HISTOIRE UES TROUBLES
tous huguenots; ayant continuellement hanté les presches , cène calviniste et avoir porté leurs enfans baptiser à Bohain par les ministres ; le premier s’appeloit Fédéric de Haynau, lueur de toilette, hors la porte Nostre-Dame; le 2' Jean Dubois, tondeur de grand force; le 3° estoit ung povre hôme tordeur d’huile; le 4° Estienne de le Becq, Carpentier, demorant hors la porte Montoize.
Le xi” jour de may 1585, Pierre le Riche, sayeteur, natif de ceste ville, fut pendu et estranglé sur le marché de Valentienne, après avoir esté près d’ung an prisonnier; sa calenge portoit qu’il avoit esté prins prisonnier en l’an 1572, de par les comis de Sa Majesté pour les faicts de l’hérésie, et que depuis il avoit esté relaxé en vertu du pardon donné par le roi, en abjurant son hérésie, promettant de vivre à l’advenir selon la foy apostolicq et romaine, ce qu’il n’avoit faict ; mais depuis avoit du tout continué en son erreur, blasphémé l’église romaine; il est mort obtiné et opiniastre , en son erreur héréticq.
Le six» jour de décembre an 1581, Pierre le Roux, pisneur de sayette, ayant une gambe de bois, demorant en la court au petit Fossart 1 , fut pendu et estranglé sur le marché de ceste ville, pour avoir tenus en sa maison des conventicules, et faict la presche à la huguenoste, par grande et longue continuation de temps; à cause qu’il avoit une gambe de bois, il fut eslevé au gibet par une molette.
1 Rue ainsi nommée parce qu’elle côtoyait les fossés de la place.
DK VALENCIENNES.
Le mesme jour, Jeau de Gand, pour avoir continuellement hanté les presche dudit Pierre le Roux, eut la teste tranchée.
Le mesme jour le boureau amena de la prison, sur ung hourdement faict sur le marché publiquement, plusieurs femmes et jonne filles, ayant tous la hart au col, pour avoir assisté audits presches et assemblées, et illecq prièrent merchies à Dieu et à la justice, puis furent bannies de ceste ville et banlieu et de tout le pays d’Haynau.
Copie du serment que feirent les bourgeois de Valentiennes, l’an 1577, dont il en est faict mention cy-dessus, page 133.
Les quattres compagnies bourgeoises au nombre de dix-huict cens hômes, tous portans armes, soubs les capitaines y commis , par monsieur le comte de Lalaing, comme gouverneur dudit Valen tienne, pour la bonne et seure garde de ladite ville, ont faict serment solemnel ès mains dudit sieur Comte, passant monstre généralle, le samedy 19 d’octobre 1577, en la forme qui s’ensuit, et chacun particulièrement.
Je N, jure Dieu tout puissant sur les
sainctes évangiles, la croix que je touche de mes mains, que je suis, veux vivre et demorer en la communion de la sainete Église de Dieu, catholicq, apostolicq, romaine, et en l’union des estats généraux de ces pays ; que je rendray toutes obéissance deue au roy catholicq, comme seigneur de Valen tiennes, mon souverain prince naturel et aux gouverneur, magistrats, de sa part commis establis en ceste ville
de Valentiennes; comme aussy à mon capitaine quiconq le sera; si promet d’user des armes qui me seront commises, de m’esvertuer à mon possible, toutes les fois que je seray commandé pour la tuition , entretenement, conservation de la saincte foy, religion catholicq romaine; de l’obéissance que je dois à Sadite Majesté, ses gouverneurs, magistrats mes supérieurs, ensemble pour la comune deffense de la patrie, et signament pour la seure garde de ceste dite ville, contre tous estrangiers et autres, qui voudroient faire ou machiner chose qui soit au contraire; à peine que si je contreviens à aulcuns des points susdits, d’estre pugny, châtiés, comme l’ordre de droict et bonne justice la requiert; à quoy je me soubmets volontairement, ainsy m’ayde Dieu et tous les saincts.
Ce serment fut encor faict par les capitaines, lieutenants, enseignes, officiers et bourgeois, soldats de Valentiennes, le 29 de mars 1582, en la salle-le- Comte, en présence du comte Lalaing, gouverneur de ladite ville de Valentiennes, y ayant bien peu de différence au susdit.
Extrait des registres reposant en la maison eschevinale de la ville de Valenciennes.
Le 23 d’octobre 1579, furent bannys de la ville et banlieu de Valentiennes et aussy du pays d’Havnau, pour s’estre démonstré séditieux et avec armes, en la place Saint-Jean, le jour de l’arrivée du prince d’Espinoy : Pierre Poix, mulquinier, natif de Saint- Saulve; Jean le Ghay, laisnier, natif de Bermerain;
DE VALENCIBNNES.
