III. — CHARLES VIII

Aux habitans de Bourges.

De par te Roy.

Chiers et bien amez, nous avons esté adverty que la rue de Sainct Ambroys de notre ville de Bourges par laquelle est le passaige de lad. ville pour aller en nostre hostel et Chastel appelle la Salle le Roy n'est point pavée et que ou temps d'iver n'y a nul charroy ni gens à cheval qu ils puissent entrer en nostre d. ville par la porte dud. Saint Ambroys: qui est une chose bien difforme en une bonne ville que les entrées soient mauvaises et sans pavé. A ceste cause et aussi quant serons en nostre d. ville et que vouldrons aller à la chasse à lad. Salle le Roy nous conviendra passer pour le plus aisé par lad. rue Sainct Ambroys, vous mandons que des deniers que vous avons donnez pour convertir et employer aux repparacions de nostre d. ville vous fêtes paver lad. rue le plustost que faire se pourra , car cest une chose bien utile et gardez que en ce n'y ait faultc. Donné à Paris le 23» jour de juing.

Charles. Bourdin.