l'amiral au prince de condé

Jarnac, 11 mars 1569.

Monseigneur, je vous envoyé des lettres que m'escrivent hier MM. de Sainct-Mesme et de Sainct-Ermine, et une d'un nié decin qui est auprès de M. de Jarnac, affin que vous la voiez et en faciez ce qu'il vous plaira. Au demourant, le capitaine Pluviaux print hier quelques prisonniers de divers compagnies, entre lesquelz y en a un qui m'a dit qu'à l'arrivée des ennemys à Chasteauneuf il fut rendu. Toutesfoys je ne le puis bonnement croire. J'ay envoyé recognoistre, et, si j'apprens quelque chose, je ne faudray incontinent de vous en advertir; qui est tout ce que je vous puis escrire, sinon pour me recommander très-humblement à voz bonnes grâces, priant le Créateur vous donner, Monseigneur, en très-parfaicte santé, très-heureuse et très-longue vye.

A Jarnac, ce xi mars.

Il vint hier un home, à ce que l'on m'a dit, de la maison de M. de Guerchi, qui dict que le bruict estoit de par delà que M. Daumalle a esté battu. Et dict aussy que le Roy avoit logé en la maison Davignan, qui est aud. Guerchi. . trois lieues d'Auxerre, et qu'il venoit droict à la rivierre. . . .mais je ne sçay qu'en croire. J'ay envoyé recongnoistre. . . . font à Chasteauneuf et si le pont y est refect. . . . d'hier dict que l'armée de Monsieur debvoit. . . . tirer le chemin de Gascongne ainssy. . . » que je pourré apprendre, je ne fauldré. . . . l'home qui vient de la maison. . . . dict aussy que l'armée du prince. . . . Ponts estoit à Montecler. Dieu1. . . .

1. Ce post-scripturn est de la main de l'amiral. Plusieurs mots sont enlevé» par suite de la lacération du feuillet.