Jalla

se trouvent a Venise, le Duc luy baille ledit baston en l'église de Saint Marc, avec grant solennité ; mais s'ilz ne sont pas a la cité de Venise, ledit baston leur est envoyé solennellement par ambassadeurs. Tous les aultres qui servent la Seigneurie de Venise avecques gens d'armes sont appeliez conducteurs, la conduicte desquelz, c'est a dire le nombre des gens d'armes, est grant ou petit selon la condicion desdiz conducteurs ; communément la plus | grant conduicte est de deux cens (f» 174) hommes d'armes et la plus petite de cinquante hommes d'armes, et la moyenne de cent hommes d'armes. Toutesfoys ceulx qui ont le tiltre ou de lieutenant ou de capitaine ou de gouverneur gênerai ne sont point comprins en ce nombre par ce que leur conduicte est beaucoup plus grande, comme sera déclaré cy après. Et tous les dessudiz, qui servent la Seigneurie avecques gens d'armes, ont en leurs conduictes aulcuns sont appelez chefz de scuadra, qui ont le gouvernemens de vingt cinq hommes d'armes chascun.

Des gaiges et payemcns des gens de cheçaulx qui servent la (f» 175) Seigneurie de Venise a la guerre. Cap. cxiij.

Quant aux gaiges et payemens des gens d'armes, la Seigneurie de Venise observe et garde deux manières esdiz payemens : ung est appelle provision et l'aultre est appelle selon l'ordre de la banque ; et communément celuy qui a le tiltre de lieulenant, capitaine ou gouverneur gênerai est payé a provision, esquelz la Seigneurie baille certaine somme d'argent, et ilz sont obligez a servir ladicte Seigneurie avec certain nombre de gens d'armes, auquel nombre est | com- (^175^) prins des arbalaistriers, en contant deux arbalaistriers pour ung homme d'armes. Et lesdiz payemens a provision sont divers selon la condicion du lieutenant, capitayne ou gouverneur gênerai, et aussi des aultres conducteurs qui sont payez a provision ; et le plus grant payement desdiz lieutenans et aultres qui ont tiltre est de cent mille escus, par chascun an, et le plus petit est de trente mille escus, les moyens de cinquante

302 APPKNDICE I

OU soixante mille cscus, et aussi par chascun au ; mais les aultres conducteurs qui n'ont point de tiltie ont plus petite provision, selon la condicion desdiz conducteurs et le nombre des gens d'armes avec lesquelz ilz sont obligez de servir la Seigneurie. Sy la provision est de cinquante mille escus, ilz sont obligez communément a servir la Seigneurie avecques quatre cens hommes d'armes et cent arbalaistriers, mais si la provision est plus grande ou plus petite, ilz sont obligez a servir avec plus grand ou plus petit nombre de gens d'armes, selon la dessusdicte proporcion ; et touchant le payement que ont les gens d'armes et (f 176) arbalaistriers | il sera de déclaré cy après. Et par conséquent, qui vouldra pourra facillement faire la raison quelz sont les gaiges particuliers des dessusdiz qui servent a provision, c'est a dire de l'argent qui demeure a ceulx après qu'ilz ont payé lesdictes gens d'armes et arbalaistriers. Les aultres qui sont payez selon l'ordre de la banque ont par chascun homme d'armes de sa conduicte, compté aussi la personne dudit conducteur, chascun neuf escus par chascun moys, desquelz neuf escus le conducteur en relient ung pour luy, et ladicte rétention s'appelle caposolde; et le demeurant dudit argent, qui sont huit escus pour chascun homme d'armes, est baillé ausdiz hommes d'armes pour leur payement; et s'il y a des arbalestriers a ladicte conduicte, retient demy escu de chascun pour sa caposolde, et le demeurant, qui sont quatre escus par chascun moys, il les baille ausdiz arbalaistriers parce que deux

arbalaistriers sont comptez pour ung homme d'armes

(flTev) Toutesfoys il est assavoir que au temps de paix les moys de payement de ceulx qui sont paiez selon l'ordre de la banque, tant de gens de chevaulx comme de pied, sont de quarante six jours, et par conséquent ung an n'est que de huyt moys

(f» 181 y") Des providateurs generaulx et des aultres providatenrs^ des trésoriers et de leurs offices. Cap. cxvj.

