DÉFENSE AU COMTE DE HARCOURT ET A ROBERT BERTRAN DE SE GUERROYER

SO mars 1341.

Philippe , par la grace de Dieu roys de France, aux baillis de Roan , Caux , Costentin , Gisors et Caen , ou à leurs lieux tenans, salut. Nous entendons que noz amez et feauls le conte de Harecourt et le mareschal Bertren font semonces li uns contre l'autre et signe de guerroier li uns àl'autre , laquelle chose n'est honorable ne loisable à eulz à faire maintenant, mesmement pour cause de noz guerrez, qui sont si prestes et prochaines comme chascun scet ; et pour ce vous mandonsnousetestroitement commandons si estroitement comme plus poons, etàchascun de vouz, sanz attendre li uns l'autre, que, tantost veuez ces lettrez, vouz aillez deffendre aus diz conte et mareschal, et à chascun de eulz, de par nous, que il ne soient si hardi, sur quanques il se pueent meffaire envers nouz., de guerroier li uns à l'autre, de faire en signe ne semonce aucune, aincoiz, se fait en ont aucune chose, que tantost il le rappellent et cessent ; et se aucuns faitau contraire, prenez et saisissez leurs biens touz , et mettez en nostre main et devers vouz , sanz delivrer ne retroirre, se par nouz n'est. Donné à Sainte Genme , le xxx* jour de mars, l'an de grace mil ccc et quarante , souz nostre petit seel.

( Copie du temps, à la Bibl. imp., Lettres de Philippe VE, à date du 30 mars 1541 , n. s.)