LIVRE SEPTIESME. i
cacheiay le cœur de ceste mère contre toute irîstesse. Au demeurant, elle vous remercie infiniment du soing et de l'amour maternel que vous avés exercé à l'endroit de ceste petite defuncte, avec. obligation aussi grande que si Dieu Teust conservée par ce moyen. Autant vous en dit toute la fraternité , laquelle de vray s'est tesmoignéo d'extrêmement bon naturel au ressentiment de ce trespas , sur tout nostre Boisy, que j'en ayme d'avantage.
» Je sçay bien que vous me direz volontiers : Et vous, comment vous estes vous comporté ? Ouy : car vous desirez de scavoir ce que je fais. Helas ! ma fille, je suis tant homme que rien plus ; mon cœur s'est attendry plus que je n'eusse jamais pensé. Mais la vérité est que le desplaisir de ma mero et le vostre y ont beaucoup contribué ; car j'ay eu peur de vostre cœur et de celuy de ma mère. Mais quant au reste , ô ! vive Jésus ! je tiendray tousjours le party de la providence divine : elle faict tout bien , et dispose de toutes choses au mieux. Quel bon-heur a ceste fille d'avoir esté ravie du monde à fin que la malice ne pervertist son esprit, et d'eslre sortie de ce lieu fangeux avant qu'elle s'y fust souillée? On cueille les fraises et les cerises avant les poires bergamottes et les capenduz; mais c'est parce que leur saison le requiert. Laissons que Dieu recueille ce qu'il a planté en son verger; il prend tout à saison. Vous pouvés penser, ma chère fiQe, combien j'aymois cordialement ceste petite fille. Je l'avois engendrée à son Sauveur : car je l'avois baptisée de ma propre msûn , il y a environ quatorze ans ; ce fut la première créature sur laquelle j'exercay mon Ordre de sacerdoce. J'estois son père spirituel , et me promettois bien d'en faire un jour quelque chose de bon ; et ce qui me la rendoit fort chère (mais je dis la vérité) , c'est qu'elle estoit vostre. Mais neantmoins , ma chère fille , au milieu de mon cœur de chair, qui a eu tant de ressentiments de ceste mort, j'aperçois fort sensiblement une certaine soûefve tranquillité , et certain doux
repos de mon esprit en la providence divine , qui respand en mon ame un grand contentement en ces desplaisirs^ Or bien^ voilà mes mouvemens représentés comme je puis, d
Un peu après il adjouste : «Je m^espanche, ce me semble, un peu trop ; mais quoy ? Je suis mon cœur , qui ne pense jamais trop dire avec ceste si chère fille. Je vous envoyé un escusson pour vous aggreer ; et , puis qu^il vous plaist de faire faire le service là ou ceste fille repose en son corps , je le trouve bon, mais sans grandes pompes, sinon celles que justement la coustume chrestienne exige ; car à quoy tout le reste? Vous ferés par après tirer en liste tous ces frais , et ceux de sa maladie , et me l'envoyerès ; car je le veux ainsi ; et cependant on priera Dieu de deçà pour ceste ame , et luy ferons joliment ses petits honneurs. Nous n'envoyerons point à son quarantal ; non, ma fille, il ne faut pas tant de mystères pour une fille qui n'a jamais tenu aucun rang en ce monde : ce seroit se faire mocquer : vous me cognoissès , j'ayme la simplicité et en la mort et en la vie. Je seray bien aise de sçavoir le nom et le tiltre de l'Eglise où elle est. Voilà tout pour ce sujet. »
En fin le sainct Prélat, après avoir remis et laissé delà sorte l'esprit de sa mère, retourna à son employ apostolique, et, le quatriesme jour de novembre, visita l'Eglise de saincte Consorce du Sappey , et de sainct Christophle de Vouray ; le cinquiesme , de sainct Martin d'Alonzier , et de sainct Donat de Cuvât; le sixiesme, de nostre Dame et de sainct Theodule de Villy le Pellu ; le mesme, de sainct Oyan d'Avrigny ; le septiesme , de l'Assumplion de nostre Dame de Cercy , et de^ sainct Julian de Verrier ; le huictiesme , de sainct Benoist de Choisy ; le neufviesme , de sainct Martin de la grand'- Balme ; le dixiesme , de sainct Pierre de Sattonay , et de sainct Denis de Misigny ; le douziesme , de sainct Hylaire de Muziege , et de sainct Aquilin de Frengy ; le treiziesme , de l'Assumption de nostre Dame de Chissenaz ; le quatorziesme.
