il lauclraiL sont conformes

règle ferme, parce que qiielquefoys ung l'expose et quelquefoys l'aultre, selon qu'il leur semble ; et communément ilz ne peuvent proposer aulcune chose ne respondre diffinitivement s'ilz n'ont en commandement | de la Seigneurie de faire (fiso) telles proposicions ou responses, excepté toutesfoys quelque cas de par nécessité ou ilz verroyent expressément et sans nulle contradicion que ce que ilz proposent ou respondent est en évidente utilité de ladicte Seigneurie; mais en toutes façons, a besongner sans exprès commandement de la Seigneurie c'est chose assez dangereuse. Ausdiz ambassadeui's est defFendu sur grant payne de procurer quelque bénéfice par eulx ne par aultres sans expresse commission de la Seigneurie ; et, qui plus est, pour oster l'occasion de faire le contraire, il est ordonné par loix que nul qui a quelque parent en certain degré lymité, lequel parent soit prestre ou religieux, ne peut aller en ambassade devers le pape ; et les degrez sont ceulx cy, c'est assavoir, grant père, père, filz, filz de filz, frères, frères de père et filz de frères. Après, tout ce qui est donné ausdiz ambassadeurs par les princes et seigneurs ausquelz ilz sont destinez, il fault qu'il le présentent a la Seigneurie. Lesdiz ambassadeurs sont esleuz par le Conseil des Priés par scrutine, et quelquefoys soubz grans peynes | de (fMsOv") paiement d'argent et d'estre bannys ou cas qu'ilz veullent renoncer a ladicte office d'ambassadeur. Lesdiz ambassadeurs demeurent esdictes ambassades tant qu'il plaist a ladicte Seigneurie, et jamais ne peuvent partir du lieu la ou ilz sont envoyez s'ilz n'ont licence de la Seigneurie ou que les princes et seigneurs où ilz sont envoyez ne les renvoyent. Et quant aux choses que lesdiz ambassadeurs ont de la Seigneurie pour ladicte ambassade, premièrement la Seigneurie leur baille tous les chevaulx qui leur sont nécessaires, s'ilz vont par terre, mais s'ilz vont par mer, ladicte Seigneurie leur baille les navires qu'il leur fault pour eulx conduyre ; et après, si lesdiz ambassadeurs vont en quelque lieu dangereulx et qu'il leur soit nécessaire d'avoir compaignie pour leur seureté, ilz en prennent aux despensde ladicte Seigneurie. Aux aultres choses II 19

il est observe deux manières : une est que ilz font les despences de l'argent de la Seigneurie, tant pour vivre que pour toutes aultres choses qu'il fault despendre pour lesdiz ambassadeurs, et avant qu'ilz partent de Venise et pour (1» 151) tout le temps qu'ilz | demeurent audit ambassade. Et ladicte despence n'a point de limitacion sinon que en troys choses : une est la despence de vie, c'est a dire en choses que on mange, esquelles lesdiz ambassadeurs ne peuvent despendre plus de septdouzains pour homme et aultres sept douzains pour chascLin cheval, chascun jour ; la2® limitacion est auxgaiges, lesquelz sont limitez en ceste façon : c'est assavoir au chappelain deux escus pour moys ; au seneschal, c'est a dire maistre d'ostel, troys escus; au maistre de table, c'est a dire l'escuyer, deux escus ; au cuysinier deux escus ; a deux varletz de chambre soixante solz tournoys a chascun ; a deux lacays deux escus a chascun d'eulx, et les aultres serviteurs et varletz ont quarante quatre douzains pour^ chascun par chascun moys. Et la S^lymitaclon est en dons et presans que font lesdiz ambassadeurs, esquelz dons ilz ne peuvent despendre plus de cinquante escus pour chascun ambassadeur en tout le temps de son ambassade ; mais, si luy est nécessaire de faire quelque grant présent et de plus grant somme que desdiz cinquante escus, il fault qu'il (foiôl v«) demande licence a ladicte Seigneurie, laquelle | Seigneurie le concède assez facilement. Après, les ambassadeurs qui sont envoyez en ceste façon, avant qu'ilz partent de Venise, ont de la Seigneurie des coffres, malles, couvertures des chevaulx et des muletz, et d'aultres choses nécessaires, et après qu'ilz sont revenuz de ladicte ambassade, il fault qu'ilz restituent a ladicte Seigneurie lesdiz chevaulx et les aultres choses qui dessus sont dictes, lesquelles choses il fault qu'elle baille ^ a une office qui est appellée l'office des raisons nouvelles, duquel office il en est faicte mention dessus au chappitre liiii, auquel office il fault qu'ilz consignent semblablement le compte de toutes les despenses qu'ilz ont faictes, lesquelz comptes sont tenuz par telle ordre, c'est assavoir que le senes-