LIVRE SEPTIESBIE

le demande la famille des serenissimes ducs de Savoye y laquelle, par la constance de la foy et par plusieurs généreux exploicts, a autrefois apporté , et apportera par cy-aprés un grand soulagement à l'Eglise. Ainsi davantage le demande toute ceste province de Savoye, et principalement ce diocèse de Genève , qui , se sentant annobly de la naissance de ce grand prince, ne peut qu'il n'ayt une grande espérance en ses prières et faveurs. Ainsi en fin le demandent les mérites et les miracles du mesme bien-heureux Amedée , qui sont très grands et très- illustres, et en qualité et en nombre. Faictes-le donc, tres-sainct Père, et ne laissés plus cachée ceste lampe allumée du feu divin; mais plustost mettes là sur le chandellier , afin qu'elle esclaire à tous ceux de la maison. Sanctifiés le nom de celuy qui a sanctifié le nom de Dieu avec tant de charité, et l'a faict recognoistre par une multitude de miracles. Annoncés à toute l'Eglise qui est en terre que nostre Seigneur a privilégié son sainct dans les cieux, et que loutesfois et quantes que nous l'invoquerons il nous exaucera. Ce sont les vœux de celuy qui désire de tout son cœur que vostre Saincteté préside et profite long temps et heureusement à tous les chrestiens. »

Voilà comment un sainct escrivoit sainctement pour un sainct. Il escrivit aussi d'autres lettres au Duc serenissime pour l'encourager à la poursuite de ceste si bonne aflfaire , et lequel certes en ces temps aymoit tellement le bien-heureux Prélat, qu'ayant rejette et oublié toute sorte de soupçons , il le nomma à l'abbaye de Ripaille , vacante par le decez de Thomas Pobel , evesque de sainct Paul, que toutefois il refusa avec action de grâces de la bonne volonté que son Altesse luy tesmoignoit.