CHANDOS POUR UN TERME DE LA PENSION QUE LUI FAISAIT LE ROI DE NAVARRE

QO octobre 1361.

Sachent tous que nous Jehan Stoke, capitaine et lieutenant à Saint Sauveur le Viconte pour très noble et puissant

seigneur messire Jehan Chaindos, seigneur d'ilec, avons eu et receu , pour et ou nom de nostre dit seigneur, sur sa retenue de très noble et très exellent prince le roy de Navarre , pour la moitié d'icelle deue au terme de la Saint- Michiel derrainiére passée, par la main du viconte de Vallongnes , la somme de cinq cens roiaux , de laquelle somme nous nous tenons pour poiez etc. Donné à Saint-Sauveur le Viconte, le xxix* jour d'octobre , l'an de grace mil ccc soixante et un.

(Orig. à la Bibl. Imp., Titres scellés de Clairambauit , vol. 104, f. 8123.)

99. FRAGMENT DES COMPTES DE THOMAS LE MELLE , CONTENANT LE DÉTAIL DE DIVERSES SOMMESPAYÉES AUX ANGLAIS DE SAINT-SAUVEUR.

A mons. Jehan Stokes , chevalier, chastellain et garde du chastel et forteresse de Saint Sauveur le Viconte, et lieutenant de mons. Jehan Chandos, viconte et seigneur d'icelui lieu , lors lieutenant du rov d'Angleterre en France et en Normandie et commissaire de par le dit viconte sur le cas de composer des arrérages et restes deues à la dicte forteresse , pour deniers à lui paiez sur la rencon des villes, terres, hommes, recéans et subgiez de nobles et excellans princes nosseigneurs les dux de Normandie et d'Orléans, pour laquele rançon mons. Raoul de Brulli, Colin de Briqueville , Jehan du Coisel, Richart Codran, Bernier Guerart, lors bailli de Pontorson , Mathie de Carridon, adont viconte de Saint Sauveur Lendelin , Ferrant de Saint Germain, Aubin de Lithehare, Philippe Gardelor, Jehan Vion, Thomas de Campront , Jehan seigneur des Plains, Jehan des Gardins

et maistre Nicole Lucas estoient obligiez pour ce audit chastellain et commissaire dessus dit , par sa lettre de quittance donnée le jour Saint Michiel au mont de Tombe l'an mil cccLxr, la somme de trois mille royaulx, sur ce que l'en povoit devoir au dit viconte et seigneur de Saint Sauveur le Viconte , à cause de la composicion de la rancon des dictes villes , sur la quele somme de trois mille royaulx le dit Thomas le Melle paia par sa main mil cinq cens trente sept royaulx et demi.

= A mons. Jehan Chandos , viconte de Saint Sauveur le Viconte , pour deniers à lui paiez comptans par la main de mess. Raoul de Brulli , chevalier, Mathie de Caerdoc, viconte de Saint Sauveur Lendelin, Ferrant de Saint-Germain, escuier, Aubin de Litehare et Jehan du Coisel, deux mille royaulx d'or, en rabatant de la somme de six mille royaulx demourant de la somme de neuf mille royaulx , en quoy les dessuz nommez et plusieurs autres estoient obligiez pour la finance et composicion faite pour les terres et pais, hommes, recéans et subgiez de nosseigneurs les dux de Normandie et d'Orléans au dit messire Jehan de Stokes , chastellain du dit lieu de Saint Sauveur le Viconte et commissaire quant à ce pour recevoir la finance de la dicte composicion, pour ce audit messire Jehan Chandos, par sa lettre de quittance donnée le derrain jour de septembre mil ccc Lxi, la dicte somme de deux mille royaulx , sur la quele somme le dit Thomas le Melle paia par sa main sept cens royaulx.

Au dit mons. Jehan de Stokes, chevalier, lieutenant et capitaine à Saint Sauveur pour et ou nom du dit messire Jehan Chandos, viconte et seigneur du dit lieu, pour autres deniers à lui paiez , c'est assavoir la somme de quatre cens royaulx d'or comptans par la main de messire Ferrault de Saint Germain , chevalier, sur ce en quoy Bernier Guerart , bailli de Pontorson , le viconte de Saint Sauveur Lendelin , mess. Raoul de Brulli , Colin de Briqueville , Jehan du Coisel, Jehan Vion, Thomas de Campront , Aubin de Litehare,

Philippe Gardelor, Richart Coudran, Jehan des Jardins, Jehan, seigneur des Plains , maistre Nicole Lucas et le dit messire Feraut de Saint Germain povoient estre tenuz à cause des restes des rancons deues au dit lieu de Saint Sanveurle Viconte pour ce audit lieutenant et capitaine, par sa quittance donnée le xvr' jour d'avril l'an mil ccc Lxim, la dicte somme de quatre cens royaulx, sur la quele somme le dit Thomas le Melle paia par sa main deux cens quatre vins royaulx.

