LE SECOND BERGER

Comme tu l'entendz Savoir je désire

De ce que veulx dire Qu'un grand terrien De c'il qui n'a rien N'a pas ladvantage

LE PREMIER

Je ne suis si voiaige Qu'à la noblesse nous veulle comparer.

Mais je veulx dire s'il nous fault labourer En grand travail pour cultiver la terre :

Aussi sont-ilz tous les jours à la guerre Pour soubstenir le paovre populaire, Qu'est bien un faict d'un pasteur débonnaire, Mettre sa vie en ung si grand danger Pour des tirans nous garder d'outrager :

Voilà comment je pance et arregarde Qu'ilz ont peyne pour nostre sauvegarde, Et nous, n'avons que garder brébiètes En leur pasture, et dire chansonnettes :

Qu'en veulx-tu dire? Mais n'est-il pas ainsin?