Aux habitans de Bourges , sur la guerre d'Italie
De par le Roy.
Très chers et bien amez, vous avez pieca peu savoir et entendre l'emprise que nous avons faicte pour le recouvrement de nostre royaume de Napples et comme au mois d'avril derrenicr passé nous feismes mettre sus nostre armée
tant de gens de pié comme à cheval pour, avec les cappitaines el chefs . que y depputasmes et ordonnasmes lors, exécuter nostre d. emprise. Et combien que puis naguères nos d. lieuxtcnans et capitaines nous eussent cscript et fait savoir la forme et manière de la prise de la ville et cité de Capoue qui fut par la force et d assault et tous ceulx qui estoicnt dedans pour la deffence d icelle prins et tuez , ce neantmoins attendans les nouvelles qui ce jourd'hui nous sont venues nous ne vous en avons aucune chose faict savoir. Et pource que présentement sommes acertenez tant par note de nosd. iieuxten. que d'ailleurs que par traicté accord et appoinctement faict avecques Domp Federic d'Arragon les villes et cités de Napples et de Gayete et les chasteaulx neuf de l'Œuf et dud. Gayete sont à ceste heure présente entre nos mains et vraye obéissance et led. Federic avec ses biens retirés en l'isle d'Iscle (Ischia) nous avons bien voulu vous en esenre et faire participans des bonnes nouvelles que nous en avons eues qui sont telles que aujourd'huy tout ce qui nous peut et doit appartenir aud. royaume est entre nosd. mains en aussi bonne et sage obéissance que nulle autre ville ne cité que ayons en cestuy nostre Royaume , réservé lad. isle d'Iscle laquelle dedans six mois prochain led. Domp Federic est obligé et tenu nous rendre et la bailler à nosd. Iieuxten. qui est la totalle fin et perfection de lad. conqueste en laquelle Dieu nostre CTeateur nous a fait une très grande et singulière grâce, et à luy seul aussi en attribuons la louange et gloire. Vous priant et néantmoings mandant des nouvelles et grâces dessusd. comme nos bons vrays et loyaux subjects et que savons aymer et désyrer de tous vos pouvoirs le bien , homneur et prospérité de nous et de nos affaires, en faire telle demonstrance de joye que le cas le requiert et par processions prières et oroisons rendre grâces de nostre part à nostre d. créateur de la victoire qu'il luy a pieu nous donner contre led. Federic au recouvrement de celui nostre royaume et oultre de ce que vous ferez vos devoirs et la raison , ce nous sera plaisir très agréable. Donné à Lyon le viip jour d aoust. Lois. Robertet.
2. — Aux mêmes, sur la mort et les funérailles de la Duchesse Jeanne.
De par le Roy.
Très cheçs et bien amez, nous avons secu le trespas de feue nostre cousine la Duchesse de Berry, dont sommes très
ÔO —
desplaisans et nous escrivons au sieur Daumont pour qu'il la face ensépulturer au lieu où elle avoit le plus de devocion durant sa vie, et escripvons à nos amez et feaulx lArcevesque de Bourges, les Abbez de S. Sulpice et de la Prée et semblablement à ceulx de la saincte Chapelle qu'ils luy facent le jour de son obsèque tout l'honneur que possible sera. Et vous prions et mandons que de vostre part vous le vueillez ainsy faire et vous y trouver led. jour pour luy faire tout l'honneur et service que vous pourrez. Donné à Paris le vi e jour de febvrier.' Lots. Bohier.
