GUYON A M. DE GORDES

Saint-Germain en Laye, 8 juillet 1567.

.... Arrivant icy Monsieur le connestable, et regardant Leurs Majestés aux affaires qui se présentent, il leur persuada bailler cœur (?) aux compaignies estant soubz la charge de Mons' d'Andelot son nepveu, ce qui fust résolu et dépesché pour cest eflaict, tellement qu'on faict estât il commandera à six mil hommes de pied , lesquels se doibvent rendre à Atigny près Reims , où pareillement se joindront les Suisses et douze cens hommes d'armes, pour le tout former un camp et s*emploier la part qu'on en auroyt besoin. . . . Ores que lestât dudict S' d'Andelot et l'affection grande qu'il a au service de son roy l'ayent appelé à ceste nouvelle cceurs (f), si est-ce que plusieurs en ont murmuré. Or ce présent ordre dressé par Leurs Majestés, plus pour tenyr en seuretés ce roiaulme que pour autres effaicts, a donné occasion à plusieurs de dire comme ils font que nous sommes à la guerre, mais pour tout cella Ton n'eust jamais plus de désir de conserver la paix que nous avons, si bien qu'elle ne sera rompue de ce cousté. . . . Ces jours passés, Madame la princesse de Portian^ a esté à sa premyère messe, puysqu'elle est veufvo, au grand contentement de plusieurs et très-grand regret de beaucoup d'autres. . . . Cejourd'huy est arrivé Monsieur le prince de Condé et hyer Mons*" d'Aulmalle. L'on a mandé Mons"" le cardinal de Lorreyne. Vous ne sauriez croyre de combien est descheu Mons' le connestable en ceste dernière malladye, si bien qu'il semble vieilliz plus qu'il n'a faict durant six ans. . . . 11 se parle fort du mariage de Mons' de Guise avec Mad^ la princesse de Portian. . . .

1. Catherine de Clèves, comtesse d'Eu, veuve d'Antoine de Crojr, prince de Porcicn, un des principaux chefs huguenots, parent et ami du prince de Condé, mort en 1564. Six ans ftprès, malgré les recommandations expresses de son mari, elle épousa Henri, duc de Guise.

TEUCHON A M. DE GORDES.

Saint-Qormain, 4 juillet 1567.

Je vous escrivy lundy par un homme de pied, et mardy par la voye de la poste. Mercredy fut tenu conseil, où Monsieur présidoit, et y estoient Messeigneurs les cardinaulx de Bourbon et de Chastillon, duc d'Aumale, connestable et chancellier de France, mareschal de Montmorency, les sieurs evesques d'Orléans, de Valence et de Limoges, et les sieurs de Lansac, de Carnavalet et de la Cazedieu. Et fut résolu le faict desSouisses, quilz seroient entretenus, £t rapporta Monseigneur le connestable que rintention du Roy et de la Roy ne estoit qu'on n'y touchast, ni semblablement aux viséneschal et vibailly de robe courte, et fut lors bien entendu que cest enlretenement estoit prins du retranchement des vingt archers, en y adjoustant neuf vingts livres tous les mois, ce qu'estoit besoin de remonstrer. Mais j'espiay bien l'occasion de n'estre absent cependant qu'on jouyait ce jeu. Hier fut tenu ung aultre conseil des gens des finances, où fut leue la paroolle du pais, et y furent faictz tant de retranchemens et radiatures de fraiz et vacations, que j'ay grande peur que par cy-après on aura bien à faire de trouver des commis du pais, sinon que s'en trouvent quelques-uns de l'humeur des anciens preudhommes romains, qui faisoient les affaires publicques à leurs despens. . . .

Monseigneur le prince de Condé arriva hier en ceste court. J'ay cejourd'huy veu le Roy, qui tenoit la teste de mondict seigneur le Prince à la main gauche, et celle de Monseigneur le cardinal de Bourbon à la main droicte , et par jeu les vouloit faire heurter leurs frons ensemble. Monseigneur d'Aumale caressoit Madame la connestable, et Madame la mareschale de Montmorency y adsistant. Monseigneur le mareschal faisant et recevant chère réciproque à l'endroict de mondict seigneur d'Aumale. Monseigneur le cardinal de

Chastillon n'en estoit loing. Somme tous sans distinction me sembloient sy d'accord que je souhaitte ne veoir jamais plus grande division en France. Cella est ung bel exemple pour beaucoup de gens de moindre qualité, qui tiennent leur cœur, et se regardent par-dessus l'épaule , et prennent plaisir à entretenir querelles. On ne sait encore quant on délogera d'icy, combien que les laboureurs des champs ayant jà faict présenter deux requestes au Roy pour se retirer et sa suite à Paris jusques à ce que la récolte soit faicte. Car, pour vous dire la vérité, la plupart des gens de court font en France comme les soldatz des cinq compagnies en Daulphiné, je no diray pas à la barbe de Leurs Majestés , parce que l'une est femme, et celle qui est masculine n'en a encores poinct, mais si est-ce que cella advient presque tous les jours aux yillaiges mesmes où elles logent