Mss. par. — 2. Mss. qu'elles baillent

chai desdiz ambassadeurs baille tous les soirs au secrétaire la cedulle contenante ce qui a esté despendu en celle journée, escripte et distincte particulièrement, et desdictes cedulles, ledit secrétaire en extraict ung compte ordinaire, lequel compte il présente audit office des raisons nouvelles avecques lesdictes cedulles, et jure par son sacrement qu'il a escript le tout bien et loyallement, et semblablement | il jure (f° 152) ledit seneschal. Et en aulcunes ambassades, et mesmement en celles qui vontloing et aux seigneurs qui ne sont pas crestiens, parce que lesdictes ambassades sont dangereuses, la Seigneurie baille ausdiz ambassadeurs, oultre la despense, quelques gaiges, c'est assavoir trovs cens escus par chascun an, aulcunes foys plus et aucunes foys moins, selon la condition desdictes ambassades. Et ceulx qui ont gaiges ne peuvent estre esleuz a aulcune aultre office par tout le temps qu'ilz demeurent en ladicte ambassade, mais les aultres qui n'ont nulz gaiges peuvent estre esleuz a chascun office. Il y a une aultre façon que la Seigneurie envoyé lesdiz ambassadeurs, c'est assavoir que premièrement la Seigneurie baille trente escus a chascun pour acheter des coffres, malles, couvertures des chevaulx et muletz et aultres choses nécessaires, lesquelles choses demeurent ausdiz ambassadeurs sans qu'ilz soient tenuz a les rendre. Après, la Seigneurie leur baille certaine somme d'argent, selon le lieu ou ilz vont et selon le train ([u'ilz maynent avec eulx, c'est assavoir, s'ilz vont avec douze chevaulx a Romme, ou en aultre lieu en Ytalie, ladicte Seigneurie leur baille j cent escus pour chascun (f° 152 v") moys, mais s'il va en quelque lieu hors de Ytalie, la Seigneurie leur baille six vingts escus par chascun moys, et s'ilz vont avec plus grant ou plus petittrain, ladicte Seigneurie leur baille pro rata et porcion. Selon que dit est dessus, le train desdiz ambassadeurs ordinairement le plus grant est de vingt chevaulx pour chascun ambassadeur, et le plus petit de dix, mais le moyen et le plus commun est de quinze chevaulx; mais se lesdiz ambassadeurs sont envoyez pour quelque congratulacion, c'est a dire par joye de quelque élection de pape ou de empereur ou de aultre prince, ou par quelque aultre

•2\)'2 m'Im<:m>ice I

chose, ilz nievnenl avec ciilx plus «^raiil train ; et (iiiclquc loys sont envoyez jusques a dix ambassadeurs, et leur train est de plus de trovs cens chevaulx en tout. Chascun ambassadeur meync avec luy ung secrétaire de la chancelcrie, lequel escript toutes les lettres que lesdiz ambassadeurs envoyent a la Seigneurie de Venise, et en tous aultres lieux et en toutes choses que traicte ledit ambassadeur pour ladicte Seigneurie, ledit secrétaire y est tousjours présent. Après que lesdiz ambas- (('"153) sadeurs sont retournez | a Venise, s'ilz sont deux ou plussieurs ensemble, le plus jeune rapporte au Colliege et le plus vieulx au Conseil de Priés ; et s'il y a ung seul ambassadeur, luy seul rapporte en chascun desdiz lieux, lesquelz raportz sont bien notables. Il parle premièrement des choses qu'il a faictes et traictées en ladicte ambassade, après il parle de la personne des princes et seigneurs ou dz ont esté envoyez, de sa femme de ses enfFans, s'il en a. Après il parle de l'intencion et voulenté, selon son advis que lesdiz princes et seigneurs ont, tant envers ladicte Seigneurie que envers les aultres. Il parle aussi de leur revenue ordinaire et extraordinaire, et semblablement de leurs despens, tant en temps de paix comme en temps de guerre, de son conseil, de ceulx qui ont quelque auctorité avec lesdiz princes et seigneurs, et mesmement de ceulx qui sont aymez, et parle aussi des aultres seigneurs qui sont soubz leur juridicion et de la disposicion qu'ilz ont avec lesdiz seigneurs. Auquel rapport le Duc luy respond a chascune partie ; et si lesdiz ambassadeurs sont dignes de (f° 153 v°) louenge par ce qu'ilz ont fait, le Duc le[s] loue au | Colliege et au conseil des Priés, qui est chose de quoy les gentilz hommes de Venise tiennent grant compte. Et lesdiz rapports, beaucoup de foys, sont mis par escript et enregistrez a la chancellerie, et si après quelcun est esleu pour aller a ladicte ambassade, il lit et estudie ledit registre et va bien informé et instruit en toutes choses. Quelquefoys la Seigneurie, au lieu desdiz ambassadeurs, envoyé quelque secrétaire de la chancelerie, lequel en toutes choses resemble ausdiz ambassadeurs, excepté qu'il n'est pas appelle ambassadeur, mais est appelle

THAiTÉ DU GOL VEHNFOFKNÏ DE VENISE 293

secrétaire, et mayne avecques luy plus petit train que lescliz ambassadeurs, lequel train de secrétaire est de quatre chevaulx pour le moins et de plus hiiyt.

