QUITTANCE DE JEAN COKINGUE, CAPITAINE DE SAINT SAUVEUR

26 novembre 13068,

Sachent tous que je Johan Cokingue, capitaine de Saint Sauvoour pour mons. mons. Johan Chandos , viconte et seignour du dit lieu, et procuroour establi de par mon dit seignour à recevoir dez tenus et obligiés à mon dit seignour pour le paiz de Costantin la somme de dix mille frans d'or, pour les termez de la Toussainz desraine passée et Noel prouchain venant, ae eu et receu par Ja main de

— 168 — 7 Gerart de Crepon, viconte de Valoignes, pour et eu non des dis obligiez , et sur le dit terme de Toussainz desraine passée , la somme de chinq mille frans d'or..... En tesmoig de cen , j'ae séellé ceste quitance de mon seel, et à greignour confrermacion y ae fait metre le grant seel de la baillie du dit Saint Sauvoour, le xxvr' jour de novembre, l'an mil

troiz cens soixante et hu yt.

( Orig. à la Bibl. Imp., Cabinet des titres, 1'* série des originaux, au mot Cokingue.)

112. QUITTANCE D'UNE SOMME PAYÉE A SANSON MARICHOULLE SUR L'AIDE DE JEAN DE CHANDOS.

15 mars 1369,

A tous ceulx qui efc. Fut présent Sanson Marichaoulle, lequeil recongnut... avoir heu et receu de Girart de Crepon, viconte de Valongnes, recevour de l'aide qui derreniérement fut ottroié pour mons. Jehan Chandoz sur le pais de Costentin, et par vertu de certaines lettres adreschantes et envoiez par mons. l'abbé de Cherebourc, consilier du roy de Navarre nostre sire , et commissaire du dit seigneur en ceste partie , au dit viconte, c'est à savoir pour la somme de huit vins quinse escus de Jehan , qui deubz estoient au dit Sanson , el pour les causes contenues ès lettres du dit mons. l'abbé, la somme de six vins onse frans et chinq soulz tournois, de laqueille somme, etc. L'an de grace mil ccc rLxvii, le xv jour de mars. NP

(Orig. à la Bibl. Imp., Cabinet des titres, 1"* série des orig., au mo! Crépon.)

113. AVIS DONNÉ AU VICOMTE DE FALAISE DES PROJETS HOSTILES DE JEHAN DE CHANDOS.

11 juin 1369.

De par le bailli de Caen : viconte de Faloise , nous avons receu unes lettrez closes du roy nostre sire, contenant, entre lesautres choses, que messire Jehan de Chandoz et autres ennemis du royaume entendent à chevaucher et prendre fors en ces parties , sicomme il a esté rapporté à nostre dit seigneur. Si nous mande par ces dictez lettrez que nous facons savoir à tous les cappitaines et gardez de forteressez que de ce il soient proveuz et garnis, et que de jours et de nuiz il facent faire bons guez et arrére guez, par telle manére que aucuns perilz n'en puissent venir, et aussi que leurs forteressez soient si garnies de vivres, artillerie et autres choses necessaires à ycelles forteresses qu'il doie suffire pour ycelles garder. Si vous mandons que les choses dessus dictez vous faciez savoir au cappitaine et chastellain de Faloise , et à touz les autres cappitaines de forteressez de la dicte viconté , et nientmoins leur mendez et commandez ct par ces presentez leur mandons et commandons que ce présent mandement il acomplissent par telle manére que deffault n'y ait. Car ainssi le mande le roy nostre dit seigneur. Si gardez que en ce n'ait deffaut. Donné à Caen, le xr jour de juing , l'an mil cccrxix.

Orig. à la Bibl. Imp., Cabinet des titres , 4* série des titres orig., au mot Chandos.)

114. AVIS DONNÉ AUX CAPITAINES DES CHATEAUX DU BAILLIAGE DE CAEN DE.SE METTRE EN GARDE CONTRE LES GRANDES COMPAGNIES QUI AVAIENT PRIS LEURS QUARTIERS A SAINT- SAUVEUR ET DANS LE COTENTIN.

Q7 août 1369.

De par le roy.

Bailli de Caen, Nous avons entendu de certain que lez Engloiz , gens de compaingne , qui sont yssus de Chastiau Gontier et estoient nagairez entrés en Dretaingne , s'en sont retournez et sont à present à Saint Sauveour le Viconte et environ, et ailleurs ou pais de Costentin, et ne savons à quel titre ou instance il y sont venus, ne quelle entencion ou vollenté il ont, ne quel aide ou confort il pevent avoir sur le dit pais. Et pour ce mandons à aucuns cappitaines et chastellains par dela, et autres, sur quanque il se pevent meffaire envers nous , que il se tiengnent sur leurs gardes, et facent faire en leurs chastiaux et forteresches bon guet et seur , de jour et de nuit, et n'y laissent entrer personne quelconques dont il n'aient trés bonne congnoissance , ne telle qu'il ne soient tous jours les plus fors, et auxi qu'il se gardent des dechevancez que aucuns ont acoustumé de faire soubz abis de fames et de laboureurs, et autrement , si que dommage ne peril n'en puisse venir. Si voullons et vous mandons expressément que vous faciez faire semblable commandement de par nous aux cappitaines et chastellains des chastiaux et forteresches de vostre b^: ^:ze , tant nostres comme autres, et de ce vous chargons. Si gardez que deffaut n'y ait. Donné à Saint Joire, le xxvir* jour d'aoust. vvo.

À nostre bailli de Caen ou à son lieutenant.

(Copie du 31 aoüt 1569 , à la Bibl. Imp., Lettres de Charles V, à la date du 27 août 1369. )

115. DON FAIT A GAUVAIN DE TOLLEVAST PAR LE ROI DE NAVARRE D'UNE SOMME A PRENDRE SUR LA FINANCE DE JEAN DE CHANDOS.

24 octobre 1369.

Charles , par la grace de Dieu roy de Navarre et conte d'Evreux , à nostre amé Girard de Crepon , nostre viconte de Valoignes , salut. Pour considération des bons services que nostre amé chevalier messire Gauvain de Tholevast nous a faiz, tant en nos guerres que ailleurs, fait de jour en jour et espérons qu'il fera ou temps advenir , et aussi pour les pertes et domages qu'il a heuz et soustenuz à cause de nos dictes guerres, nous au dit messire Gauvain avons donné et donnons à ceste foiz , de grace especial et par ces presentes, la somme de cent frans d'or à prandre seur la finance mise sus et levée en nostre paiz pour le fait de Chandos. Si vous mandons etc. Donné à Cherebourg, le xxui jour d'octobre, l'an de grace mil ccctxix.

(Orig. à la Bibk Imp., Cabinet des titres , 1'* série des originaux, au mot Tollevast.)