Isaac de Ron, soyeur d’aix, natif d’Arras; Jacques de Preseau, porteur au sacq, natif de ceste ville; Jean Coûtant, bouchier, aussy de la ville; Jean Rogier, merchier, dict Fer d’alenne, estranger; Jean Mochet, nepveu de l’hoste de l’Ours, à marier, natif de la ville, présentement soldat à Saint-Amand; Jean Daillet, boulenger, estranger, manans de la ville ; et Jean Turqueau dict Sory, mulquinier, natif de Maries, aussy manant.
Du pénultienne dudit mois d’octobre : Guillaume Daudregnies, renvoyez avec ses charges pour les actes susdictes.
Le samedy dernier d’octobre 1579 : Gilles de la' Cambe, marchant toillier, fut condamné de prier merchie à Dieu et à justice, et dire qu’il se repentait d’avoir dict, estant de garde à la porte Tournisienne, comme bourgeois, et le prince d’Espinoy au tapecul 1 pour entrer, ces mots ; ce sont nos amis, voulons-nous faire nos amis nos ennemis ? nous n aurons point de marchandise, de quoy vivrons-nous ‘l incitant les autres de les laisser entrer ; oultre fut condamné de payer demy muyd de bled, au proffict de la bonne maison des chartriers et payer les despens de prison.
Pierre le May, bourgeois de Valentiennes, renvoyé de prison avec ses charges, fut condamné de tenir la ville pour prison, avec promesse de se représenter, quand il plairoit à messieurs de la justice, payant ses dépens de prison.
1 Clôture des poternes, réservées au passage des piétons ilimoires de Champagney , 106.
HISTOIRE DES TBOUBLES
Jean Molin, dict Morlet, chavetier, natif de la ville, fut aussy eslargis, avec ses faicts et charges, en payant ses despens de prison.
Du mardy, 3 de novembre 1579 : Pierre Carneau, natif de ceste ville, chavetier et palmenier 1 , fut aussy renvoyé avec ses charges ; luy enjoindant de tenir la ville pour prison, sans en pouvoir sortir sans le consentement de messieurs de la justice et avec admonition.
Antoine du Sart, tollier 1 , fut élargis avec ses faicts et charges, à promesse qu’il feit de soy représenter toutes les fois qu’il plairoit à Messieurs.
Du mercredy, 4 novembre 1579 : Bon Fontaine, natif d’Arras , de stil sayeteur, fut aussy élargy et renvoyé avec ses charges.
Du jeudy, 5 novembre 1579 : Pierre Petit, peletier, natif de la ville, pour avoir proféré en sa maison, le jour de l’arrivement du prince d’Espinoy, ces mots : « Pourquoi/ prendrons-nous les armes ? je veux vivre et mourir pour monsieur le prince ; il vient pour nostre lien, je le dit hault et cler,je veux bien qu’on m’oye; fut condamné de prier merchie à Dieu et justice en chambre, se repentant d’avoir usé de tel propos et à dix florins d’amende au profict et à répartir aux maisons pieuses de ceste ville.
Pierre Capelle, qui fut hoste du logis du Lion d’or, pour avoir proférés divers propos injurieux, au déshonneur du comte de Lalaing, sçavoir que le séneschal estoit venu en ceste ville, pour le bien
' Depalmener , façonner le cuir, lui donner le grain. 2 Tisserand, fabricant de toile.
[1579] DK VALENCIENNES. 155
d’icelle , et que Messieurs avaient mal faict et eu grand tort de ne point l’avoir voulu ouyr ; que c estait une saquoy ' de beau, d’avoir laissé entrer monsieur de Lalaing ; c’est ung beau garçon et ung beau , belistre envers 1 ledit séneschal, qui estoit beaucoup plus noble que ledit sieur de Lalaing ; fut condampné, ayant égard que lesdits mots n’avoient esté dict publiquement , ains en une maison , à prier mercliie à Dieu et justice en chambre, et à dix florins au profict des bonnes maisons de ceste ville.
Du 7 novembre 1579 : Pierre Coullon, de stil pisneur, fut élargis avec ses charges, à condition de se représenter quand Messieurs le manderoient.
Melchior Huet, orlogeur, natif de Condé, manans de ceste ville, pour s’estre empesché avec autres de retenir le prince d’Espinoy en ceste ville, lorsqu’il s’en alloit pour sortir, par la porte Tournisienne ; fut banny de ceste ville, banlieue et pays de Haynau, pour dix ans.
Ledit jour furent aussy bannis pour s’estre absentés de la ville et rendus fugitifs , pour cause de l’esmotion et troubles advenu , à l’arrivée du prince d’Espinoy, les aulcuns par port d’armes, et autres s’estre montré séditieux et favoriser aux entreprinses dudit sieur, à sçavoir : Mathieu Hollandois, crassier, natif de ceste ville; Alexandre de la Place, escrignier, natif d’Azin, et Christophe de Bracq, mulquinier, natif de Thiant, à toujours et sur la liart; Nicolas Porus, laisnier, natif du Grand- Wargny, le terme de six ans; Jacques Barat, Jacques Leblon, fils
1 Quelque chose. 2 En comparaison de...
