II

rent d'arrester, disans que certains pnissans hommes leur avoyent esté contraires, et n'avoyent i)as jugé estre à propos qu'il leur fist tant d'honneur ; au reste , qu'ils estoyent tresdesplaisans de toute ceste affaire ; qu'ils sçavoyent bien que c'estoit une indignité , mais que pourtant il n'estoit pas à leur pouvoir d'y contredire. A la vérité c'estoit un affront duquel tout autre se fust indigné; maisluy, au contraire, les reçeut et renvoya tres-courtoisement , se contentant d'ouyr le prédicateur d'Anicy, et de dire à ses filles de saincte Marie les conceptions qu'il avoit préparées pour ceux de Salins.

L'année de la probation de ces dévotes servantes de Jesus- Christ et de sa glorieuse Mère estant révolue , il consentit qu'elles fissent la profession à simples vœux. Le président Favre estoit venu ou retourné tout exprés pour voir la constance de sa fille. Toute la ville y accourust avec la curiosité que le peuple a accoustumé quand il se faict quelque chose nouvelle ; et c'estoit le mesme jour sixiesme de juin dédié à sainct Claude. Ne voilà pas maintenant l'accomplissement de la vision qu'eust la vertueuse Mère de Chantai , de la porte de sainct Claude, par laquelle elle entroit au repos des enfants de Dieu ? Le bien-heureux Evesque, sous les chœurs des musiciens , luy bailla le voile et à ses Sœurs , et fist une tres-fervente exhortation. L'institution fust sous la reîgle de sainct Augustin , et le nom de la Visitation de la tres-glorieuse Vierge Marie nostre Dame , parce qu'il les destinoit à la visite des malades , des prisonniers et misérables , pour les secourir selon leurs moyens. Il leur laissa l'habit noir à manches estroictes joinctes au corps, leur assigna le petit Office de nostre Dame pour le reciter à heures déterminées , et leur recommanda sur toutes choses les œuvres de charité, avec la douceur et humilité. C'estoit une merveille qui touchoit de tendreté les cœurs de tous les bons , do voir des dames de qualité et de délicates damoiselles^ eslevées et