MONTPENSIER AU Roi

Loches, 4 juillet 1585.

Sire, je me suis achemyné jusques en ce lieu, ou monsieur de Joyeuse a prins la peyne me venir trouvei-. Et y ayant entendu que voz Suysses estoient a Sainct Aigrian, nous avons advisé ensemble de les faire achemyner vers Bloys, suyvant ce que monsieur de Rochefort la Croysette nous a dict de la part de Vostre Ma^^, nous y acheminans pareillement afin de nous joindre avec vosd. Suisses, comme ilz arriveront samedy (1) prochain a Montrichard ; dont je n'ay voulu faillir donner incontinant advis a Vostred. Ma*^ par ce courrier exprès, et la supplier très humblement, comme je faiz, de me commander ce que Vostred. Mai^^ voudra que je face et quel chemin il conviendra faire tenir auxdicts Suisses estant aud. Bloys, pour me conformer en cest endroict comme en tous autres commandemens dont Vostred. Ma^^me voudra honnorer. Attendant lesquelz, je supplye Nostre Seigneur vous donner, Sire, en très parfaicte santé, très bonne et très longue vie. De Loches, ce iiij^ jour de juillet 1585.

(1) Pamedi 6 juillet.

Vostre très humble et très obéissant subiectel serviteur.

François de Bourbon.

(Bibl. nat., fr. n. ac. 6009, f 44.)