Les mss. omcllenl ne

TRAITK nu (iOUVEHNEMENT DE VENISE 2/.)

Seigneurie que ptir aultres conseilz, toutes sont escriptes au nom du Duc, et sont escriptes en parchemin et sont scellées en plomb, laquelle auctorité de seeller en plomb et en aultre métal anciennement fut octroyée au duc de Venise pai le pape Alexandre, troisiesme de ce nom, et par Federic empereur, I premier de ce nom, comme sera dit cy après. Et si les lettres (f" 40 v sont escriptes au pape ou a l'empereur ou a quelque roy ou prince de plus grant dignité que le duc de Venise, au commencement des lettres est mis le nom de celuy a qui sont adrecées les lettres avec ses tiltres, et a la fin le nom du duc de Venise en ces parolles : Sehastianus Ziani^, Dei gralia clii.v Venetiarii/n, etc. Mais, se les lettres sont escriptes a quelqu'un de moindre dignité que le duc de Venise, au commencement des lettres est mis le nom du Duc, comme dit est dessus, et après le nom de celuy a qui ilz sont adrecées. Pour retourner au premier propos, se les lettres qui ont besoing de response sont de petite importance, et que tous sont d'accord, les responses se font par le Colliege, comme dit est dessus, mais si aucun du Colliege est différant en oppinion, il fault que ladicte matière soit deduicte au Conseil de Priés, et par ledit conseil est respondu ausdictes lettres, comme sera déclaré ; et semblablement toutes les aultres lettres qui contiennent matière d'ymportance et ont besoing de responce sont reservéez a lire au Conseil de Priés pour depescher leur response par ledit conseil, comme dit est dessus. | Après, lesdiz (f" 41) Saiges proposent de bouche ou par escript les choses qu'il fault escripre ou faire de temps en temps pour le bon gouvernement de la cité de Venise et de Testât des Venissiens, et pour to.ute aultre chose qui soit au prouffit de ladite Seigneurie ; et chascune matière est consultée au Colliege, et, se la chose et matière est de petite importance et que chascun soit d'accord, ladicte matière est expédiée par le Colliege, mais se ceulx du Colliege sont difï'erens, il faut que ladicte matière soit deduicte au Conseil de Priés et expédiée par ledit conseil ; et semblablement toutes les aultres matières