Le Roy aux Trésoriers de France a Tours

Paris, 4 mai 1586.

Noz amez et féaux, nous avons eu advis qu'il y a entreprinse faicte pour surprandre nostre ville et chasteau de Loches ; ce qui ne se peult aisément exécuter sans l'intelligence des soldatz qui sont dedans. Au moien de quoy, affin de ne laisser occasion a iceulx soldatz d'estre praticquez, nous voulions et vous mandons que, sur les deniers qui proviendront de la levée de leur solde, qui se fera en vertu de la commission que nous vous envoions présentement, vous ayez a faire advancer et bailler promptement comptant jusques a la somme de ii"^ escuz, pour départir et distribuer ausd. soldatz, et vous ferez faire le remboursement d'icelle advance,des premiers deniers de lad. levée. Car tel est nostre plaisir. Donné a Paris, le iiij' may 1586.

(Bibl. uat.,//-. 3310, f° 69 v.)