TRUCHON A H. DE CORDES

Saint-Germain, 30 juin 1597.

Je partes de Paris le jeudy 19* de ce mois et vous escrivy à mon département. Je vins ledict jour coucher à Montfort, et le lendemain je fus à Sainct-Léger, où le Roy estoit arrivé le mardy 17«. Le vendredy, environ trois heures après midy, Mons' de Thevalles partit dudict Sainct-Léger en poste pour aller quérir les six mil Souisses ; le dimanche ensuivant, qui fut le 22®, le Roy partit de Sainct-Léger, et alla coucher à Beyne, d'où il départit le lundy matin, et vint disner en ce lieu où je suis présentement arrivé , ayant prins le repos de cinq ou six jours avec mes frère et sœur. Depuis mon arrivée j'ai entendu que, sur l'advertissement que le Roy avoiteu que, du costé de Luxembourg, on ayoit levé quarante enseignes de gens de pied et trois mil chevaulx , Sa Maiesté a dépesché Monsieur d'Andelot pour aller à Attigny sur la frontière de Champaigne, accompaigné de cinq mil hommes de pied, où tireront aussv ces six mil Souisses et deux cents hommes d'armes, mais on ne dict encore soubs quel chef; et combien qu'on peut penser que ces quarante enseignes et trois mil chevaulx ne soient levés que pour favoriser l'armée d'Espaigne allant en Flandres, toutesfois on a advisé estre le plus seur de tenir la frontière de Champaigne en seureté, et ledict S' d'Andelot est party ce matin pour aller à Paris faire sonner le tabourin pour remplir ses bandes, dont quelqu'unes ne

seront sans jalousie. Monseigneur le connestable se trouva ici incontinant après Tarrivée du Roy, accompaignë de Messieurs les mareschaulx, ses enfans, bien unis, et y estoit aussy ledict sieur Dandelot. Quant à Monsieur Tadmiral, il est en sa maison. Monseigneur le prince de Condé doit, comme l'on dict, bientost venir. Lesdicts sieurs maréchaulx frères, depuis esire arrivez en ceste court, ont par deux fois esté ensemble à la chasse et retournez ensemble, de sorte que tous ceulx qui les ayment louent Dieu de ceste union fraternelle, et ce bon vieillard en semble rajeuny. La Royne est partie ce matin à quatre heures pour aller à Paris, mais c*est pour revenir au giste ; Tun dict que c'est pour aller veoir le bastiment des Tuilleries, l'aultre dict que c'est pour emprunter de l'argent, les aultres que c'est pour quelque mystère qu'on n'entend pas. Sy est-ce qu'elle est accompaignée des principaulx financiers, c'est-à-dire de Monsieur le Mareschal de Gonnor et de Messieurs de Morvillier, de Limoges et de l'Âubespine, lesquelz quattre partirent dès hier, et Monsieur de Valence les a suivis cejourdhuy matin. Cella est quelque conjecture apparente qu'on parlera des finances. . .

DE SAULTl A M. DE GORDES.

Savigny, 30 juin 1567.

Monsieur, j'ay esté fort ayse d'avoir trouvé ceste commodité du chanoyne de Pionsin, qui s'en va de par deçà pour vous faire entendre de nos nouvelles, qui sont fort bonnes, grâces à Dieu, et aussi de celles do ce quartier, qui sont qu'ayant le Roy entendu que du costé de Flandres se fait grand préparatif d'armes, artillerie, munitions, et autres choses nécessaires pour

1. François d'Agoult, do Montanban et de Montlaur, comte de Saait, grand seigneur de Proyence et huguenot fort actif. Il fut tué à la bataille de Saint- Denis.

la guerre, cela Ta fait entrer en quelque jalouzie de pourvoir aux frontières de son royaume de ce costé-là. Et pour cest effect a ordonné d'y envoyer quelques compagnies d'hommes d'armes, et d'envoyer Monsieur d'Andelot là au long de la frontière avec pouvoir de faire la reveue de ses compagnies d'in&nterie, jusques au nombre de deux cens hommes pour chacune. Ce qui fait ainsi esmouvoir Sa Majesté, c'est que toutes choses en Flandres sont paciffiées et réduictes souz l'obéissance du roy d'Espaigne comme il desiroit, tellement qu'on ne peult autrement juger desdits préparatifs, sinon que ce soit pour nous venir troubler en ce royaume. J'ay esté ces jours passez à Yallery, au baptesme de Monsieur le prince de Condé (qui m'y avoit convyé), et a esté porté ledit enfant par Monsieur Fadmiral au nom du Roy, s' estant trouvé audit lieu de Yallery Monsieur le cardinal de Chastillon, Mess''* d'Andelot, de la Rochefoucault, de Janlys, et plusieurs autres S'* et gentilzhommes, tellement que la compagnie estoit fort honnorable et fut bien festoyée dudit S' prince, et récréée de plusieurs honnestes passetemps. Depuis Sa Majesté a envoyé quérir ledit S' prince, affin qu'il s'en vienne à la court (comme elle a aussi fait Mess'^ de Guyse) pour regarder par ensemble ce qu'il est besoing de faire pour le regard de ces préparatifs et autres entreprises que l'on doute que ledit roy d'Espaigne a en ce royaume, tellement qu'on ne peut encores sçavoir comme se résouldront toutes ces menées. Il est bien vray qu' encores que nous n'ayons point besoing de guerre , si est-ce que toutes ces choses nous pourroient bien causer quelque meilleure union entre les uns et les autres que nous n'avons de présent. Au reste. Monsieur, je m'en suis venu ea ce lieu de Savigny (il y a jà sept ou huict jours) pour donner quelque ordre aux affaires que j'y ay, et espère en partir demain pour m'en aller retrouver la court, d'où je vous feray entendre quelquefoysde mes nouvelles.