A nos chiers et bien amez les doien et Chapitre de

l'Esglise de sainct Estienne de Bourges.

De par le Roy ,

Chiers et bien amez, puis nagueres vous avons escript que vous voulsissiez donner à nostre chier et bien amé maistre Gilles de Pontbrien la première prébende qui vacqueroit en vostre Eglise et que sur ce nous fissiez response de vostre vouloir, ce que n'avez encore fait. Sur ce comme l'on nous a averty que aucuns de vostre Esglisc se sont excusez sur ung

[1] V. deux autre* lettre* très curieuse* de Louis XI , dans rtûit. du Barry de La Taumusiere , p. 116.

statut qui a esté fait seulement entre les aucuns de vous, sans la congrégation du chappitre, laquelle chose pourroit avoir esté faicte par manière de faincle ou autrement pour non obtempérer à notre vouloir et singulier plaisir , parquoy de rechief vous escripvous et vous prions une foys pour toutes et sur tant que vous aymez à nous complaire et obéir que de la première qui vacquera vous en vueillez pourvoir sur tous autres ledit maistre Gilles en façon que nous n'ayons plus cause de vous en escripre. Et se ainsy le faictes vous nous ferez un bien grant et très agréable service et plaisir qui nous sera fort pour agréable, et vous asseurons que le recognoistrons bien quand d'aucune chose nous ferez requérir. Donné au Plessisdu Parc les Tours le dernier jour d aoust.

Lots. Gassault.