A une lieue et demie est-sud-est de Mussidan

Eymet, qui sont deux petites villes à trois lieues de S^-Foy1.

Item, que a Parcou2 y a quelque nombre de soldats qui se dict avoir charge de garder le passage dudict Parcou, qui font et commettent d'incroyables exactions et ransonemenz sur le peuple de là auprès, mesme sur de mes subjects, et telles, que, s'il ne plaist à Monseigneur y remédier, les gentilz hommes circon voisins, seigneurs desdictz subjectz, sont en chemin avec partie du peuple de s'opposer à telles vexations, et en pourrait sortir du scandale, s'il n'y est pourveu ; ce qui se pourra faire aisément, s'il plaist à mondict Seigneur de commander a celluy qui est chef desdictz soldats, qui est le Sablon , de se retirer vers Messieurs les princes ou vers M. de Pilles; car il ne sert de rien, ne sesdicts soldats, audict passaige, sinon de fouller le peuple, et que, pour le soulagement dudict paoure peuple, je me donneray bien garde, avec les forces et garnisons que j'ay en ce lieu , dudict passaige, s'il plaist à mondict sieur l'admirai me le commander, comme j'ay tousjours faict et fais nonobstant la susdicte garnison dudict Parcou. En oultre ce, touttesfois et quantes qu'il sera de besoing, je drescheray en ce lieu ung pont de bateau, sur lequel on pourra aussi aisément et avec plus grande seurfcté passer qu'audict Parcou, et ay lesdict batteaux tousjours prest et les ay eus despuys l'advertissement qui me fust donné par mondict sieur de Pilles, de luy bailler passaige et icelluy asseurer. comme j'ay tousjours faict, grâce à Dieu, jusques à présent, et feray cy-après avec son aide et faveur.

Davantaige. fauldra advertir mondict sieur que l'eniiemy est à quatre lieues d'icy, et que d'heures à aultre on me vient donner advertissement qu'il se délibère acheminer icy pour empescher le passaige à .Messieurs les vicomtes et à M. de Pilles, et mesmement que tous présentement j'en ay receu ung de bonne

1. Sur la Dordogne; la Sauvetat et Eymet sont sur la Dropt, au sud-est c'a Sainte-Foy.