successeurs, aulcune finance ne indemnité, de laquelle, a quelque somme, valleur et estimation qu'elle soit et se puisse monter, nous avons audict Anglarez faict et faisons don par ces présentes signées de nostre main; par lesquelles donnons en mandement a noz amez et feaulx les gens de noz comptes, trésoriers generaulx de France, conseillers par nous ordonnez sur le faict de la justice et des aydes, et tous autres noz justiciers et officiers qu'il appartiendra, et chacun en droict soy, que de noz présent grâce, annoblissement, don de finance, et de tout le contenu cy dessus, ilz facent, souffrent et laissent ledict Anglarez, ses enfans, postérité et lignée naiz et a naistre, jouir et user pleinement et paisiblement, cessant et faisant cesser tous troubles et empeschemens au contraire, lesquelz si faictz, mis ou donnez leur estoient, les facent mettre incontinent et sans delay a pleine et entière délivrance, et au premier estât et deu ; et en rapportant ces dictes présentes ou Vidimus d'icelles faict soubz scel royal pour une fois, avec recongnoissance d'icelluy Anglarez, de la jouissance de nostre présent don et quittance sur ce suffisante seulement, nous voulons celluy de noz receveurs, comptables et tous autres a qui ce pourra toucher, en estre et demeurer quittes et deschargez en leurs comptes par lesdictz gens de noz comptes, ausquelz nous mandons ainsy le faire sans difficulté. Car tel est nostre plaisir...
Donné a Paris, ou mois de mars, l'an de grâce mil cin(|
cens quatre ving-tz quatre, et de nostre règne le dixiesme. Signé: Henry ; et sur le reply : Par le Roy, de NeuCville ; et acosté : visa contenloi\ Remy ; et scellées en las de soye roug^e et verd, sur double queue de cire verd. Et sur ledict reply est escript : Expédiées et registrees en la Ghantibre des comptes du Roy notre sire, au registre des Chartres de ce temps, du très exprès commandement dud Seigneur, après avoir ouy la créance d'aulcuns presidens et conseillers raaistres en icelle, ainsy qu'il est contenu au registre sur ce faict le dix huictiesme jour de febvrier. l'an mil cinq cens quatre vingtz cinq ! 1). Signé: Barthélémy. — Enregistré en la Court des aydes a Paris, ouy sur ce le procureur général du Roy, aulx charges contenues dans l'arrest donné en icelle ce jourd'huy, vingt huictiesme febvrier, l'an mil cinq cens quatre vingtz cin*!. Signé : Ponce (2).
(Arch. nat., X** 8640, 2* partie, fi 3.)