Àu dit messire Jehan Chandos, viconte du dit lieu de Saint Sauveur le Viconte , pour autres deniers à lui paiez comptant par la main mess. Ferrault de Saint Germain et Aubin de Litehare, la somme de treize cens royaulx, en rabat et deducion de plus grant somme en quoy eulx et plusieurs autres sont tenuz et obligez au dit messire Jehan Chandos, pour la finance et composicion faite pour les terres et pais detrés nobles et excellans princes nosseigneurs les dux de Normandie et d'Orléans, pour ce au dit messire Jehan, par sa quittance sur ce donnée le xxu? jour d'aoust l'an mil ccc Lxvii, la dicte somme de treize cens royaulx, sur la quele somme le dit Thomas le Melle paia par sa main la

somme de sept cens royaulx.

(Bibl. Imp., Cabinet des titres , 2* série des titres originaux , au mot Stokes.)

100. QUITTANCE D'UNE SOMME DE 900 ROYAUX PAYÉE A JEAN DE CHANDOS POUR UN TERME DE LA PENSION QUE LUI FAISAIT LE ROI DE NAVARRE.

14 Octobre 1369.

Sachent touz que nous Johaun Chaundos, viscounte de Seint-Saveour , avons eu et receu de très-noble et puissant

- HO uo

prince le roi de Navarre, sur la pensioun que nous pregnons de lui par an, pour le termede le Seint-Michel darreinment passez , par la meine de Martyn Lours, sen vicounte de Quarantaun , la somme de cynqz centz realx , et en quitons le dit roi et touz autres à qi quitance en appartient. Donné à Seint Saveour, le xmr° jour d'octobre, l'an mille trois centz soissant et deux. .

(Orig. à la Bibl. Imp., titres scellés de Clairambault, vol. 28; p. 2047.)

101. CERTIFICAT CONSTATANT LE PAIEMENT DE LA PENSION QUE LE ROI DE NAVARRE FAISAIT A JEAN DE CHANDOS.

Q7 juin 1364.

Sachent tous que, du commandement de nous , Robert , par la grace de Dieu evesque d'Avrenches, et Guillaume , par la permission divine abbé de Cherebourg, conseillers du roy.de Navarre nostre seigneur , Gerard de Crepon, viconte de Valongnes , a paié, pour parfere le paiement de la pension de mons. Johan Chandos du temps passey, la somme de deus cens et dix escuz d'or de Johan.... Donné souz nos seaulx , le xxvi* jour de jung , l'an mil ccc soixante et quatre.

( Orig, à la Bibl. Imp., Collection de Gaignieres , vol. 150.)

102. ORDRE DE PAYER 66 SOUS TOURNOIS AU HÉRAUT QUI ALLAIT NOTIFIER A SAINT-SAUVEUR LA TRÈVE CONCLUE EN- TRE LES FRANÇAIS ET LES NAVARRAIS.

17 mars 18685.

Guillaume du Merle, chevalier, seigneur de Messy , capilaine général ès bailliages de Caen et de Costentin , à nostre

amé Renier le Coutelier , viconte de Baieux et receveur général és diz bailliages des aydes ordenez estre levez pour la delivrance du roy Jehan derrain trespassé, dont Dieux ait l'ame , et pour le fait de la guerre , salut. Nous vous mandons que , des deniers des diz aydes, vous baillez et delivrez à Valoys, heiraut de mons. le duc d'Orléans, lequel nous et messire Robert de Warignies , baillif de Caen , envoions par devers messire Jehan Stoques, capitaine de Saint Sauveur le Viconte, messire Bertherain de Benanges, capitaine de Gavray , et Jehan Ruys d'Aynar , capitaine d'Avrenches , pour porter lettres faisenz mencion des tréves prises jusques à la Penthecouste prochain venant sur le traictié de paiz entre le roy nostre sire et le roy de Navarre, la somme de seixante et six solz tournois.... Donné souz

nostre see] , le xvii* jour de mars , l'an MCCCLx1II. ( Orig. à la Bibl. Imp., Quittances, à la date d'u 17 mars 1365, n. s.)