Des voyaiges ordinaires et des grillées rf ni sont envoyées ausdiz 9oy (liges et des aultres choses. Cap. xcv.

A presant il reste a dire de deux choses de grant importance touchant la seigneurie de Venise et Testât d'icelle : une est des voyaiges de marchandise qui sont faictes par | mer par (i" 154) les Veniciens et aultres gens demourans a la cité de Venise ; l'aultre si est des provisions apartenantes a la guerre, tant par mer que par terre. Les voyaiges doncques se font par deux manières : une est avecques nefz et aultres navires grandes et petites, excepté une façon de gallées qui sont appellées gallées grosses ; l'aultre manière est avecques lesdites gallées grosses ; et ces voyaiges de gallées grosses sont appellées voyaiges ordinaires, desquelz voyaiges nous parlerons premièrement parce que le demourant sera assez facille a déclarer. Il est doncques assavoir que la Seigneurie de Venise, pour seureté de marchans et conservacion des biens des Veniciens et d'aultres demourans a la cité de Venise, a ordonné environ sept vovaiges esquelz tous les ans il est envoyé des gallées grosses, en quelque voyaige deux, en aulcun troys et aulcun quatre. Et lesdictes gallées grosses se font de temps en temps a la maison de l'Arcenal, et [sont] mises a point de toutes choses nécessaires pour naigeren ce voyaige, et aussi de artillerie et aultres municions tant de guerre | que de aultres. Et chascune (f°154v desdictes gallées est baillée a ferme a ung gentilhomme plus offrant lequel est appelle patron de ladicte gallée, et est obligé de garnir a ses despens ladicte gallée de officiers et d'aultres gens a ce nécessaires, comme par loix ainsi est ordonné; et est aussi obligé de aller en voyaige qui luy est député et ordonné et de retourner a Venise semblablement a ses despens ; et le paiement de tous les marchans et aultres gens qui vont audit voyaige, et aussi des marchandises et aultres choses qui sont portées par lesdictes gallées, tant a aller que a venir,

291 APPE^iniCE 1

est pavé niulit patron, de qiioy il y a aucunes foys grant gaing, aucunes toys moyen, aucunes foys point, et aucunes foys et y a perte. Et affinque lesdits voyaiges soient mieulx ordonnez, la Seigneurie envove a chascun voyage ung gentilhomme, soubz tiltre de capitaine, qui a le gouvernement et régime de toutes les gallées qui sont envoyez audit voyage, tant a aller que a venir, lequel gouvernement et régime est a haulte, basse et moyenne justice, tant en civil que en criminel sur ^ tous ceulx qui sont es gallées députez audit voyage, lesquelz capitaynes (f" 155) sont esleuz par | le Grant Conseil par quatre mains d'élection, et n'ont nulles contumaces; et ont bons gaiges et aultres praticques plus grans ou plus petis, selon la sorte dudit voyaige et le temps qu'ilz mectent a aller et venir. En aulcun voyage ilz gaignent jusques a cinq cens escus, et en quelcun aultre jusques a mille. Et en chascune gallée il est député quatre gentilz hommes soubz nom d'arbelestiers, lesquelz sont esleuz par le Conseil de Quarante criminel, avecques bouettes et balottes, et le plus souvent sont esleuz jeunes qui ne sont pas riches, par ce que ceste ordre et loy de envoyer lesdiz nobles ausdiz voyaiges est faicte principallement pour donner introduction ausdiz povres jeunes de eulxexcercer sur la mer, et avec telle introduction ilz puissent venir a avoir quelque bien. Lesdiz gentilz hommes ont premièrement leurs despens du patron desdictes gallées, et gaignent communément, a ung petit voyage comme de demy an, cent escus, et a ung grant voyage de an et demv, il gaigne[nt] deux cens escus. Après, a la gallée du capitayne, il y est député ung des premiers mari- (f» 155 v") niers qui soit trouvé a Venise, | soubz nom d'admiral ; et semblablement aux aultres gallées il y est député par chascune ung soubz nom de hommes de conseil ; lequel admirai avec lesdiz hommes de conseil ont a conseiller et ordonner le voyaige ou ilz sont députez, réservé toutes foys l'auctorité du capitayne lequel, comme recteur et gouverneur dudit voyage, ordonne et dispose ainsy qu'il luy plaist. Après, soubz chascune gallée tant de patrons que de capitaynes, il est député deux