Malicoune au Roi

Niort, 22 juin 1586.

Sire, ayant, il y^a dix ou douze jours, heu advis que le roy de Navarre s'en venoit de la Rochelle a Marans, et faisoit passer une partye de ses forces a Lusson (1) pour essaier de se prevalloir des deniers de vostre recepte de Fontenay qu'on avoitamassé au BasPoictou,iem'en alloy audict Fontenay pour luy rompre ce desseing", comme j'ay faict. Et ayant receu celle qu'il a pieu a Vostre Majesté de m'escrire pour la délivrance de monsieur de Pontcarré (2) j'envoyaiaussy tost vers le roy de Navarre a la Rochelle, ou il s'en estoit retourné, pour l'obtenir ; ce que j'ay faict aussy heureusement que luy mesme pourra faire entendre a Vostre dicte Majesté, et plus dig'nement touttes ces par-

(1) Luçon.

(2) Le Camus de Pontcarré.

ticularitez qui importent au service d'icelle que je ne le vous le scaurois représenter par mes lectres.

Et m'en remectant sur sa suffisance, je vous diray que, suivant le commandement qu'il avoitpleu a Vostre Majesté de me faire cy devant, j'ay retenu jusques icy le sieur de Norsay (1) qui avoict esté pris chargé des mémoires touchant Loches, que j'envoyeray a Vostre ditte Majesté (2). Et parce que je suis fort sollicité de sa délivrance, il vous plaira, Sire, me commander sy vous entendez qu'il soit traicté comme prisonnier de guerre et mis en liberté en paiant ce qu'il a promis a ceux qui l'ont prins, que je desirerois bien qu'ilz ne perdissent poinct ceste commodité, parce qu'ilz sont gens de meritte et de service, ou s'il vous plaist qu'il soit mis entre les mains des officiers de vostre justice.

Sytost que monsieur le mareschal de Biron aura mis ses forces ensemble, je ne fauldray. Sire, de le joindre, pour le très humble service de Vostre Majesté, laquelle je prie Dieu la conserver, Sire, très longuement et très heureusement en toute prospérité.

Faict a Niort, ce xxj juing 1586.

Votre très humble et très obéissant serviteur.

Malycorne.

(Bibl. de l'Institut, Coll. Godefroy, '261, f 85) (3).