Et, touchant a la manière de faire la guerre, la Seigneurie de Venise observe ceste ordre : c'est assavoir qu'elle envoyé ung ou deux providateurs, lesquelz demeurent continuellement

avecques ceulx qui ont le gouvernement desdictes guerres; c'est assavoir de lieutenant, de capitaine ou de gouverneur gênerai. Et lesdiz providateurs ont aussi tyltre de providateur gênerai, et leur office est de conseiller les choses qui sont a faire | pour ladicte guerre, avecques ceulx qui ont le gouver- (M82) nement d'icelle, comme dit est dessus. Et tout ce que ladicte Seigneurie veult commander ausdiz lieutenant, capitaine ou gouverneur gênerai, elle l'escript ausdiz providateurs, et lesdiz providateurs le font entendre ausdiz lieutenant, capitaine ou gouverneur gênerai. Et la response qu'il a d'eulx, incontinent il escript a la Seigneurie ; et aussi il escript, de jour en jour et de heure en heure, tout ce qui se fait a la guerre, et ce qui est a faire. Et se ilz ont besoing de quelque chose de ladicte Seigneurie, ilz le demandent par lesdictes lettres. Après, il appartient ausdiz providateurs de (aire que les gens qui sont a la guerre ayent des vivres et toutes aultres choses qui leur sont nécessaires en bonne suffisance et abondance. Et pour faire telles choses ils escripvent aux recteurs et aultres qui sont soubz la juridiction de la Seigneurie de Venise ce qu'il fault faire, desquelz ils sont obeyz en toutes choses, comme la Seigneurie propre. Il est aussi envoyé par ladicte Seigneurie a ladicte guerre des aultres providateurs, c'est assavoir aulcuns sur abalaistriers, aulcuns sur les stratiotes et aulcuns sur les gens | de pied et aulcuns sur l'artillerie, lesquelz (f° 182 v°) tous providateurs sont soubz l'obédience du providateur gênerai. Et après, lesdiz providateurs d'arbalaistriers, de stratiotes, de gens de pied et d'artillerie, pourvoyent aux gens et choses desquelz ilz ont la charge. Lesdiz providateurs, tant generaulx comme particuliers, sont tous gentilz hommes de Venise, et sont esleuz par le Conseil des Priés, par scrutine, et beaucoup de foys sont esleuz par condicion que, s'ilz refFusent ledit office de providateur, ilz sont tenuz de payer grant somme d'argent, et quelque foys bannys de la cité de Venise. Et lesdiz providateurs sont envoyez avecques tel train qu'il plaist a la Seigneurie; et ont pour leurs despens, comme dit est des ambassadeurs, au chap. 94. Etchascun desdiz providateurs a avecques lui ung secrétaire de la chancellerie.

304 APPENDICK I

Et les providateurs generaulx ont, pour la garde de leurs corps, pour le moins cinquante provisionnés, chascun d'eulx. Il est aussi envoyé a ladicte guerre ung aultre gentilhomme soubz nom depogiiadour, c'est a dire de trésorier ou argentier, lequel

(f» 183) reçoit et despend tout | l'argent que la Seigneurie envoyé a la guerre. Toutesfoys, il n'en peult rien despendre, si n'a les cedulles faictes par le colateral gênerai ou par le vice colateral, et seigné et scellé de la main et seel dudit providateur, et ce quant aux payemens des gens de guerre. Et touchant aultre despense, il fault que que les cedulles soient faictes par ung des secrétaires de providateur gênerai et signées et scellées comme dit est dessus. Ledit paguadour est esleu par le Colliege par scrutine de ceulx dudit Colliege, et est envoyé avecques tel train qu'il plaist a la Seigneurie; et a pour sa despense comme dit est des ambassdeurs, au chapitre 94. Toutesfoys il a avecques luy ung bon clerc de comptes qui tient le compte de tout l'argent qui est manyé par ledit paguadour. Quant lesdiz providateurs generaulx s'en retournent a Venise, s'ilz sont deux, le plus jeune rapporte au Colliege, et le plus vieulx au Conseil des Priés. Et s'il y en a ung seul, il rapporte en chascun desdiz lieux tout ce qu'il a fait durant le temps qu'il a esté audit office de providateur. Et après il vient a parler |

(f°183v°) de ceulx qui ont esté a ladicte guerre, c'est assavoir de ceulx qui ont le gouvernement des gens de chevaulx et des gens de pied, depuis le plus grand jusques au moindre. Et ceulx qui se sont bien portez, il les loue, et de ceulx qui se sont mal portez, il declaireleur mauvais portement. Et aussi il parle des gens particuliers s'ilz ont fait quelque chose digne de rapport. Et par le Duc luy est respondu a chascune partie ; et ceulx qui se sont bien portez sont rémunérez selon leur operacion, et les aultres qui se sont mal portez demeurent en leur estât, ou quelquefoys ilz sont cassez du service de la Seigneurie. Les aultres providateurs, desquelz est parlé dessus, s'ilz viennent a Venise avec les providateurs generaulx, ilz ne font nul rapport, mais s'ilz viennent seulz, ilz font leur rapport au Colliege et quelquefoys aussi au Conseil des Priés.