M. DE LA HAYE AU PRINCE DE CONDE

14 décembre 1362.

Monseigneur, la peine où nous sommes est indicible pour n'avoir de voz nouvelles, veu le mescontentement qua Sa Majesté de n'avoir communication de voz affaires, ny par delà par la voie de son ambassadeur, ny par deçà par la vostre, comme il est raisonnable qu'il se fasse suivant les accordz qu'elle asseure garder de sa part, continuant à la démonstration de la bonne volunté qu'elle porte à la defîence de vostre cause, de laquelle on ne l'a peu demouvoir par quelques offres et conditions advantageuses qu'on luy ait sceu présenter d'ailleurs; s'asseurant aussi sa dicte Majesté que vous ferez le semblable en son endroict, et que vous ne conclurez rien en ceste cause qui luy est commune avecques vous sans l'en advenir. Parquoy, Monseigneur, nous vous supplions très-humblement de bien poiser la faveur de tclz amys pour les inconvénients que doibt prévoir toul homme qui considère combien les choses qu'on pense le plus souvent bien asseuréos sont subjectes à mutation. Nous vous en avons par plusieurs fbys escript, et bien au long et mesmement par une dernière depesche envoyée par Caen.

Monseigneur, nous vous suppHons très-humblement penser en quel cnnuy peuvent estre ceulx qui sont icy de vostre part.