LIVRE DIXIESME
luy quelque accez de familiarité faisoyent tout leur possible pour l'en dissuader , disons que son Altesse l'excuseroit facilement s'il luy r'escrivoit le misérable estât auquel sa santé se treuvoit. Mais luy : « Que voulez-vous? disoit-il, il faut aller où Dieu nous appelle. » Toutesfois , prévoyant bien sa mort , il disposa de toutes ses affaires , et fist son testament solemnely ensemble avec le Reverendissime son Coadjuteur, le sixiesme jour du mois de novembre , lequel il signa et scella convenablement, et prenant acte de Philibert Roges, docteur en théologie , chanoine et officiai de l'Eglise de Genève , et ayant prié pour tesmoings Louys de Sales , prevost de l'Eglise de Genève, Pierre François Jaïus, chanoine théologal , Jean Rolland , docteur es droicts , George Rolland , docteur en droict canon , chanoines cathedraux ; Claude de Coëx, Barthélémy Floccard , collatéraux au conseil de Genevois , Antoine de Boëge , sieur de Conflans , ballif de Genevois , François Viallon , sieur de la Pesse , advocat fiscal du tres-illustre duc de Nemours , Michel Bouvard , advocat au souverain Sénat de Savoye , et Philippe Ducrest , greffier de l'officialité.
Incontinent il prépara tout ce qui luy estoit nécessaire pour ce voyage, dict adieu à tous les siens, et prédit sa mort avec des paroUes expresses , adjoustant que c'estoit peu qu'il mourust dehors de son pays , pourveu qu'il mourust bien. Pierre Gritain, plebain de l'Eglise de Thone, estant venu recevoir sa saincte bénédiction , il luy déclara tous les desseins de ses livres, et à la fin adjousta : ce Or bien, nous les avons commencez, mais peut-estre qu'un autre les achèvera ; car il faut s'en aller à nostre Seigneur. » Ce bon ecclésiastique fust grandement estonné d'entendre telles parolles , et , se prosternant sur ses genoux, le pria de luy bailler sa bénédiction; ce que le sainct Evesque fist , et luy rendit des tesmoignages d'une grande amitié , luy recommanda la charge des âmes , luy demanda s'il ne reviendroit pas bien fost; mais le sieur
plebain luy ayant respondu qu'avec l'ayde de Dieu il reviendroit dans trois mois : a Or bien , luy repartit-il , priez Dieu pour moy : nous ne nous reverrons donc plus en ce monde. » Sur quoy le bon ecclésiastique luy dict : « Monseigneur, quand je considère vostre visage et vostre santé, je ne désespère point de vous voir encore. » Alors il luy répliqua à basse voix : ce Allez, Monsieur le plebain, vous ne sçavez pas tout. » Les chanoines de son Eglise cathédrale vindrent en corps luy dire adieu. Or, comme il les avoit tousjours aymez avec une dilection tres-tendre, comme ses frères, de mesme il les embrassa tous l'un après l'autre, les conjura de prier Dieu pour luy, et leur prédit sa mort fort clairement , disant qu'il alloit pour ne revenir plus. Le Père Anselme Marchand , de l'Ordre des frères Mineurs de l'Obse^ vance régulière, vers lequel il se confessoit souvent, s'estant jette à genoux et luy embrassant la cuisse, il luy dit : «Ce voyage me coustera la vie, et désormais nous ne nous reverrons plus qu'en paradis. » Il en dict tout autant au Père Claude Sonnier du mesme Ordre , confesseur des religieuse» de saincte Claire. A l'un de ses domestiques il tint confidemment ces propos : a Je ne feray pas comme les Chevaux légers : je m'en iray sans trompette, et quand vous entendrez dire que je seray malade, sçachez que je seray mort. » En fin il s'en alla dire adieu à ses chères filles les religieuses de la Visitation, célébra la messe devant elles, leur bailla à toutes sa bénédiction , leur donna une tres-precieuse et belle chasuble estimée deux cens escus, leur recommanda l'obeyssanceetla charité, et, pour conclusion, leur dict qu'il ne luy restoit plus rien que le ciel. Estant de retour du monastère, il fist appeller l'Huguine, fille de Bernard Paris ( la mesme à laquelle il avoit autresfois prédit qu'elle ne passeroit pas les quatorze ans) , fille grandement addonnée à la dévotion et fort modeste , et luy dit : a Adieu , ma fille : nous ne nons reverrons plus qu'en paradis; » et elle ne tarda pas hw^
